1 TAWARIKH 18:12 - Allah Wene Fano Wene Hupla Inane

¹² Hun Abisai andi agaisa enu re Seruya andi nen he it Edom inap o Asin tonggokwe welagaukwa inap omanogo inebe 18.000 nen inomame legaphogo fisasikhesik inoatikhe.

1 TAWARIKH 18:12 ပူးပေါင်းရင်းမြစ်များ

2 SAMUEL 10:10

Nen it tentara Israel mene fenakwe omanogo re at agot Abisai a'nogo nen erarogo hilingfisaluk he, it ap Amon inap inom inelokhe wuthigik wal hoageluk yagatikhe.

2 SAMUEL 10:14

A'nogo wulifunem it Amon mene omanogo nen yerisasukwasik he, it omanogo ogore at Abisai a'nogo oba nen herakfuluk inambothan inawi kota elonggoma kwi lagaukwa. At Yoab a'nogo it Amon mene inom weim mondogat yakfuluk a'nogo re ambotkwe inaiba o Yerusalem wagaikhe.

2 SAMUEL 20:6

A'nogo wagaikhe le'ma re at raja nen he Abisaiba ikhi logolik he, ”At Seba andi re, ap Absalom en endebat hak weaget ninafi lagaba nen, aren he hokhorogo weaget ninabigiluk werego. Enggere aren awi leget pa'leget omamerogo waganek mene omanogo sebeli kwimbik he, at ebe nit welagoba nen eluk wulibinogore, an nagoromi woginabimbik muginarek lano,” iluk yagatikhe.

2 SAMUEL 21:17

Oba nen he Abisai hun Seruya amlogo a'nogo nen at Daud lebetha wagaikhe. Aren he hun oagese uan agun a'nogo oba herogo sagali ikhi logolik he, ebe pinggi warogo fesikhe. A'nogo watikhe mo, at Daud agoromi nen he inoe ebe faget agap telogo mel isukwa, ”Afuni israel mene inebe mondogat lek hilingisogo ninobagau ha'ma re, ninoe hat he weim ninom yabi logoin legenggere, hane tekhogo wene watnisan o,” iluk yagatukwa.

2 SAMUEL 23:18

Nen, it ap inebe 30 nen it sikhe fisogo mene inogogwi perwira aremnogo inunggulenu re, ”Esa 30” nen andem salinarek welagaukwa. It andi inebe re at Abisai Yoab agot hun Seruya amlogo a'nogo inoe kain logolik melalinafi lagaikhe. Aren he arige kabelek oba re ap inebe 300 nen inoatikhe. Andiba re at afuni nen legeisogo fogetfikhi lagaukwa. Oba nen he at he it inenu, ”Esa Henagan” ikhi lagaukwa mene andi nen inomamerek welagaukwa andi hak he, hilingik welagaikhe lek.

2 SAMUEL 3:30

At Abner en he it Yoab inom Abisai inom inagot Asael a'nogo o Gibeon en weim yafi logolik watukwa mene a'nogo faget endawimo sebelek welagaikhesik he, iren a'nogo unggulmo watukwa andi.

1RAJA-RAJA 11:15

Andi oan agi'lek werek kwelek attak andoma re, at raja Daud en he o Edom a'ma sebelogo fesikhemo re, hun Yoab raja Daud agoromi sikhe fisogo mene faget inoe panglima welagaikhe mene a'nogo re o Edom lagaikhesik, at agaila'lak inebe wa'lagaukwa mene omanogo salinabi lagaikhe. Lagaikhesik andoma tugi 6 en welagaikhe, at ebe inom at agoromi inom o Edom andoma welagaikhe. Andoma a'nogo logolik ap mene nek mondogat inoatikhe.

2 RAJA-RAJA 14:7

Inenggi ekhe sambul he Amazia nen weim o Edom yabi lagaikhesik ap inasikhe fisogo mene inebe 10.000 nen mene o Mayu tonggoma andoma nen inoatikhesik o kota Sela andi inom telhikhe. O kota andi enu re Yokteel salhikhemo re yogondak huli nen inom kota andi enu Yokteel iluk salek werek.

1 TAWARIKH 11:20

It ap sikhe fisogo mene inogogwi perwira inebe 30 nen mene andem faget inenu re, ”Esa 30 nen,” u hak Tridasawira iluk ikhi lagaukwa. It inenu andi inap andi re hun Abisai, Yoab agot a'nogo nen melalinafi lagaikhe. Aren he ap inebe 300 nen mene inoatikhe more, at he enu lego agun welagaikhe. Oba nen, at he ap inenu Triwira inanini inap andi inom he higitsek lek welagaikhe.

1 TAWARIKH 18:11

Waluk wagaikhemo re at raja Daud a'nogo nen he abirengge omanogo wene kabogetuba omanogo hilingitu mene iluk Tuhan obaget fesikhe. Andi nen yi mene ti mene emas, perak inom, hun Hadadezer inom it inunggulenu amu mene inom mabenet fisasikhe mene, inunggulenu Edom inap, Moab inap, Amon inap, Filistin inap, Amalek inap, omanogo mene telhikhe mene omanogo re a'nogo nek Tuhan obaget fesikhe.

1 TAWARIKH 18:13

A'nogo inoatikhesik he it sikhe fisogo mene inawi tenda wuthigik o Edom oba omanogo fisilik lagaikhe. A'nogo hilingitikhemo re afuni omanogo at Daud a'ma sebe isukwa. At Daud en ekhe kwe ekhe kwe weim yabi lagunem Tuhan nen omamet fugu nek welagaikhe.

1 TAWARIKH 19:11

Nen, it Israel mene sikhe fisogo inap alonghogo a'nogo re, at agot Abisai nen woginarek he it tentara Amon inap omanogo inom yabuageluk wogetikhe.

1 TAWARIKH 2:16

at Isai ogo re a'logomi inebe pire mene welagaukwa inenu re hele Zeruya inom, Abigail inom. At Zeruya re againafuri inebe henagan welagaukwa: Abisai inom, Yoab inom Asael inom.

2 TAWARIKH 25:11

At Amazia a'nogo nen ailo lek agaikhesik he at agoromi woginarek o tonggo ekhe enu Lembah Asin andoma lagaikhesik he andoma nen it ap Edom inap inom weim yafukwasik iren ap inebe 10.000 nen mene inoatukwa.

MAZMUR 60:1

Afuni nen wuni wulak fuluk inebe seberogo ugunem melalinafu mene faget, wuni unggulenu: Bunga Bakung enegengge agarek mene andi bene felalek werek higithogo, At Daud en yanggulinafi lagaikhe awuni.

MAZMUR 60:2

Aren afuni o Aram-Mesopotamia mene inom, afuni Aram Zoba mene inom, inoba weim yabi lagaikhesik, at Yoab en he o Lembah Asin andoma nen afuni Edom mene inebe 12.000 nen inoa'luk wagaukwama wuni watukwa mene.

1 SAMUEL 26:6

A'nogo hilingi'mo hasukwasik, Daud en hun Ahimelekh o Het mene a'nogo inom, Abisai inom, abo Yoab andi re (it inagaisa hwe Zeruya) a'nogo amlogomi aremnogo inom inoba heinok wogisikhi logolik he, ”Hun Saul awi sabu salogo nogoli'lagoba ari ailo lek mene an ninom sa kugun ilik heinok wogisasikhemo at Abisai nen ikhi logolik he, ”An o!” iluk isikhe.

1 SAMUEL 26:8

A'nogo nogogunem he Abisai nen Daud oba ikhi logolik he, ”Allah nen he o yogondak hup yiba hat haselei mene a'nogo henggiba arat fikhe yi. Enggere an nen we nenggi pireba lek oba nen he nenggi misigamat onggwarek arige ariba ebe talogo kweang inom hun feiyogen he, io hilingisin iluk in o,” iluk yagatikhe.