1 TAWARIKH 21:1 - Allah Wene Fano Wene Hupla Inane

¹ At Iblis nen he it afuni Israel mene alomarogo fisagain iluk endawimo anggasikhesik, andi nen he aren Daud endawimo kagalhi logolik he, ap inenu lisu palogo wenasuageluk hilingitikhe.

1 TAWARIKH 21:1 ပူးပေါင်းရင်းမြစ်များ

1 TAWARIKH 20:8

Ap inebe henagan at Daud inom it agoromi sikhe fisogo inap a'nogo inomen inoatukwa inap andem he it inoakhuse uan mene o Gat welagaukwa inap andoma mene nen tagomangge mene inoatukwa.

1 TAWARIKH 27:24

At Yoab hun Zeruya amlogo a'nogo nen he ap inenu palogo wenaginabigin iluk eroratikheba nen he, at inenu palogo wenatikhe andiba Allah nen it afuni Israel mene unggum wogisasikhemo re, aren hesanggema teisal fesikhe. Andiba re it inebe seberogo hilingik mene faget he at raja Daud ambukuba re palek welagaikhe lek andi.

1 TAWARIKH 7:40

Hun Asyer ambisangma mene nen tagomangge menere andoma. It inebe mondogat he, ap it ineisok erokwe mene faget inogogwi kaindek logolik it mene nen it inagoromi inom, inaiba inom faget hilingitik, melalinafu mene faget welagik, hilingiti lagaukwa. Hun Asyer ambisangmangge andiba menere ap sikhe fisogo mene nen hilingitarek mene omanogo elok hilingisu hak mene nek inenu lisu palogo re ap inebe 26.000 nen welagaukwa.

AYUB 2:1

A'nogo hilinglagaikhemo, Tuhan nen elalogo fisasikhemo, pogoroba welagaikharek mene omanogo hobuk Allah oba inambotkwe andogotukwama, at Iblis afuni inendawimo kagalik nikherek mene a'nogo inom it andi inanggele'ma kwisikhesik welagaikheat.

KELUARAN 30:12

”Haren it afuni inunggulenu Israel mene inebe lombok wenagaisogo inenu lisu palhu sambul andi re, it ap mene inebe lombok he it inenu palhu sambul andem enggin-fenggin inoba asinogoluk he, onggo palogo uang An wo'neti logogun.

ZAKHARIA 3:1

Nabikanggoba ekhe amu mene higi re yi'nogo: Tuhan nen at Yosua Imam Agung a'nogo malaikat Tuhan elokhoma aremnogo mendek were'ma yethoageluk inuk niikhemo yethigi. Nen at Yosua fikhit he Iblis mendek logolik oba hikhibet hikhi laga.

MATIUS 4:3

A'nogo nele were'ma re, at Iblis inendawimo kagalik nikherek mene a'nogo oba wagaikhesik he, ”Hat eberogoat Allah amlogo halok he, helep yoma sumburu roti mene hilinglasuagen yagasin o,” iluk, yagatikhemo,

LUKAS 11:53

o a'nogo hebisaluk enda'ma wulibi lagaikhe. Wulibi lagaikhemo re, it ap Allah ane lisu palek inelu mene inom, Farisi mene inom, ina'mage at oba fikhi logolik, ”At Yesus andi ane igin oba wene enggin mene oba fembik ebe wasuok,” iluk he, anema hokho wanhik, endebat wanhik, ikhi logolik ineil wanhi lagaukwa.

LUKAS 22:31

Yesus nen a'nogo yagaisasikhesik he, ekhe Petrus oba mel yagatikhe: ”Simon! Simon! hesanggo holin! Gandum afulfulengge fologo hebisagarek andi hak he, hit mondogat a'nogo, at Iblis nen hinebe folhinabigeluk Allah kino yagatemo aren elok iluk yagate meneat he,

YOHANES 13:2

Logolik he, at agoromi omanogo inom o hubanggo sumburu misi'mo nunggunem, Yudas, Simon Iskariot amlogo a'nogo endawimo Iblis kwisikhesik he, Yesus ebe wasuagen he, ”Yonggo lan o,” iluk endawimo kagalhikhe,

KISAH PARA RASUL 5:3

Fei wagaikhemo, at Petrus nen he, ”Ananias. Iblis nen hendawimo kagalhemo Allah Areagun lalogo kweang onggo fena minggilogo honggwarek faget fakhaluk wagen andi nenahalok.

IBRANI 10:24

A'nogo fisogo logolik, nit-nit nendawi-hendawirogo logolik, lebet-lebet hilingiti logouwogeluk, ninendawinggen ago wat-wat ikhi logouwogo.

YAKOBUS 1:13

At Allah re weak mene nen endawimo kagalu lek hak. Nen, aren ogo re, afuni ekhe weak hilingisuageluk inendawimo kagalherek legat andi nen he, hit ekhe hinendawimo nen he, ”An weak hilingisuageluk Allah nenat nendawimo kagali'logo,” iluk anggogoin elo'lego.

WAHYU 12:10

A'nogo mabenet fisaluk, pelakfisa wagama, pogoroba nen inane hokhorogo mel ugunem holhi: ”At andi nen Allah eilhanem eranenat it ninerugwi ninagaila'lak linggene hubanggo wene inoba fugu mondok welagarek mene a'nogo arat mabenet fisaluk ebe wulakfisaga andi fano o. Nineisena Allah Enupogot ebe kain logolik, telninabuageluk Kristus menfesikhe a'nogo, yi mene ti mene mondogat eisewerek logolik, emberek inomame agaikhasik telninafasik, inawe a'ma arat ninobagaga yi o.