1 TAWARIKH 17:1 - Allah Wene Fano Wene Hupla Inane

¹ At raja Daud a'nogo awi istana omanogo femhogo logolik he, linggene misik sambul he aren ap Allah wene yagaisikhi lagaikhe mene nabi Natan a'nogo woletikhesik yagati logolik he, ”An nebe re nawi istana e laik o Libanon meneba wuri'mo werek kwelek he, e peti Tuhan nen Wene warogo wo'ninafikhe mene a'nogo re we o tenda wuri'mo a'nogo nek werek andi han!” iluk yagatikhe.

1 TAWARIKH 17:1 ပူးပေါင်းရင်းမြစ်များ

2 SAMUEL 12:1

A'nogo hilingitukwama nen, hobuk At Tuhan nen Natan Allah ane yagaisikhi lagaikhe mene a'nogo ayonggo fesikhesik, Daud oba lakfei wagaikhemo wagaikhesik mel yagatikhe: ”Ap inebe pire mene re, at ekhe kain angge hokhorogo werek mene, nen ekhe re enggi lek elagaik mene emberek inawi kota misi'mo welagaukwa.

2 SAMUEL 12:25

A'nogo endawi mondok hasikhe andi nen he, Natan, at ane yagaisikhi lagaikhe mene a'nogo nen, omalik andi enu Yetia saluagaluk, lakfei wagaikhemo wagaikhesik enu andiat salhikhe.

2 SAMUEL 6:17

A'nogo hilingirik wagaikhesik he, Peti Wene Warogo Allah nen wo'ninafikhe, iluk hilingik a'nogo obuluk at Daud en o su mene wutikheba andoma fesukwa. A'nogo fesukwasik, at Daud en wam nineisena Tuhan faget warogo noletik, Allah ninom lambulho, iluk warogo noletik, isikhe.

1RAJA-RAJA 1:23

A'nogo wagaikhemo afuni nen he, ”Natan wagasik,” iluk kain enupogot yagatukwama re, Batsyeba a'nogo wulibi wagu kwelek, Natan kwisikhesik he, kain elokhoma eindep awi yagaisogo hai watikhe.

1RAJA-RAJA 1:44

Ap Allah eisewerek mene Zadok inom, Allah ane yagaisikherek mene Natan inom, Yoyada amlogo Benaya inom, ap ninoe raja ebe serogo welagaikharek mene inom, inomen Salomo ebe wam keledai Daud mene ambot oba liakfagasik, attak lagu kwelek, it ombo'ne loagaluk yagaisikhemo lagaikha o.

1RAJA-RAJA 1:8

Oba nen he, ap Allah eisewerek Zadok inom, ap Yoyada amlogo Benaya inom, ap Allah ane yagaisikhi lagaikhe mene Natan inom, Simei inom, Rei inom, ap Daud ebe serogo welagaukwa mene inom enek he, Andonia werekwe agaukwa lek.

1RAJA-RAJA 8:17

A'nogo yagatikhesik, it afuni omanogo ekhe mel yagaisasikhe: ”An neisena Daud en he, nit afuni Israel mene nineisena Tuhan Allah faget hilingiti logogin oba awi wusigiluk isikhe andi.

1 TAWARIKH 14:1

Hun Hiram raja o Tirus agun a'nogo nen he, hun Daud awi sili halogo wusuageluk agoromi lakfisa waga logolik he, ap inebe o e meneba wutu mene inom, nen helep oba wutu mene inom lakfisa wagaikhe.

1 TAWARIKH 15:1

Hun Daud a'nogo nen he o kota elonggoma omanogo o onggwarek werek oba faget wutukwasik he, obalik ekhe re Peti Allah nen Wene warek a'nogo faget ogo o sabu salogo fesukwa.

1 TAWARIKH 16:1

Peti Wene Warek a'nogo re at Daud en o sabu Peti faget iluk obalik halfesikheba a'nogo fei kwisukwa. Fei kwisukwasik he iren wam Allah endawimo agaiyek hoageluk mene inom, nen fanot ninabuageluk mene inom, At obaget hilingiti logolik warogo noletukwa.

1 TAWARIKH 17:2

A'nogo yagatikhemo re, at Natan nen onggo ikhi logolik he, ”Noe hat hendawimo hilingisigin iluk wenggelhen mene andi mondogat he heisena Allah hinom hundik welagepma re lebetheagain o,” iluk yagatikhe.

