1 TAWARIKH 22:3 - Allah Wene Fano Wene Hupla Inane

³ O andi faget posiemanggen inom, nen kwe enggi senengge engsel inom, Tuhan Awi andi kwe sou hokho mene aremnogo faget hilingisuageluk he, at Daud en posiemanggen mene hokhorogo kabogetikhe. Aren nekherogoat no perunggu inom hokho-pokhorogo kabogetikhemo re enggin faget ilirengge walesu elo'lek welagaikhe.

1 TAWARIKH 22:3 ပူးပေါင်းရင်းမြစ်များ

1RAJA-RAJA 7:47

Yi mene ti mene no perunggu meneba nen hilingitikhe mene andoma re, ebe mondok hokho pokhorogo hilingi'mo re enggin walhoageluk at Salomo nen yagaisasikhe lek. Andi nen he, yi mene ti mene andoma enggin he inonggot welagaukwa.

1 TAWARIKH 22:14

O Tuhan Awi andi faget he, an mondok namurururogo emas re 3.400. ton fougeti, nen perak he 34.000 ton nen taganhogo ambol kweat fougeti. Andi nen fena amu mene perunggu inom, posiemanggen mene inom he mondok wenasu elo'lekhogo omanogo andogotiat. Helep inom, e inom, ogore an nen mondogat miningisogo figi, oba nen he haren ogo fena miningisigin fanoat.

1 TAWARIKH 29:2

O Tuhan Awi andi faget o ebenengge inom, elonggokwe faget inom he an nen hilingisu elok meneba re mondogat foukhogo figimo werek. Fougerati mene andi ebe re: emas, perak, perunggu, besi, helep onggo werek mene enu permata andi mene, elokhe yinik-hunik ebene labetu mene faget inom, nen helep pualam mene mondok hokhorogo tukhogo figimo werek.

1 TAWARIKH 29:7

A'nogo anggasukwasik he, Tuhan Awi wutu mene a'nogo faget iren wogetukwangge re yi: Emas re 170 ton ekhe inom mangorogo, perak 340 ton taganhogoat inom, nen perunggu 620 (ton) inom, nen posiemanggen mene re 3.400 ton taganhogo inom kabogetukwa.

2 TAWARIKH 4:18

Yi mene ti mene andoma re mondok hokho-pokhorogo hilingi'mo re perunggu andoma ebe enggin ti nen hakhogoba wuto, iluk ap misigen ogo ekhe inelu welagaukwa lek.

YEREMIA 52:20

Yi mene ti mene raja Salomo nen Tuhan Awi wuri'mo faget iluk hilingitikhe mene, kereta inom, waruk bejana inom nen bejana andi legeisogo werek engge sapi nesanggo nen inom, mondok enggin hokho mene hilingi'mo re, enggin walesu mondok elo'lek welagaikhe.

ULANGAN 8:9

O andoma, hit sumburu nele agik, yi mene ti mene lek hinelagaik welagik, ikhi logogun lego. Nen, helep isa talek elema posie ero figik, tom ebene kweang habulogo tembaga wani kwigik, ikhi logogun o.