1 TAWARIKH 20:4 - Allah Wene Fano Wene Hupla Inane

⁴ A'nogo hilingitukwasik oba nen welagaukwasigenat he hobuk weim a'nogo ap Filistin mene nen o Geser andoma nen erotukwa. Andi sambul he ap ekhe enu Sibkai awi Husa agun andi nen he ap hokho mene oakhuse mondok uan agun enu Sipai andi watikhe. A'nogo watikhemo re it Filistin mene inebikhit a'nogo maben agaukwa.

1 TAWARIKH 20:4 ပူးပေါင်းရင်းမြစ်များ

KEJADIAN 14:5

A'nogo wasuogeluk isukwa meneat he, tahun ekhe 14 oba re, at kain Kedorlaomer inom fanorogo lambul fesukwasik inagoromi tentara mene inom waga logolik he, afuni inunggulenu Refaim mene, o Asyerot-Karnaim andoma mabenetfisigik, afuni inunggulenu Zuzim mene o Ham andoma mabenetfisigik, afuni inunggulenu Emim mene, o Syawe-Kiryataim andoma mabenetfisigik,

2 SAMUEL 21:15

It afuni Filistin mene inom Israel mene inom, omanogo weim nekhengge yafukwama, at Daud inom agoromi inom a'nogo it ap Filistin inap inom weim yabi lagaukwa. Yabi lagaukwama nen yafu kwelek a'nogo re at Daud a'nogo omame mondok lek agaikhesik oba lebelekhogo hilinglagaikhe.

2 SAMUEL 21:16

A'nogo hilinglagaikhesik were'ma nen he, ap ekhe oagese uan agun enu re Yisbi-Benob andi wagaikhe. Arige re no perunggu helep hangge mene enggin he 3 kilo mene fisogongge a'nogo welagaikhe. Nen at andi nen enggarok he ket mene ouwa'ma kelik welagaikhe, nen at endawimo anggikhi logolik he, eberogoat at Daud he an nen wasigin iluk, anggasikhesik wagaikhe.

1 TAWARIKH 14:16

A'nogo yagatikhemo re, At Daud a'nogo Allah nen wene melalek yagatikhe mene a'nogo higithogo hilingitikhe. At inom agoromi sikhe fisogo mene inomen he it Filistin inap inasikhe fisogo mene omanogo inoarik-inoarik he o Gibeon andoma nen erotukwasik he o Gezer huli fei lagaukwa.

YOSUA 16:3

Andoma nen lagasik, barat fikhit he o ap Yaflet mene werek fikhigen lagasik o Bet-Horon-Hilir fikhit andoma nen hiling-hiling o Gezer oba nen fem wurepma i Laut Tengah were'ma andoma.