1 TAWARIKH 13:5 - Allah Wene Fano Wene Hupla Inane

⁵ A'nogo hilingitukwama re at Daud en afuni Israel mene o yi awi ti awi werek mene omanogo mondogat abel a'ma selatan fikhit he o Mesir huli, nen ambolkwe utara fikhit he o Hamat kwe lagaikharek huli werek mene omanogo mondogat Peti Wene warek o Kiryat-Yearim werek mene andi o Yerusalem fei wesugun iluk andogerinafikhe.

1 TAWARIKH 13:5 ပူးပေါင်းရင်းမြစ်များ

2 SAMUEL 6:1

A'nogo hilingitukwasik, hobuk at Daud en ap tentara Israel mene weim inanini weak mene nek folhigik fisasukwa mene omanogo wesuagaluk wolinafikhemo, inebe 30.000 nen andogosi wagaukwa.

1RAJA-RAJA 4:21

Afuni omanogo ineisok erokwe tomogen he ineabu anggur yabu inom, ara yabu inom welagaikhe. At Salomo eluk werek oba re, raja i Efarat fena fikhit welagaukwa mene omanogo mondok lambukhogo re at Salomo a'ma sebe uluk logolik, nen afuni inunggulenu kerajaan aren melalinafukwe andoma era'lukwe welagaukwa mene omanogo re at Salomo inom hundik were'ma re, afuni Yehuda mene inom, Israel mene inom he, o Dan oba nen he o Bersyeba huli andoma inailo legengge inendawinggen serogo nek welagaukwa. Kweang i Efrat fena fikhiren mo ubuk ikherek fikhit o Tifsah i Efrat aik oba andoma nen he hiling-hiling mo ubuk i lagarek fikhit kota Gaza o Filistin oba andoma nen he o Mesir huli andoma, abirengge re at Salomo nen sebelek welagaikhe. A'nogo were'ma re afuni inunggulenu o andoma werek mene re Salomo a'ma sebe iluk logolik he kweang onggo fei waga lagaukwa. At Salomo nen lingge hundik-hundik nunggu mene faget kabogeti lagaukwa mene re: tepung al mene re 5.000 liter en inom, tepung al inom mene re 10.000 liter en inom, sapi oloba tatu mene re 10 nen inom, sapi leimo tatu mene re 20 nen inom, domba re 100 nen inom, isati lagaukwa. Andem werek kwelek wam rusa inom, kijang inom, kemejangan, unggas, inom andoma.

1RAJA-RAJA 8:65

A'nogo hilingiti logolik, at Salomo inom, afuni Israel mene inebe mondogat inom, inomen endamat afuni Israel mene o sabu enggaba salhigik wurik welagaukwa a'nogo inendawimo eberek logolik, pesta nineisena Tuhan awi wuri'mo andoma inenggi 7 nen hilingitukwa. A'nogo hilingiti logolik, afuni inebe mondok hokhorogo i elesi kwe higit o Hamat lagaikharek oba andoma nen pikhit o Mesir huliba andoma andogotukwa.

2 RAJA-RAJA 25:21

A'nogo woginarek lagaikhemo, at raja nen yi enggin ti enggin inoba fesikhesik inebe mondok inoasugun isikhemo mondogat inoatukwa. Afuni Yehuda mene inebe inaiba nen o Babel woginarek lagaukwa re, a'nogo andi.

1 TAWARIKH 13:4

A'nogo yagaisasikhemo re it afuni Israel mene mondogat kabogesi wagaukwa mene a'nogo nen he, hun Daud en ikhe mene andi re fano ikhe, iluk inagaiyegetukwa.

1 TAWARIKH 13:6

A'nogo kabogerinafukwasik he at Daud a'nogo it afuni omanogo inom he o kota Baala nen Kiryat-Yearim agarek oba, wilayah it inunggulenu Yehuda meneba andoma Peti Allah nen Wene warek mene a'nogo wanugun iluk lagaukwa. Peti andi enu re, ”Tuhan Ebe Kerub andi amboloba hurek werek,” iluk salhukwa.

1 TAWARIKH 15:3

A'nogo yagaisasikhesik at Daud en he Peti Tuhan nen wene warogo wo'ninafikhe mene a'nogo obalik pugunetukwama omanogo fouwogeluk logolik he, it afuni Israel mene hokhorogo o Yerusalem kabogesi wesuageluk wolinafukwa.

YEREMIA 2:18

Hat o Mesir lagalagen andi re, nena mene saburageluk lagalagen nogo? i Nil nageluk lagalagen nogo a? O Asyur lagalagen andi re, nena mene saburageluk lagalagen nogo? I Efrat nageluk lagalagen nogo a?

1 SAMUEL 6:21

A'nogo ikhi lagaukwasik, ap ekhe inayonggo fesukwasik, afuni inaiba o Kiryat-Yearim mene inoba lakfisikhi logolik, mel yagaisano iluk lakfisa wagaukwa: ”Afuni Filistin mene nen Peti Wene Warogo nineisena Tuhan nen wo'ninafikhe iluk hilingik mene a'nogo ambotkwe lakfei wagaikhama o. Andi nen he, peti a'nogo hit hinaiba fobagaigen he, wani lano o,” iluk yagaisano, iluk lakfisa wagaukwama wagaukwasik he, a'nogo yagaisasukwa.

1 SAMUEL 7:1

A'nogo yagaisasukwama, afuni o Kiryat-Yearim welagaukwa mene nen Peti Wene Warogo Allah nen wo'ninafikhe iluk hilingik a'nogo waluk wagaukwasik he, ap enu Abinadab awi punuba wurik were'ma andoma fesukwa. A'nogo fesukwasik, peti andi serogo logouwageluk ap Abinadab amlogo Eleazar unggul sebelogo menfesukwa.

1 SAMUEL 7:2

Peti Wene Warogo nineisena Tuhan nen wo'ninafikhe iluk hilingik mene a'nogo fei wagaukwama, o Kiryat-Yearim andoma 20 tahun aninurogoat welagaikhe. Andem sambul he, it afuni Israel mene mondogaren nineisena Tuhan nen telninabin o, iluk inane hokhorogo yagati lagaukwa.