1 TAWARIKH 17:13 - Allah Wene Fano Wene Hupla Inane

¹³ An nen at eisena asiginmo re, at he, An namlogo asigin. An nen at oba fano aple nek hilingfikhi logogin. An nen at oba abok wene wareti mene andi re fisogo mondok logogin, nen hat raja menlasuageluk An nen at Saul a'nogo at hurek logolik halinaferek oba a'nogo nen higilogo pelafigi andi hakhogo hilingisigin mondok lek.

1 TAWARIKH 17:13 ပူးပေါင်းရင်းမြစ်များ

1RAJA-RAJA 11:36

A'nogo meneat he, afuni inunggulenu misigat mene nek he, o kota Yerusalem nagainafuri nen An faget hilingiti logouwagaluk wenagaisogo fesigiba yoma, An namingmingengge Daud en tagomangge mene misigagun ekhe nen An faget ferinarek logouwagaluk herakfagain o.

1 TAWARIKH 17:14

Hat hamlogo an nen wenasigin mene andi re it An namlogomi inobaget raja menfoumo, at raja logolik melalinafi logogin mene andi re mondok-mondok logogin, nen at againafuri ombawi mene nen ogore raja logolik melalinafi logogun, ikhe iluk yagasi lan,” iluk yagatikhe.

MAZMUR 2:12

At Tuhan a'mage endu amulok weak-weak ibilagarek andi hak, a'mage het-periluk hit weagethinabinogo nen he, At elokhoma hinailorogo hineindep awi yagaisogo nen, fanorogo fogerati logoino o. Afuni nineisena Tuhan en inebe ferinarek logouwagaluk awe a'ma kwagarek mene nek, Aren fanorinafunem inendawimo inagaiyek hikhi logouwago, iluk isikhe.

MAZMUR 2:7

Raja nen ikhi logolik he, ”An he, Tuhan nen wene menfikhe mene andi faget eberogo anggikhi logogin. Aren an noba ikhi logolik he, Hat he An namlogo, Yogondak yi sambul An hat heisena agi o.

YESAYA 55:3

Hit An nunggulenu mene andoma hinesanggo holini o, An nen hineluk mondok logogun mene wokhisagain enggere, An Noba waga logoni o. An nen nendawi hundik hilinghinafik, tiphogo nek hilingitu welagik, hilingiti logogin iluk Daud oba wene waretigi a'nogoba hilingi'mo re, An nen hit ninom wene mondok-mondok logogun mene wati lagi o.

LUKAS 1:32

Nen, omalik andi alue asimbik kain agunem he, afuni nen he, Tuhan Allah kain welagarek a'nogo amlogo higi o, iluk ikhi logogun. At omba Daud andi enupogot logolik, afuni aren ferinarek welagaikhe a'nogo obali'mo re, nineisena Tuhan nen, at andiat menfagain o.

LUKAS 9:35

A'nogo inailo agaukwama at Allah ane ohena a'nogo anggele'ma nen mel yagaisasikhe: ”An namlogo heragaisogo menfesigi mene ebe araro. Halok, at ane holek logoino o,” iluk yagaisasikhe.

YOHANES 3:35

At eisena nen amlogo ebe endawinggen hundik logolik, yi mene ti mene mondogat at eisewerek logouwageluk wogetikhe.

2 KORINTUS 6:18

An hit hineisenaat logogin o. Nen, hit an nagainafuri logogun, iluk nineisena Enupogot yi mene ti mene hilingisu hak enek a'nogo nen isikhemo,” iluk lisu palogo fesukwa.

IBRANI 1:5

Allah nen at yagati logolik, ”Hat An namlogo o. Hebe yogondak takhafi,” iluk, yagatikhe andi hak, it malaikat mene ekhe wene a'nogo yagaisasikhe nogo? Lego. Nen ekhe re, ”An he, at eisena asigin. Nen, athe, an namlogo asuak,” iluk it malaikat ekhe yagaisasikhe nogo? Legaro.

1 SAMUEL 15:28

A'nogo tilibisikhemo re, at Samuel en Saul mel yagatikhe: ”O yogondak yiat, At nineisena Tuhan nen afuni inunggulenu Israel mene haren ferinarek welagen mene a'nogo nasu lit hegenma tilibikhe andi hak, lisogo wanhesik, hobuk ap ekhe hat hobabut weak andi hangge re lek, athe obabut mondok fano mene arat wogetemo o.