1 TAWARIKH 15:3 - Allah Wene Fano Wene Hupla Inane

³ A'nogo yagaisasikhesik at Daud en he Peti Tuhan nen wene warogo wo'ninafikhe mene a'nogo obalik pugunetukwama omanogo fouwogeluk logolik he, it afuni Israel mene hokhorogo o Yerusalem kabogesi wesuageluk wolinafukwa.

1 TAWARIKH 15:3 ပူးပေါင်းရင်းမြစ်များ

2 SAMUEL 6:12

A'nogo fanorinafunem, afuni nen he, ”Peti Wene warogo Tuhan nen wo'ninafikhe iluk hilingik mene a'nogo, ap Obed-Edom aiba were'ma re, at Obed-Edom againafuri inom fanorinafik, inangge yi mene ti mene inom fanotfigik, ili'lago o,” iluk isukwama at raja Daud esanggo holhikhe. Esanggo holhikhesik lagaikhesik he, Peti a'nogo o Yerusalem waluk waga logolik he, inendawimo inagaiyek hokhorogo hilik-hilik waluk wagaukwa.

2 SAMUEL 6:17

A'nogo hilingirik wagaikhesik he, Peti Wene Warogo Allah nen wo'ninafikhe, iluk hilingik a'nogo obuluk at Daud en o su mene wutikheba andoma fesukwa. A'nogo fesukwasik, at Daud en wam nineisena Tuhan faget warogo noletik, Allah ninom lambulho, iluk warogo noletik, isikhe.

1RAJA-RAJA 8:1

At Salomo nen a'nogo arat hilingitikhesik he, afuni inunggulenu Israel mene inogogwi inom, ap kaindek inebe mondogat inom at oba o Yerusalem andogosi we'luk, Peti Wene Warogo wo'ninafikhe iluk hilingik a'nogo Daud awi kota Sion nen waluk Tuhan Awi wuri'mo Yerusalem wesuageluk yagaisasikhe.

1 TAWARIKH 13:2

A'nogo matukwasik he aren it ap omanogo inoba ikhi logolik he, ”Nagaila'lak hiren ogo fano anggikhi lagep halok, nen at nineisena Tuhan Allah nen ogo fano anggikhe halok he, niren ap Lewi inap inom, it imam o esanggo-esanggo werek mene omanogo inom, it nit ninunggulenu mene amu mene mondagat omanogo inom, ninambit yoma andogosi wesuageluk inayonggo feni o.

1 TAWARIKH 13:5

A'nogo hilingitukwama re at Daud en afuni Israel mene o yi awi ti awi werek mene omanogo mondogat abel a'ma selatan fikhit he o Mesir huli, nen ambolkwe utara fikhit he o Hamat kwe lagaikharek huli werek mene omanogo mondogat Peti Wene warek o Kiryat-Yearim werek mene andi o Yerusalem fei wesugun iluk andogerinafikhe.

1 TAWARIKH 15:1

Hun Daud a'nogo nen he o kota elonggoma omanogo o onggwarek werek oba faget wutukwasik he, obalik ekhe re Peti Allah nen Wene warek a'nogo faget ogo o sabu salogo fesukwa.

1 TAWARIKH 15:12

”Hit hinebe re ap inunggulenu Lewi meneba nen it ineisok erokwe omanogo faget inogogwi kepala welagep. Andi halok he, it inom it ap Lewi inap amu mene ekhe inom he, afuni Israel mene ineisena Tuhan Allah a'nogo nen Peti Wene warogo wo'ninafikhe mene a'nogo waluk he, an nen obalik fougetiba ari fei wesubagaigen he hit hinebe fanorogo tegelogo fakhano o.

1 TAWARIKH 16:1

Peti Wene Warek a'nogo re at Daud en o sabu Peti faget iluk obalik halfesikheba a'nogo fei kwisukwa. Fei kwisukwasik he iren wam Allah endawimo agaiyek hoageluk mene inom, nen fanot ninabuageluk mene inom, At obaget hilingiti logolik warogo noletukwa.

2 TAWARIKH 1:2

It afuni Israel mene nen esa inebe 1.000 nen higik, 100 nen higik, faget inogogwi kepala inom, it pemerintah ba yabu hilingiti logolik ap kain mene mendek werek inap inom, it ineisok erokwe faget kepala werek mene faget inom he, at raja Salomo a'nogo nen,

2 TAWARIKH 1:4

(Oba nen he Peti Tuhan nen Wene warogo wo'ninafikhe mene a'nogo re at raja Daud nen o Kiryat-Yearim en waganogo o Yerusalem aren Peti andi faget o Sabu salfesikheba omanogo fei wagaukwama welagaikhe.)

2 TAWARIKH 5:2

A'nogo mondogat hilingfuluk he, at raja Salomo nen it afuni Israel mene inogogwi inunggulenu lombok melalinafu mene inom, it ekhe ineisok erokwe mene inogogwi melalinafi lagaukwa mene omanogo inom, peti Tuhan en wene warogo wo'ninafikhe mene a'nogo o hun Daud awi kota Sion omanogo nen waganogo o Tuhan awi wuri'mo a'nogo fei logoin iluk, o Yerusalem kabogesi wesuageluk yagaisasikhe.

KELUARAN 40:20

A'nogo salhikhesik, helep pire a'nogo peti Allah nen wene warogo wo'ninafikhe iluk hilingisogo elema kwelakfesikhe. Kwelakfesikhesik, peti ambe yagarogo re, epokhogo waluk nikhi logogun mene senggan oba kelhigik fesikhe.

IMAMAT 9:5

Yagatikhemo at Musa nen yi'nogo hilingisugun iluk yagaisasikhe mene a'nogo higithogo abirengge waluk o Sabu sale'ma solombonma a'nogo kabogesi wagaukwasik, it afuni omanogo mondogat Tuhan fogerasuogeluk andoma kabogetukwa.