1 TAWARIKH 17:5

It inunggulenu Israel inap o Mesir en fikhalogo wulaginabi wagagiba nen yogondak huli nen he An o wuri'mo ekhe welagi lek. An he leil warik nikhi logolik o sabu salek kwe nek nogolik nikhi lagi.

1 TAWARIKH 22:6

A'nogo hilingitukwasik he at, Daud en amlogo Salomo a'nogo wolhasikhesik, wagaikhemo re aren o Tuhan Allah afuni Israel mene nen apne wanharek mene a'nogo awi andi re yi'nogo wu'no, iluk wene melalfesikhe.

1 TAWARIKH 22:7

At Daud en amlogo Salomo ba ikhi logolik he, ”Namlogo, an o endamen engge At Tuhan Allah a'nogo along anggaluk legeisogo fikhi logolik he, o misik ekhe At Aiba wusigin iluk nendawimo anggikhi lagagi.

1 TAWARIKH 28:2

A'nogo kabogetukwama re at Daud a'nogo nen inelokhoma menlagaikhesik yagaisikhi logolik he, ”Nagaila'lak ninunggulenu misik mene, hinesanggo fanorogo holini o! An nen o attak andoma nenat ebeti logolik he Peti Wene warogo wo'ninafikhe mene ari, nineisena Tuhan Allah eisok fuguba faget o mondok fano mene misik ekhe wusugun iluk nendawimo wenggelhigi. A'nogo wenggelhigisik he o At fogeratuba misik ekhe wusigin iluk he o ebenengge mondogat fougerati.

1 TAWARIKH 29:29

At raja Daud ta'lagaikhesik yabu hilingiti lagaikhe mene, eroma nen erembulmo tindelogo re, buku nabi Samuel, Nabi Natan, Nabi Gad oba palek werek.

2 TAWARIKH 1:4

(Oba nen he Peti Tuhan nen Wene warogo wo'ninafikhe mene a'nogo re at raja Daud nen o Kiryat-Yearim en waganogo o Yerusalem aren Peti andi faget o Sabu salfesikheba omanogo fei wagaukwama welagaikhe.)

KELUARAN 26:1

”An Nawi Sabu andi wuti logolik he kain lenan yo eil sakhorek meneba kwago mene ebe 10 nen menere, yo domba esi mene eil pogot hak meneba inom, eil mep meneba inom, eil hal-hali warek meneba inom seleben ogo re, kain andi wurep ebene kerub ilirenggerogo andoma mondogat hilingi'no.

YEREMIA 22:15

Raja Yoyakim yi, hesanggo fanorogo holin o! Hat hawi sili andi re e laik fano mene o Libanon agayo andomaba nek wuti lagen andiba re, ap raja-raja amukwe menere maben hangge hilingik kwelek hat enek he kain mene welagen iluk enegenggere andi a? Hat heisena welaga aple wenggelhan: At ebe eluk obare mondok fanorogo logolik aren yi'nogo ti'nogo hilingiti lagaikhe mene omanogo re higithogo nek hilingitik, weinam selekhogo nek hilingitik, nen ap inenggi lek mene inawene katokhogo palisigik, hilingiti lagaikheba re ambisangma fano mene nek hikhi laga o. Ap Tuhan inelu inaben he a'nogo hilingitarego.

DANIEL 4:4

An naiba istana fanoma logolik, neluk nenggi werekhogo fanorogo nek welagi.

HAGAI 1:4

”Yago, nagainafuri, hit he hinonggwarek hinaiba mondok hambuk lele warogo omamerogo wurogo welagep mene andoma re hinenggi arat asi wagu kwelegat welagebo, oba nen he An naiba andi nek he o meisalek enek kabok lagakhi logoilep anggikhi lageba?

HAGAI 1:9

Hiren he, enggen ugu hokhorogo palogoin iluk hinendawimo ebet-ebet ugunem en he, we endebengge nek palhikhi lagep, a'nogo palaluk hinaiba helaluk waga lagep oba nen he, An nen futhugunem he sogoi en funhogo waluk lili'lago andi. Ninggi'nogo iluk a'nogo hilingiti lagi anggikhi lagep nogo? Andi re, An nawi a'nogo o meisalegenek kabok lagagu kwelek hit hinebe lombogen hinonggwarek hinawi hinebe werekwe omanogo nek wurikhi lagep andiba hilingiti lagi o.

KISAH PARA RASUL 7:46

Allah nen Daud obabut hilingiti lagaikhe mene andi Allah oba liok isikhemo, aren Allah mel yagatikhe: Yakub eisena Allah hararo. Hawi ekhe wurogo hobagagin, iluk yagatikhe.