1 TAWARIKH 19:4 - Allah Wene Fano Wene Hupla Inane

⁴ A'nogo yagatukwama re at raja Hanun a'nogo nen he ap Daud en lakfisa wagaikhe inap omanogo fakfisasukwasik he, inomborosi palogo, inasu huli inago bene palogo, hilingfisasukwasik he hinaiba lani iluk yagaisasukwa.

1 TAWARIKH 19:4 ပူးပေါင်းရင်းမြစ်များ

1 TAWARIKH 19:3

A'nogo lakfisasikhemo o Amon omanogo asi lagaukwasik hilingitunemen he, it ap o andoma melalinafi lagaukwa mene inogogwi kaindek omanogo nen hun raja Hanun a'nogoba ikhi logolik he, ”Nineisena haren anggikhi logolik he, Daud en ap lakfisa waga mene andi re aren hat heisena a'nogo along anggikhi logolik lakfisa waga iluk angga fuk! Aren he nit ninaiba ari hela kwi wesigin iluk, ap ineil wanuageluk lakfisa wagama o,” iluk yagatukwa.

1 TAWARIKH 19:5

Oba nen he it inaiba lagu aple inenggali nen he it aremnogo o Yerikho lagaukwa. Wene agaikhe mene a'nogo faget he, a'nogo hilingita o, iluk at Daud yagatukwama esanggo holhikhesik he, at Daud en wene warogo lakfikhi logolik he, it ap andi re o Yerikho andoma were'ma nen inomborosi wulibumo nek he wesuago, iluk wene lakfesikhe.

2 TAWARIKH 36:16

Oba nen he At Tuhan ane ugu mene omanogo puliabet fuluk he it nabi omanogo endo yaginafik, it Allah nen lakfisa wagu mene omanogo lalfalhogo hilinginafik ikhi lagaukwa. A'nogo hilingiti lagaukwa andiba re, At Tuhan anini inoba fikhe mene andiba nen lologo wulibi la re mondok elo'lek welagaikhe.

MAZMUR 35:12

An nen fanorogo hilingfisikhi lagi mene omanogo re, iren hebekhogo weak meneba hilingnobagali'lagwi, nen i agum oba ubuk agarek hak, an nendawi fit lagunem welagi.

YESAYA 15:2

Afuni Dibon mene re le asuogeluk inangge tugwi kembu fogeratarek kwe tom oba omanogo lagakhi logogun. Afuni Moab mene re o kota Nebo inom Medeba inom faget inendawimo weakhogo le aga logogun. Iren he fong warogo iluk enegengge re inesi hogolhik, inomboro palhik ikhi logogun.

YESAYA 20:4

Raja Asyur mene nen he o kweang pire andem oba afuni andoma hele warogo sebelogo fisambik he inebe inalfulukwa kogouk hilingfisambik lirinarek lagain o. Yaman mene inom, souge mene inom mondogat he inasu laberek legengge ineisok agut kwelabek legengge inalele weinam-weinam o Mesir mene sebel fisikhi logolik enegenggerogo iluk a'nogo lirinarek lagain andi.

YEREMIA 41:5

ap inebe delapan puluh nen engge o Sikhem inom, Silo inom, Samaria inom oba mene wagaukwa. Iren he, inomborosi palhik inasu tilip-talaphogo lakfigik, inagap paligik, hilingitukwasik waga logolik, iren gandum inom, kemenyan amben fanongge Tuhan Awi wuri'mo fogoin nen iluk waluk wagaukwa.

YEREMIA 48:37

It inebe mondogat he inesi hogolhik, inomboro felelengetik, inenggi palhik, inendawinggen warikhi logolik su karung mene labetik ili'lagwi.

IMAMAT 19:27

Hinesi hinungguloak hogologo palhik, hinomboro palhik, ugun legaro.

MARKUS 12:4

Lakfesukwama lagaikhemo re, hobuk amingmingengge mene ekhe inoba lakfisa wagaikhemo wagaikhe mene re, iren enggali warogo yei ungguloak tamuk-tamakhogo watukwa.