1 TAWARIKH 24:5 - Allah Wene Fano Wene Hupla Inane

⁵ A'nogo tegelhi logolik andi re, at Itamar eisok erokweba nen ogo, at Eleazar eisok erokweba nen ogo ap fena Tuhan awi elonggoma yabu hilingitu mene faget inom, nen it ekhe wene fano wene faget hilingitu mene faget inom, welagaukwa. A'nogo welagaukwama re, ineabu sumburisikhi logolik he, inenggi walhaluk enek hilingiti lagaukwa.

1 TAWARIKH 24:5 ပူးပေါင်းရင်းမြစ်များ

1 TAWARIKH 24:31

It yabu inebe hobugalep wanhi lagaukwa mene faget he, it ap inenu werek mene inagot misik ekhe inom, it inagaila'lak ap Allah eilhanem hilingiti lagaukwa mene at Harun ambisangma mene nen hilingiti lagaukwa aple higithogo inenggi walhaluk wanhi lagaukwa. It a'nogo inenggi walhugunem he, at raja Daud inom, ap imam Zadok a'nogo inom, Ahimelekh inom, imam-imam it inunggulenu lombok ineisok erokwe faget inogogwi kepala welagaukwa mene a'nogo inom, it Lewi ineisok erokwe mene inom, omanogo ineilhanemen hilingiti lagaukwa.

1 TAWARIKH 24:4

At Itamar ambisangma mene re inebe siregen logalhukwa, nen at Eleazar ambisangma meneba nen he ap enek hokhorogo it ineisok erokwe lombok faget inunggulenu hakhogo welagaukwa ma re, at ambisangma mene nek he wenagisogo ambolkweat inebe henawi 16 nen agaukwa.

1 TAWARIKH 25:8

Iren yabu hilingisuogeluk logolik, sani tak kugun, nen sani hobuk kugun iluk he inenggi walhiki lagaukwa andi re it alage mene faget inom, it ap yaman mene faget inom, it attak hilingiti lagaukwa inap inelu mene inom, ket yanggulhi lagaukwa mene faget inom, a'nogo hilingiti lagaukwa.

1 TAWARIKH 26:13

It andi inebe ineisok erokwe hokhorogo werek mene inom, endephogo werek mene inom he, kwe ambe palek ki meneba kagalek logogun iluk ninelu asuageluk he inenggi halhikhi lagaukwa.

2 TAWARIKH 35:8

Nen, it Yosia agoromi pegawai omanogo nen ogore it ap Lewi inap inom, imam inap inom, it afuni holhu mene inom faget wam kabokhogo wogisasukwa. It pegawai o Tuhan Aiba a'nogo yabu hilingisuageluk fisasikhe inap he, Imam Agung Hilkia a'nogo inom, Zakharia inom, Yeiel inom andem fisasikhe. It inebe henagan arem nogo nen he wam domba eagwi inom, kambing ket kotorek mene inom he, ebe 2.600 nen inom, sapi ai mene 300 nen inom, seni a'nogo isati logolik wasuageluk it imam omanogo wogisasukwa.

AMSAL 16:33

Furogo inelu asuageluk he afuni nen helebenggen oba walhugunem inelu agarek, oba nen he onggo furogo yagaisagarek mene re we Tuhan amu nenat yagaisikherek.

YESAYA 43:28

ap An eisewerek mene nen An nawi wuri'mo omanogo emerogo figik isukwa andi. Ma re, hit afuni Israel mene it ekhe nen inendawimo seramet hinobagauwagaluk inenggiba hinobagagik, hit Yakub en tagomangge mene yi hinebe mondok legethinabuageluk herakhinobagagik, igin andi o,” iluk ikhe.

YUNUS 1:7

Yagatikhesik, emberek lagai wagaukwa re, it ap kapal waluk lagaukwa mene omanogo nen it-it ikhi logolik, ”Ero sa weak hilingiteba nen nit wene weak mene yi ninoba aga nogo, iluk ninendawinggen wenggelasuagaluk, oagengge lakfouwogo,” iluk isukwasik oagengge lakfesukwa re, at Yunus a'nogoba higit agaikhe.

MATIUS 26:3

Andi sambul he, it ap Allah eisewerek mene inogogwi kaindek mene inom, inaluendek omanogo inom, at ap Allah eisewerek mene inoe kain enu Kayafas a'nogo aiba andogotukwasik he,

MATIUS 27:1

A'nogo hilingitukwasik were'ma, o arat wei isikhemo ohealekwe it ap Allah eisewerek mene inogogwi kaindek mene omanogo inom, inaluendek omanogo inom, mondogaren he, Yesus wasuogeluk weim abok isukwasik he,

KISAH PARA RASUL 1:26

A'nogo isukwasik he, ”Ap yi menfouwoga? yi menfouwoga,” iluk oagengge sa oba asigin, sa oba asigin inenu salogo walhasukwama, Matias oba higit agaikhe. Higit agaikhemo, it ap Yesus nen inebe wenagaisogo inayonggo fesikhesik lakfisasikhe mene omanogo inebe 12 mene 11 agaikhemo nen, 12 asuageluk Matias inom logouwageluk menfesukwa andi.

KISAH PARA RASUL 4:1

It Petrus Yohanes emberegen wene a'nogo afuni omanogo oan yagaisugu were'ma aremnogoat, it ap Allah eisewerek mene inom, Allah awi wurik kagalek welagaukwa mene inoe kain mene inom, ap Saduki mene inom, inoba wagaukwa.

KISAH PARA RASUL 5:24

Yagaisasukwama re, it ap Allah awi wurik kagalek welagaukwa mene omanogo inom, Allah ane eisewerek inogogwi kaindek omanogo inomen he, ”It ap Yesus nen inayonggo fuluk lakfisasikhe mene omanogo ninggi'nogo hilinglagaikhama nen aga,” iluk inobakheindok palagaikhesik he, ”Hobuk ninggi'nogo hilinglasigin he,” iluk inendawinggen fitukwa.

YOSUA 18:10

A'nogo hilingitukwama re, at Yosua nen he Tuhan nen it faget ninggi'nogo enekhogo fikhe iluk helebenggen walhasikhesik kweang it afuni inunggulenu Israel mene helasukwa lek mene omanogo kuthigik sumburisasikhe.