1 TAWARIKH 13:1 - Allah Wene Fano Wene Hupla Inane

¹ At raja Daud a'nogo nen it ap sikhe fisogo mene inogogwi kaindek perwira ap inebe esa 1.000 nen melalinafu mene inom, nen esa 100 nen melalinafu mene inom, wene inane seberogo matukwa.

1 TAWARIKH 13:1 ပူးပေါင်းရင်းမြစ်များ

2 SAMUEL 6:1

A'nogo hilingitukwasik, hobuk at Daud en ap tentara Israel mene weim inanini weak mene nek folhigik fisasukwa mene omanogo wesuagaluk wolinafikhemo, inebe 30.000 nen andogosi wagaukwa.

2 RAJA-RAJA 23:1

A'nogo yagasi wagaukwama, at raja Yosia nen afuni Yehuda mene inom, Yerusalem mene inom, inogogwi mondogat inayonggo fesikhemo wagaukwa.

1 TAWARIKH 12:14

It Gad inap andi mene fenakwe re it sikhe fisogo mene inogogwi perwira lego mene inendawinggen wurik hak mene re inebe esa 1.000 nen mene faget inogogwi kepala hakhogo melalinafu welagaukwa. Nen it ekhe perwira inagoromi hak mene re it esa 100 nen faget inogogwi kepala logolik melalinafu welagaukwa,

1 TAWARIKH 12:20

A'nogo yagatukwama at Daud a'nogo o Ziklag lagain iluk ebe khalem lagunem en he, it inunggulenu Manasye mene weim yafi lagaukwa a'nogo at Daud oba sebesi wagaukwa mene a'nogo inenu re yi: Adnah, Yozabad, Yediael, Mikhael, Yozabad, Elihu, Ziletai inom andem. It andi inebe lombok he, ap weim yafarek mene inebe 1.000 nen higik inogogwi kepala logolik halinafi lagaukwa.

1 TAWARIKH 12:40

It inunggulenu fena abel utara fikhit welagaukwa mene mondok yatma inap it inunggulenu Isakhar mene inom, Zebulon mene inom, Naftali mene inom, omanogo re wam keledai, untah, bagal, sapi, inom oba nenggarek engge, tepung inom, e ara enggen inom, kismis inom anggur, zaitun amusu inom, ambol oba mondok hokhorogo liak fuluk waluk wagaukwa. It ap andoma nen he, wam sapi inom, domba inom, senggeluk nunggu mene iluk, waluk wagaukwaat. A'nogo hilingitunem he it afuni Israel mene o ekhema-ekhema werek mene omanogo nen he inagaiyek mondok hokhorogo hilingiti lagaukwa.

1 TAWARIKH 13:2

A'nogo matukwasik he aren it ap omanogo inoba ikhi logolik he, ”Nagaila'lak hiren ogo fano anggikhi lagep halok, nen at nineisena Tuhan Allah nen ogo fano anggikhe halok he, niren ap Lewi inap inom, it imam o esanggo-esanggo werek mene omanogo inom, it nit ninunggulenu mene amu mene mondagat omanogo inom, ninambit yoma andogosi wesuageluk inayonggo feni o.

2 TAWARIKH 1:2

It afuni Israel mene nen esa inebe 1.000 nen higik, 100 nen higik, faget inogogwi kepala inom, it pemerintah ba yabu hilingiti logolik ap kain mene mendek werek inap inom, it ineisok erokwe faget kepala werek mene faget inom he, at raja Salomo a'nogo nen,

2 TAWARIKH 29:20

A'nogo yagatukwama re at raja Hizkia a'nogo aninurogo hilingitu mene a'nogo herakfuluk he, it afuni inogogwi kaindek-kaindek a'nogo hondok isasikhesik he inom o Tuhan Awi wuri'mo a'nogo lagaukwa.

AMSAL 15:22

Wene melalek sugwi agarek andi re furogo wenggelhigik, kumuthigik agarek lek andiba o, wene melalek higit agarek andi re komo wene hokhorogo komorinafarek andi nen o.

MATIUS 25:16

Lagaikhemo re, ap 5.000 nen wanhikhe mene a'nogo uang andiba awarogo yi mene ti mene wanhi logolik, hobuk 5.000 ekhe inom mangorogo fesikhe.