1 TAWARIKH 14:3 - Allah Wene Fano Wene Hupla Inane

³ O Yerusalem andoma logolik he at Daud en agagwi fena ekhe woginafikhesik at againafuri fena taginafikheat.

1 TAWARIKH 14:3 ပူးပေါင်းရင်းမြစ်များ

2 SAMUEL 5:13

At Daud ebe o Hebron nen o Yerusalem wagaikhesik he, agagwi inebe miren mene hakhogo ekhe woginafi logolik, agagwi amingmingengge mene ekhe woginafikheat. A'nogo woginafikhemo, againafuri alage mene inom, helime mene inom, inebe hokhorogoat hilinglagaukwa.

1RAJA-RAJA 11:3

Ap kaindek ina'logomi andoma Salomo nen agagwirinafikhe mene hemi inebe mondok lambulogo re 700 nen, nen it hemi andem en inamingmingengge menere inebe 300 nen welagaukwa. Andiba re at Salomo agagwi andoma nen endawinggen munenogo Allah herakfesikhe andi,

1 TAWARIKH 14:2

A'nogo lakfisa wagaikhe andiba re, Daud endawimo nen he An he Tuhan nen it afuni Israel mene inobaget eberogoat mennobagaikhesik, Tuhan againafuri halinafi logouwageluk an raja logolik melalinafi logogin oba (kerajaan) a'nogo omamerari'lagwi yi higi, iluk endawimo eberogo anggasikhe.

1 TAWARIKH 14:4

At amlogomi o Yerusalem en ta'lagaukwa mene inenu re: Syamua inom, Sobab inom, Natan inom, Salomo inom,

1 TAWARIKH 28:5

Aren he an nanlogomi hokhorogo wo'netesik, an nagainafuri mondogat andoma nen he at Salomo nek he o kerajaan Tuhan it afuni Israel mene omanogo inoe raja logolik melalinafi lagogin mene wenagaisogo fesikhe.

MALEAKHI 2:14

Hiren heinok wok-wok aga logolik he, ”Nenahalok Tuhan he niren wam warogo noleti lago mene wanhi'lek herakfisili'lago he,” iluk ikhi lagep andi re senggerogo yagahisak. Andi re, hit hinebe alageba hinagagwi woginafi logolik Allah eilhanem mel isigip andi: An nagwe yiat waganek mondok logogin o, iluk isigipsik, hinagagwi andi hinagaila'lak higit hinom lomborogo logou meneat he, ineil salinafi lagep andi nen he, At Tuhan wogeti lagep mene herakfisili'lago andi re ero andiba o.

MATIUS 19:8

A'nogo yagatukwama, at Yesus nen he, ”Lego. Wene a'nogo yagaisasikhe andi re, hit hinendawimo mondok puk logolik yagahisugunem hinesanggo holu mondok elo'lek andi nen yagahisikhe o. Hit he hinagagwi waganek mene lologo herakfisogoin aro,” iluk yagaisasikhe andi. A'nogo meneat he, eroba Allah nen elalninafi logolik a'nogo mondok isikhe lego.

ULANGAN 17:17

At raja logogin halok he aren Tuhan ambotma fuluk hilingiti logogin hanogo, agagwi hokhorogo logogun legat. At angge emas, perak inom oba enggi werek erikhi logogin legat.