1 TAWARIKH 14:1 - Allah Wene Fano Wene Hupla Inane

¹ Hun Hiram raja o Tirus agun a'nogo nen he, hun Daud awi sili halogo wusuageluk agoromi lakfisa waga logolik he, ap inebe o e meneba wutu mene inom, nen helep oba wutu mene inom lakfisa wagaikhe.

1 TAWARIKH 14:1 ပူးပေါင်းရင်းမြစ်များ

2 SAMUEL 7:2

A'nogo logolik, ap Natan Allah ane yagaisikhi lagaikhe mene a'nogoba mel yagatikhe: ”Yethan, Allah nen Peti Wene Warogo wo'ninafikhe iluk hilingik mene a'nogo re we o tenda wuri'mo andoma figimo werek kwelek oba nen he, an enek he nawi istana e laik o Libanon alima agayoba nek wuri'mo welagingge yi!” iluk yagatikhe.

1RAJA-RAJA 5:1

It afuni Tirus mene inoe raja Hiram andi re at raja Daud inom hundik welagaikhe. Welagaikhesigen hobugen at Daud obali'mo re Salomo menfagama werego isukwama holhikhesik he aren agoromi at Salomo were'ma lakfisa wagaikhe.

1RAJA-RAJA 5:15

A'nogo hilingiti logolik at Salomo nen he, it ap helep tom serelhu mene re inebe 80.000 nen mene wenagaisogo fisigik, nen 70.000 nen he helep omanogo salmatu mene fisigik, isikhe.

1RAJA-RAJA 5:18

At Salomo agoromi inom nen Hiram agoromi inomen afuni o kota Kebal mene inom Tuhan Awi wusugun nen iluk helep inom, e inom, a'nogo fougetukwa andi.

1RAJA-RAJA 5:6

Oba nen he noe, ap hat hagoromi andoma nen e mutu aple inelu andi hak he, an nagoromi yoma mondok inonggot a'nogo re noe hat helu o. Andi nen he noe hat hagoromi andoma mene nen e laik o Libanon mene ekhe an nobaget musuakhogo yagaisanogen iluk yagaheti lagi. A'nogo mutunem an nagoromi nen it leberisoageluk inayonggo fagain o. Nen haren ap e musugun mene andi, inenggi onggo huli kiba hakhogo wogisano o, iluk egen halok he an nen wogisagain o,” iluk yagaisasikhemo yagasi lagaukwa.

1 TAWARIKH 14:2

A'nogo lakfisa wagaikhe andiba re, Daud endawimo nen he An he Tuhan nen it afuni Israel mene inobaget eberogoat mennobagaikhesik, Tuhan againafuri halinafi logouwageluk an raja logolik melalinafi logogin oba (kerajaan) a'nogo omamerari'lagwi yi higi, iluk endawimo eberogo anggasikhe.

1 TAWARIKH 17:1

At raja Daud a'nogo awi istana omanogo femhogo logolik he, linggene misik sambul he aren ap Allah wene yagaisikhi lagaikhe mene nabi Natan a'nogo woletikhesik yagati logolik he, ”An nebe re nawi istana e laik o Libanon meneba wuri'mo werek kwelek he, e peti Tuhan nen Wene warogo wo'ninafikhe mene a'nogo re we o tenda wuri'mo a'nogo nek werek andi han!” iluk yagatikhe.

1 TAWARIKH 22:2

At raja Daud a'nogo nen miminginafi logolik he, ap pok mene o it afuni Israel mene werek kwe yoma werek mene mondogat andogerinabuageluk yagaisasikhemo wagaukwama re aren it yabu hilingiti logouwageluk kwelaginafikhe. It afuni andi fenakwe re o Tuhan Awi a'nogo wutu mene faget iluk helep serelhi lagaukwa.

2 TAWARIKH 2:2

A'nogo lenggalhikhesik aren he ap o wutu mene miningisugun mene faget he inebe 70.000 nen fisasikhe. Nen tom oba helep sereli lagoin mene re inebe 80.000 nen fisasikhe. It yabu andi hilingitunem kagalek logogun mene re inebe 3.600 nen fisasikhe.

2 TAWARIKH 2:3

A'nogo hilingfisasikhesik he at Salomo nen hun raja Tinus mene enu Hiram a'nogoba re wene yi'nogo lakfesikhe, ”Noe, haren attak an neisena hinom hilingiti lagagin hakhogo re an ninom ogore a'nogoat hat hangge an noba onggo faget waluk wagunem an nen onggo palhi logogin nen ninom hunisuogo. Noe haren an neisenaba e laik o Libanon mene omanogo at ebe werek oba awi wusoageluk oba onggo wanhen.

EZRA 3:7

Andi nen he, afuni Israel mene omanogo nen ap o helep oba afe halhigik wusugun mene omanogo inom, e meneba wusugun mene omanogo inom, inenggi onggo wogisikhi logouwogeluk, uang andogotukwa. A'nogo andogotukwasik, hobuk he, yi mene ti mene nunggu mene sumburu inom, anggur amusu inom, e zaitun enggen amusu inom, o Libanon andoma nen e wombi hangge enu cemara onggo oarogo i laut agum kwe nen o Yafo andoma lakfei wesuageluk, o kota Tirus inom, Sidon inom, lakfesukwa. A'nogo hilingitukwa andi re, ap kain Kores o Persia mene inoe raja nen, ”A'nogo hilingi'no,” iluk yagaisasikhemo hilingitukwa andi.