1 TAWARIKH 12:1 - Allah Wene Fano Wene Hupla Inane

¹ At Daud hun raja Saul a'nogo ailo nen wulifikhesik he o Ziklag andoma lagaikhe. At andoma lagaikhesik were'ma re it ap fena hokhorogo sikhe fisogo inap mondok tiphogo nek hilingiti lagaukwa inap inom, weim yafarek aple inelu-pinelurek inap inom, at oba sebesi wagaukwa.

1 TAWARIKH 12:1 ပူးပေါင်းရင်းမြစ်များ

2 SAMUEL 1:1

Saul ebe wa'lagaikhemo, at Daud ap Amalek mene inomame leget fisaluk, ambotkwe o Ziklag wagaikhesik enggi pire welagaikhe.

2 SAMUEL 2:3

A'nogo wagunem, at agoromi omanogo inagagwi inagainafuri inom inebe lombok Daud ombo'ne wagaukwaat. A'nogo wagaukwasik, o kota Hebron inom, esanggokwe andoma inom welagaukwa.

2 SAMUEL 4:10

An o Ziklag were'ma ap ekhe nen hun Saul wa'lagama iluk wene waluk wagaikhemo re, an nen ebeti logolik fano wene waluk weri'lago iluk anggasigi. Oba nen he hilingik kwelek an nen ap a'nogo fakfigirik ebe pinggi watigi. Aren wene a'nogo waluk wagaikhe mene andi faget onggo wogosu hak he ebe pinggi watigi andi.

1 TAWARIKH 11:10

At Daud agoromi a'ma mene Daud obaget hilingitu hobalhu welagaukwa inap a'nogo inenu re yi: It andi re afuni Israel mene inom he at Daud raja menlasuak iluk Tuhan nen, a'nogo asigin, iluk abok isikhe higithogo obaget hilingiti lagaukwa inap. Nen, it andi re at Daud raja menlagaikhemo nen ogore obaget hilingiti logolik mondok welagaukwa inap a'nogo.

1 TAWARIKH 11:19

Aren ikhi logolik he, ”Neisena Allah oak, an i yire nagain lek! Nen, an nen i yi nagain halok he, andi re an nen it ap inebe wenalu werek kwelek hinasi lagaikha inap yi namep na hak nagain andi re nabit!” iluk isikhe. Andi nen he at Daud en i a'nogo nasikhe lek andi. It ap inebe henagan Daud obaget ninghogo hilingiti lagaukwa inap andemen hilingitukwa mene re andi.

1 TAWARIKH 8:33

Raja Saul a'nogo eisena re hun Kis andi, nen omba re enu Ner. At Saul he amlogomi inebe enggaminogo welagaukwa; inenu re: Yonatan, Malkisua, Abinadab, Esybaal, inom andem.

1 TAWARIKH 9:39

Hun raja Saul a'nogo eisena enu re Kis nen omba enu re Ner. At Saul he amlogomi inebe enggaminogo welagaukwa mene inenu re: Yonatan inom, Malkisua inom, Abinadab inom, Esybaal inom andem.