1 TAWARIKH 12:8 - Allah Wene Fano Wene Hupla Inane

⁸ At Daud o leimo tom leget hakhogo waganek welagaikheba omanogo were'ma nen he, it inunggulenu Gad mene nen, it ap Daud obaget hilingiti lagaukwa inap, ap inenu weinam mene, weim yafu aple mondok inelu-pinelurek mene hokhorogo at were'ma sebesi wagaukwa. It ap andoma re sige wanhu aple inom, weim kwe palengge wanhu aple inom he, mondok hibilhebelsek logolik inelu-pinelurek inap welagaukwa. It inebe re mene singa ailo lek andi hakhogo logolik, iren hilingitunem he no rusa tomkwe helalue wilik wagarek andi hakhogo ineisok a'ne weak hilingitarek inap welagaukwa.

1 TAWARIKH 12:8 ပူးပေါင်းရင်းမြစ်များ

2 SAMUEL 1:23

Saul inom Yonatan inom andem he, inobabut sakhorek logolik, inendawi hundik welagaikharek mene o. It ineluk oba inom warek oba inom hundik-hundik misik seberogo nek welagaikharek mene o. Sue pim en lagarek he endep harek oba nen, iren hilingitunem he weak-weakhogo nek hilingitarek mene o. Wa'lagaikha misi'mo aro. Singa eak oan mene re, omame endebat lek meneat he, it andi nek he inomame mondok hokho mene o.

2 SAMUEL 17:10

A'nogo ugun halok afuni Israel mene mondogaren he, Daud andi weim mondok aniniweak, nen agoromi tentara mene andi inailo mondok lek logolik, weim inomamerogo mondok yafarek, iluk agare'ma re, ap weim yafu inailo mondok lek mene olomene enu singa obabut hangge mene ogore, mondok inailoat asugun o.

2 SAMUEL 2:18

He Seruya eagwi inebe henaganet engge inenu re Yoab inom, Abisai inom, Asael inom he, andem were'ma nen a'nogo hilinglagaikhe. Nen at Asael andi nen kwe fungethugunem he no kijang en lagarek andi hakhogo furung warogo fungethikhi lagaikhe.

2 SAMUEL 23:20

Ap misik ekhe it sikhe fisogo mene inogogwi perwira andem en mene enu weinamhogo welagaikhe agun he hun Benaya, ap Yoyada amlogo awi Kabzeel mene andi.

1 TAWARIKH 11:22

Ap misik lego mene ekhe inu Benaya hun Yoyada amlogo awi Kabzeel agun ekhe welagaikhe. At andi re ailo'lek mondok li'lek agun welagaikhe. Hun andi nen he it Moab mene inobaget hilingiti lagaukwa inap inogogwi pire mene ekhe inoatikhe. Nekhe agun andi nenat enggi ekheba o salim es mondok huli'liphogo hilingi'mo kiling elekwe kwi lagaikhesik mene singa misik ekhe wasi kwisikheat.

1 TAWARIKH 12:16

Linggene ekhe sambul he it ap inunggulenu Benyamin mene inom, Yehuda mene inom esa misik ekhe at Daud were'ma tom helep leget hakhogo wagane'ma omanogo ambit lagaukwa.

1 TAWARIKH 12:9

It inebe pangkat hilingik welagaukwa higit-higit inenu palek welagaikhe mene re yi: Ezer, Obaja, Eliab, Mismana, Yeremia, Atai, Eliel, Yohanan, Elzabat, Yeremia, Makhbanai inom andem.

2 TAWARIKH 25:5

It afuni inunggulenu Yehuda mene inom Yerusalem mene inom a'nogo at raja Amazia nen kabogerinafikhesik he it inebe inunggulenu akhogo hilingik aremnogo higit-higit inebe 1.000 nen faget he inoe misik ekhe helagerogo; Nen inebe 100 nen faget he inoe misik ekhe helagerogoat menlani o, iluk yagaisasikhe. A'nogo yagaisasikhemo it aremnogo menlagaukwama re aren he it inebe umur 20 tahun ambolkwe hilingik mene nek inarige kabelek inom, tok kwe palengge perisai inom mondok hebelek logolik weim elok yabu hak mene nek wenagaisogo fisasikhe. Nen it wenaginafikhe mene andem inebe lambulogo re 300.000 nen hilingik welagaukwa.

AMSAL 28:1

Ap inanini weak mene andi re it ekhe nen muginarek lagi'le'maat heise lagaikharek, oba nen he ap higithogo hilingiterek mene re mene singa nen hilingiterek hak inafe hibilik hebelekhogo nek welagaikharek.

AMSAL 6:5

Sue inom, no kijang inom afuni nen wasugun iluk hukhogo kwelakfugunemen polokhogo wuliferek hak, hat he hele wepse'ma andi nen polokhogo wulibino.

KIDUNG AGUNG 8:14

Nendawinggen hundik mene, hat hebe re no kijang inom rusa eak inom tom Beter ebene amben-amben nengge yagokwe wagarek andi higit we'no.

YEREMIA 46:9

Hit kuda yoma re uarek lani o! Hit kereta re hinomamerogo laga logoni! Ap o Sudan mene inom, Libia mene inomen, ap sikhe hinenggi pagat weak mene tok peigengge waluk laga lagep hinap inom he weim yabi lani. Nen hit ekhe o Lidia kweang oba mene ap sikhe hinenggi puk mene andoma ogo lani aro ili'lago, ikhe.

1 SAMUEL 23:14

A'nogo lagaikhesik at Daud a'nogore Tom oba o Sif leimo helep elema andoma welagaikhe. At ebe Saul en sirok-murok nikhi lagaikheba nen he Allah nen raja andi enggiba fikhi lagaikhe lek.

1 SAMUEL 24:22

Yogondak he haren an nambisangma ta'lasugun mene faget inom, nen an neisok erokwe mene leget fisugu mene faget inom, leget fisagain lego, iluk Tuhan enuba hombuk palogo wene wa'nom o,” iluk yagatikhe.