1 TAWARIKH 2:16 - Allah Wene Fano Wene Hupla Inane

¹⁶ at Isai ogo re a'logomi inebe pire mene welagaukwa inenu re hele Zeruya inom, Abigail inom. At Zeruya re againafuri inebe henagan welagaukwa: Abisai inom, Yoab inom Asael inom.

1 TAWARIKH 2:16 ပူးပေါင်းရင်းမြစ်များ

2 SAMUEL 14:1

At raja Daud en amlogo Absalom faget endawirati lagaikhe mene andi re we at Yoaben elu welagaikhe,

2 SAMUEL 17:25

(At Absalom en he, ap Amasa andi Yoab obali'mo agoromi tentara esa logalhi logogun mene inoe menfesikhe. Ap Amasa andi ap Yitra unggulenu Ismael mene andi amlogo. Nen, agaisa re enu Abikail ap Nahas a'logo andi. At he Abikail andi ap Yoab agaisa enu Zeruya andi agailak.)

2 SAMUEL 19:22

A'nogo yagatikhe meneat he, at Daud en Abisai oe Yoab emberek mel yagaisasikhe: ”Hit Zeruya againafuri yi re, an nen igin mene andi hiren sagalogo fogoin lego. An o yogondagen afuni Israel mene inoe raja hilinglagiat andi nen he, afuni Israel mene ekhe wene inoba fembik inoasugun mondok lego,” iluk yagaisasikhe.

2 SAMUEL 2:13

Nen, at Yoab (agaisa enu Zeruya) a'nogore at Daud agoromi inom o kota andi lagaukwaat. Ap esa pire logalek fena nen fena nen lagaukwa mene omanogo arogo Abner ebikhit mene re, i mogo esanggo yi fikhit werek kwelek, Yoab ebikhit mene re i mogo esanggo eli fikhit logolik he, inelokhe yet-yet aga lagaukwa.

2 SAMUEL 3:39

An yi raja Allah nen wenagaisogo mennobagaikhe mene welagi oba nen he, yogondak he, an nomame mondok lek agama welagi. He Zeruyah eagwi andoma re inobabut mondok kwanirek hilingi'mo re, an nen it halinabure elo'lek ari'logo. We At Tuhan nen enek it ap inanini weak mene andi iren hilingita mene ambisangma unggum inoba fouwago!” iluk isikhe.

1 TAWARIKH 11:20

It ap sikhe fisogo mene inogogwi perwira inebe 30 nen mene andem faget inenu re, ”Esa 30 nen,” u hak Tridasawira iluk ikhi lagaukwa. It inenu andi inap andi re hun Abisai, Yoab agot a'nogo nen melalinafi lagaikhe. Aren he ap inebe 300 nen mene inoatikhe more, at he enu lego agun welagaikhe. Oba nen, at he ap inenu Triwira inanini inap andi inom he higitsek lek welagaikhe.

1 TAWARIKH 2:15

ombo'ne Ozem, ombo'ne Daud taginafikhe,

1 TAWARIKH 2:17

He Abigail he agun Yeter Ismael ambisangma mene andi helasikhesik he, it inomalik abengge we misik takhasukwa mene enu re Amasa andi.

1 SAMUEL 26:6

A'nogo hilingi'mo hasukwasik, Daud en hun Ahimelekh o Het mene a'nogo inom, Abisai inom, abo Yoab andi re (it inagaisa hwe Zeruya) a'nogo amlogomi aremnogo inom inoba heinok wogisikhi logolik he, ”Hun Saul awi sabu salogo nogoli'lagoba ari ailo lek mene an ninom sa kugun ilik heinok wogisasikhemo at Abisai nen ikhi logolik he, ”An o!” iluk isikhe.