1 TAWARIKH 20:7 - Allah Wene Fano Wene Hupla Inane

⁷ Aren he ap Israel mene faget li'norogo hilinginafi lagaikhemo re, at ebe hun Yonatan Simea amlogo Daud oe a'nogo nen watikhe.

1 TAWARIKH 20:7 ပူးပေါင်းရင်းမြစ်များ

1 TAWARIKH 2:13

At hun Isai againafuri re inebe sabiren welagaukwa. It inebe ta'larik wagaukwa higithogo umur higit-higit he yi: manggusa mene re Eliab, ombo'ne re Abinadab, ombo'ne Simia,

1 TAWARIKH 20:6

Weim amu mene ekhe meneba re ap o Gat agun ebe oakhuse mondok uan awan agun andi re, enggi segelet falfaligen, nen eisok segelet ogore falfaligenat wilibik agun welagaikhe. Hun andi re it ap inobakhe hokho inap, inoakhuse yatek-patek inap o endam oba andoma welagaukwa inap inambisangmangge mene welagaikhe.

1 TAWARIKH 20:8

Ap inebe henagan at Daud inom it agoromi sikhe fisogo inap a'nogo inomen inoatukwa inap andem he it inoakhuse uan mene o Gat welagaukwa inap andoma mene nen tagomangge mene inoatukwa.

1 TAWARIKH 27:32

At raja Daud eisena agot Yonatan andi re, ap komorinafu mene faget he mondok hibil-hebelsek logolik, elu mondok agun welagaikhe. At inom hun Hakhmoni amlogo Yehiel a'nogo inom he at raja againafuri faget sekolah yagaisikhi logouwageluk fisasikhe.

YESAYA 37:23

Nen haren he andi saba hilingiti lagi iluk halapsiri watik, sebelogo figik, ikhi lagen nogo? An he Israel mene ineisena Allah a'nogo aro, nen Allah namu tegelek welagi mene a'nogo noba hilingiti lagen.

1 SAMUEL 16:9

A'nogo yagatikhemo, amlogo Syama menlasi loageluk yagatikhemo lagaikhe meneat he, at Samuel en he, ”At yi ogore, nineisena Tuhan nen wenate mene legaro,” iluk yagatikhe.

1 SAMUEL 17:10

Yogondak hit ap tentara Israel mene yi, nane asegen wokhisikhi lagi o. Weak-weak an weim nemberek walhouwogen he, ap ekhe wenagaisogo feni re,” iluk yagaisasikhe.

1 SAMUEL 17:26

A'nogo isukwama, at Daud en mel isikhe: ”Ap Filistin mene Allah ane onggot mene ari re, ailo lega? Allah eluk mondok welagarek mene againafuri tentara mene inoba ane asegen wogisili'lago ari re, nailo e,” iluk isikhesik, ap tentara mene at era'lu welagaukwa mene ekhe mel yagaisasikhe: ”Afuni Israel mene inenu weagerogo fili'lago mene andi eiloak leget figik, nen ap Filistin mene andi ebe watik, igin agun andi re nena mene wogosugun nogo?” iluk heinok wogisasikhe.

1 SAMUEL 17:36

A'nogo wati lagingge re, ap Filistin mene Allah ane onggot mene andi nen Allah eluk mondok welagarek mene againafuri tentara mene ane asegen wogisili'lago andi nen he, an hamingmingengge nen mene olomene a'nogo watirek hagat elok wasigin anggikhi lagi o.