1 TAWARIKH 22:12 - Allah Wene Fano Wene Hupla Inane

¹² Tuhan Awene melalek yi'nogo hilingi'no ti'nogo hilingi'no iluk isikhe mene a'nogo higithogo haren it afuni Israel mene melalinafi logoinogen, At heisena Tuhan Allah andi nen hat enggaret hobagagik, heluet hobagagik, hilingiti logouwak.

1 TAWARIKH 22:12 ပူးပေါင်းရင်းမြစ်များ

1RAJA-RAJA 2:3

Tuhan nen yaganisasikhe mene andiat higithogo hilingiti logoino o. Hat he, we, o koma laluk, yi mene ti mene hilingitunem elok enek aga logouwagaluk, wene Allah nen, yi'nogo hilingiti logoino, ti'nogo hilingiti logoino, iluk wene isa hilingisogo komotninafikhe wene, Musa nen lisu palogo fesikhe mene a'nogo hologo higithogo hilingiti logoino o.

2 TAWARIKH 1:10

Andi halok he, an nen afuni yi melalinafi logogin mene faget an namolo mene neisena Haren nendawimo kagalek mene inom, wenggelek mene inom, wo'nom o. Nen a'nogo hilingnobagagin lek halok he, an nen afuni Hat hagainafuri hokhorogo yi re ninggi'nogo melalinafi logogin?” iluk yagatikhe.

MAZMUR 119:34

Hat hawene melalek andi an nen hologo hilingiti logolik, nendawimo amu mene ekhe eberek legengge hilingiti logoigen he, Haren nendawinggen wenggelek mene hilingnobagain o.

MAZMUR 72:1

”Allah neisena, Hat hawene melalek andi at raja ba yagati logoin o, Haren wene katokhogo hilingiti lagen mene andi at raja amlogo andiba wogoti logoin o.

AMSAL 14:8

Ap hebelek mene nen he ninggi'nogo hilingisigin iluk elu werek, oba nen ap kembu mene re at onggwarek kemburek andiba lalogo fakhikherek.

ULANGAN 4:6

Wene andi hinaberali agi'legat hologo higithogo hilingiti logoino o. Hiren a'nogo hilingiti logogun halok, hit hinendawinggen kagalek mene were'ma awene andi futfuluk hilingitunem afuni inunggulenu hunogoat mene nen enegat futhinobagakhi logolik, egi! It inunggulenu hokho mene yi nen, wene inelu mondok, inendawimo kagalek logolik futfuluk hilingiri'lagwi andi nailo e, iluk fogethinabugun o.

YAKOBUS 1:5

Menere, at Allah obabut fano nen afuni mondogat endawi logolik wenagisigi'lek wogisikherek andi nen he, hit ekhe hinendawimo kagalek lek mene nen kino yagasumo hinendawinggen kagalek mene wogisagain aro.

1 YOHANES 2:3

Wene Allah nen komotninaferek wene andi, hologo higithogo hilingiti lago halok he, at ebe nineluo, iluk andiba nen ninendawinggen wenggelogo futfikhi lago.