1 TAWARIKH 24:6 - Allah Wene Fano Wene Hupla Inane

⁶ At Itamar ambisangma mene inom, Eleazar ambisangma mene inomen he inebe higit-higit inenggi waleti lagaukwa. A'nogo waletunem it inenu re ap misik ekhe lisu palhi lagaikhe mene Semaya hun Netaneel amlogo Lewi agun a'nogo nen palhigik fikhi lagaikhe. Mondogat andoma re at hun raja a'nogo inom, agoromi at a'ma yabu hilingiti lagaukwa mene pegawai omanogo inom, ap imam Zadok a'nogo inom, hun Abyatar amlogo Ahimelekh a'nogo inom, it imam inap iluk salogo welagaukwa meneba omanogo ineisok erokwe lombok faget kepala welagaukwa mene omanogo inom, it Lewi inap salogo welagaukwa inap inogogwi kepala omanogo inom, ineilhanem en hilingiti lagaukwa.

1 TAWARIKH 24:6 ပူးပေါင်းရင်းမြစ်များ

1 TAWARIKH 23:24

It ap Lewi inap a'nogo inenu it inebe ta'larik wagaukwa aple inom, inunggulenu hilingik welagaikhe aple inom, higit-higit palek welagaikhe mene re a'nogo andi. It inebe re umur 20 tahun nen ambolkwe nek asi lagunem Tuhan Awiba omanogo yabu hilingiti logouwageluk fisikhi lagaukwa.

1 TAWARIKH 24:31

It yabu inebe hobugalep wanhi lagaukwa mene faget he, it ap inenu werek mene inagot misik ekhe inom, it inagaila'lak ap Allah eilhanem hilingiti lagaukwa mene at Harun ambisangma mene nen hilingiti lagaukwa aple higithogo inenggi walhaluk wanhi lagaukwa. It a'nogo inenggi walhugunem he, at raja Daud inom, ap imam Zadok a'nogo inom, Ahimelekh inom, imam-imam it inunggulenu lombok ineisok erokwe faget inogogwi kepala welagaukwa mene a'nogo inom, it Lewi ineisok erokwe mene inom, omanogo ineilhanemen hilingiti lagaukwa.

1 TAWARIKH 24:7

It ap inebe kabok 24 en a'nogo yabu hilingitu mene faget inenggi walhugu halok hobugalep wenago mene higithogo wanhukwa mene re yi: l. Yoyarib 13. Hupa 2. Yedaya 14. Yesebeab 3. Harim 15. Bilga 4. Seorim 16. Imer 5. Malkia 17. Hezir 6. Miyamin 18. Hapizes 7. Hakos 19. Petahnya 8. Abia 20. Yehezkiel 9. Yesua 21. Yakhin 10. Sekhanya 22. Gamul 11. Elyasib 23. Delaya 12. Yakim 24. Maazya

2 TAWARIKH 34:13

afuni nen ongge salma'luk wagu mene inom, it ap leberisugu mene yabu ekhekwe-ekhekwe hilingiti lagaukwa mene omanogo inom, yi mene ti mene faget wenagaisogo enu lisu palhigik hilingitu mene faget inom, ebekhalem kagalek werek mene inom, faget ineil logolik kagalinarek logouwageluk menfisilik lagaikhe.

EZRA 7:6

Ma re, ap Ezra andi sekolah mondok yanggulhikhesik eluatma re, wene at nineisena Allah Israel mene nen komotninafikhe wene a'nogo, at Musa yagatikhemo, lisu palhikhe mene omanogo mondogat elu mondok welagaikhe. A'nogo were'ma, at nineisena Tuhan nen Ezra ebe fanotfikhi lagaikhe andiba, at Ezra nen raja Artahsasta ba yi mene ti mene legen kino yagatunem ane hologoat wogoti lagaikhe. A'nogo wogeti lagaikhe andi re, at Artahsasta ebe raja menlagaikhesik logolik tahun 7 meneba were'ma, at Ezra inom, imam mene ekhe inom, afuni Lewi mene ekhe inom, wuni watu inelu mene inom, Allah awi wuri'mo kwe ambe palek oba kagelek logogun mene inom, nen yabu Allah awi wuri'mo hilingiti logogun mene inom, mondogat inagoromi inom inebe misik lambukhogo re, o Babel en Yerusalem wesuogeluk woginarek wagaikhe.

NEHEMIA 8:1

It afuni Israel mene inawi kota welagaukwa kwe lombok kwi wagaukwasik were'ma tugi iren wenati lagaukwa higithogo 7 mene folelhikhemo re, tanggal 1 ba inebe mondogat o Yerusalem leget pak leget ambe palek mene enu Pintu Gerbang Air salhukwaba andoma elonggoma o silimo andogotukwa. A'nogo andogotukwasik he buku Allah awene melalek afuni Israel mene faget Musa ba fesikhe mene a'nogo ap imam Ezra wene TUHAN nen, ”Yi'nogo hilingiti logoino, ti'nogo hilingiti logoino,” iluk komorinafikhe wene andi mondok elu agun a'nogo nen wanuageluk yagatukwa.

MATIUS 13:52

A'nogo yagatukwama, at Yesus nen he, ”Halok he, it ap Allah ane lisu palek inelu mene omanogo nen, Allah nen awe a'ma fisikherek a'nogo wene yagaisugu halok he, andi mel hangge ugun. Ap kain mene agarek endawinggen hundik mene fakhikherek oba nen, ket mene wulabi wagik, attak wulabi wagik, hobugalep wulabi wagarek hagaro,” iluk yagaisasikhe.

MATIUS 8:19

A'nogo yagaisasikhesik were'ma, it ap Allah ane lisu palek eisewerek mene ekhe Yesus oba wagaikhesik he, mel yagatikhe: ”Noe. An he, hat koma kwe lagen halok he, hombo'ne mondok nikhi logogin o,” iluk yagatikhe.

MARKUS 2:26

At Daud en he, ap Abyatar it ap Allah eisewerek mene inoe kain logolik Allah awi wuri'mo Allah faget hilingitunem oba kuluk he, sumburu roti Allah faget fisagarek mene hesanggeat nogoin mondok lek. We, it Allah eisewerek mene nek nogoin, iluk wene palek meneat he, at Daud en nasikhesik he, agoromi ombo'ne lagaukwa mene omanogo wogisasikhemo nasukwaat, iluk lisu palek werek a'nogo enu salhi'lek welagep nogo?” iluk yagaisasikhesik wene ekhe mel yagaisasikhe: