1 TAWARIKH 17:9 - Allah Wene Fano Wene Hupla Inane

^9-10 It nagainafuri Israel mene faget he, kweang obuluk misik ekhe it inanggweang a'luk aben ogo ekhe inane ying inafi legengge wonghogo logogun oba foukhogo fisasigi. It o attak kweang yiba kwi wagaukwa huli nen, it inoe raja oan werek kwelek he, ap mondok weak aple nek inendawi mene nen inoasi kwi waga lagaukwa. Oba nen he ero andi mene re ekhe inom asigin lek. An nen he hat haselei mene inalong legaphogo fisigik, nen hat heisok erokwe mene hagainafuri wokhetik, ikhi logogin iluk abok yagaheti lagi o.

1 TAWARIKH 17:9 ပူးပေါင်းရင်းမြစ်များ

1 TAWARIKH 17:8

Hat yi kwe ti kwe lagunem he An nen lebethiikhi lagagi, nen hat weim yabik nugunem he it haselei mene An nen mondogat inoati lagagi. Nen, hat he it ap o kweangma yoma melalinafu mene welagaikharek andi hakhogo, An nen mondok legeisogo hobagagin o.

MAZMUR 44:2

Nineisena Allah Haren o attak hilingitigin mene andoma inom yi mene ti mene elalhigin mene andoma inom faget, it ninambu ninombalagen a'nogo hilingitikhe iluk it welagaukwaba andoma tindelhunem nit ninebe lombogen mondogat ninesanggo holhugu aro.

MAZMUR 89:22

An nomameba hundik-handik kagalek logolik, omamet fugu mondok logogin.

MAZMUR 92:13

Afuni inobabut higithogo nek hilingitarek mene and re e kurma asimit lagaikherek higit welagik, nen e sin o Libanon nen mondok muli-muli wiliferek andi higit welagik, ikhi logogun.

KELUARAN 2:23

Tahun hokhorogoat welagaukwasik he, at raja Mesir mene a'nogo ebe arat wa'lagaikhe. A'nogo wa'lagaikhe meneat he, afuni Israel mene, it Mesir mene nen inamingmingengge hangge ferinarek logolik enggin-fenggin inoba fikhi lagaukwa andi nen, ”Allah nineisena, telninabin o,” iluk yagatu mondok welagaukwa mene andi, inane Allah were'ma lagakhi lagaikhe.

YESAYA 49:17

Afuni hat menhobagagun mene re weak-weak wesugun, nen ap hat weaget hobagaga mene re weak-weak hela logoin!

YESAYA 60:18

Nen o kweang hat haiba andi re, ap ina'mage nen hilingita iluk ugunem ekhe holhi logogun lek, wilayah hiren meneba andoma nen o meisalhigik lakfisugu mene inom, weagerogo fugu mene inom, ariginha ugunem ekhe holhi logogun legat. An nebe re, leget pa'leget hakhogo fetharek were'ma re, hiren An hineisena nen telninabi'lago o, iluk fogetnafi logogun o.

YESAYA 61:3

it afuni o Sion werek mene inendawimo heiselhu welagik, fong watu welagik agarek mene omanogo inoba, hobuk inendawimo inagaiyek hikhi logouwagaluk fanorinafik, ”Ninggi'nogo hilingisugun he,” iluk inobakheindok palagarek mene andi, inendawimo fanorinafunem Allah awuniba fogerati logogun wene yagaisigik, uagaluk laknobai waga aro. It a'nogo yagaisamo, inebe re e Tuhan onggwarek enggi nen awi yate mene hangge logogun. A'nogo logolik, fano hilingitik, higithogo hilingitik, ugunem, Tuhan mondok legeisogo fikhi logogun.

YEREMIA 24:6

An nen he it halinafu logombik, nekhengge woginarek o kweang yiba wesigin. An nen it meisalogo fisagain lek oba nen he, wurogo fisagain. Nen An nen henogo lakfisagain lek oba nen he, awi yagaisogo fisagain.

YEREMIA 32:41

An nen it inoba fanorogo hilingfisugu mene faget nagaiyek welagi hilingi'mo re, it o kweang yiba mondok-mondok logouwageluk An nendawinggen eberogo meneba inom, Nobabut higit oba inom, Nagaiyek welagi meneba inom o yi fanorogo hilingisogo fisagain.

YEHEZKIEL 28:4

Haren hendawinggen wenggelek meneba ebeti lagen mene andi re hangge emas inom perak inom andogotu mene faget hilingiti lagen.

YEHEZKIEL 34:13

It inebe re afuni inunggulenu lombok welagaikharek mene inanggelekwe andoma nen inom ap pok mene inawilokwe andoma nen inom wulaginabi wesimbik andogorogo woginarek inaiba inonggwarek inanggweang oba fisa wesigin. A'nogo fisa wesimbik An nen it inebe afuni Israel mene inandom kwe inom, fanggong kwe inom, inafe morogo ninggi logouwageluk engga mondok muli fanoma andoma fisa laga logogin.

AMOS 9:15

An nen nagainafuri inanggweang wogisasigiba omanogo femhogo logouwageluk fisagain. A'nogo hilingisogo fisamo re, it he o andoma nen waganogo woginarek logoin mondok lego, iluk An Tuhan Allah nen nane mondogat igi,” ikhe isikhe.

EFESUS 5:6

It afuni Allah ane higithogo hilingitarek lek mene nen, wene igi mene andi a'nogo hilingitunem Allah a'mage lagaluk weagerinabigin andi nen he, it ekhe nen inane we hesanggeat ikhi logolik he, ”Weak mene a'nogo hilingisumo fanoat,” iluk, lalhinabinogo.

WAHYU 21:4

A'nogo logolik, yi wene ti wene attak mene legetfisaluk, aren it ineil amusu arat terogo fagain andi nen he, inebe wa'laga logogun legat, inendawimo weak aga logogun legat, le aga logogun legat, heinet wati logogun legaro,” iluk ugunem holhi.