1 TAWARIKH 11:5 - Allah Wene Fano Wene Hupla Inane

^5-7 It afuni Yebus inap omnogo nen Daud oba ikhi logolik he, ”Hat he nit ninawi kota yiba kwi wesigin lek,” iluk yagatukwa. Oba nen he at Daud en it inebe himbirengge enu Sion a'nogo sebeli kwisikhe. Andem sambul he at Daud en it agoromi omanogo inoba wene menfikhi logolik he, ”Ap misik ekhe nen fem attak-attak ap Yebus mene ekhe wasigin halok he, ap andi it ap sikhe fisogo mene inoe panglima asigin,” iluk ane menfesikhe. A'nogo ane menfesikhemo nen he at Yoab a'nogo nen tak it afuni Yebus mene were'ma weim sineli kwisikhemo, at a'nogo it sikhe fisogo mene inoe menfesikhe. (Yoab agaisa enu re Zeruya.) It Yebus inaben himbirengge enu Sion a'nogo sebeli kwisikhesik he, at Daud a'nogo o andoma welagaikhe. Andiba re it inendawi himbirengge a'nogo huli andi nen enu Daud awi kota.” iluk ikhi lagaukwa.

1 TAWARIKH 11:5 ပူးပေါင်းရင်းမြစ်များ

2 SAMUEL 6:10

A'nogo hilinglagaikhe andi nen, at Daud ailo agaikhemo re, Peti a'nogo o Yerusalem waluk wesu abiren he, ap Obed-Edom unggulenu Gad mene andi aiba fesikhe.

2 SAMUEL 6:12

A'nogo fanorinafunem, afuni nen he, ”Peti Wene warogo Tuhan nen wo'ninafikhe iluk hilingik mene a'nogo, ap Obed-Edom aiba were'ma re, at Obed-Edom againafuri inom fanorinafik, inangge yi mene ti mene inom fanotfigik, ili'lago o,” iluk isukwama at raja Daud esanggo holhikhe. Esanggo holhikhesik lagaikhesik he, Peti a'nogo o Yerusalem waluk waga logolik he, inendawimo inagaiyek hokhorogo hilik-hilik waluk wagaukwa.

1RAJA-RAJA 8:1

At Salomo nen a'nogo arat hilingitikhesik he, afuni inunggulenu Israel mene inogogwi inom, ap kaindek inebe mondogat inom at oba o Yerusalem andogosi we'luk, Peti Wene Warogo wo'ninafikhe iluk hilingik a'nogo Daud awi kota Sion nen waluk Tuhan Awi wuri'mo Yerusalem wesuageluk yagaisasikhe.

1 TAWARIKH 11:4

Linggene ekhe sambul he, at raja Daud inom, it Israel inap inagoromi sikhe fisogo mene omanogo mondogat inom he, o kota Yerusalem pin kwi lagaukwa. Andem oba re o kota andi re enu Yebus salogo it afuni o kota andi inonggwarek eisewerek Yebus inap omanogo welagaukwa.

2 TAWARIKH 5:2

A'nogo mondogat hilingfuluk he, at raja Salomo nen it afuni Israel mene inogogwi inunggulenu lombok melalinafu mene inom, it ekhe ineisok erokwe mene inogogwi melalinafi lagaukwa mene omanogo inom, peti Tuhan en wene warogo wo'ninafikhe mene a'nogo o hun Daud awi kota Sion omanogo nen waganogo o Tuhan awi wuri'mo a'nogo fei logoin iluk, o Yerusalem kabogesi wesuageluk yagaisasikhe.

MAZMUR 122:5

O yomaat At Daud en tagomangge mene inebe inenupogot menla'luk, afuni it mene ferinarek logolik, wene inoba figik, kotik ikhi logogun.

MAZMUR 132:13

Tom Sion oba andoma Tuhan hebe logogin oba iluk, wenagaisogo fakhasigin andi nen he, wene yi'nogo waretigin andi.

MAZMUR 2:6

Aren ikhi logolik he, ”Ap an nen wenagaisogo figi mene a'nogo ebe raja logouwagaluk, nonggwarek nandom Sion Mondok Horek mene a'nogoba arat menfigi o,” iluk isikhe andi.

MAZMUR 48:2

Nit nineisena Allah Awi kota horek mene andiba re, Ibi eberogo nen At Tuhan ebe lego mondok were'ma, esinet fagarek mene werek.

MAZMUR 78:68

We Aren he it afuni inunggulenu Yehuda mene inom, nen Punu Sion At endawi hundik mene a'nogo inom enek wenakhasikhe.

MAZMUR 87:2

O kota Israel oba andoma mondogaren we kota Yerusalem enek he endawinggen hundik mene werek.

MAZMUR 87:5

Nen tom Sion oba re afuni ekhe nen ikhi logolik mel ikhi logogun: ”Yi afuni ti afuni inebe mondogat, inunggulenu lombok, it Yerusalem mene inom sebetfisamo re, inebe misigat lambulasugun o. A'nogo hilingisogo fisamo re, Tuhan Lego Mondok werek mene a'nogo nen inomame werek mene hilingisogo fisagain,” iluk ikhi logogun.

MAZMUR 9:11

Tuhan neisena, afuni Hat hebe inelu mene re Hat hoba nek inendawinggen eberek logolik werek, nen it afuni Hat herakhabi'lagwi mene re Haren ogo oboget isaluk lagalagen mondok lek.

ROMA 9:33

Wene andi faget Allah nen he, mel isikhe: ”An o Sion andoma helep hangge ekhe figi yi hani! helep andiba afuni ineisok a'lip silukhogo waraluk, talorogo laga logogun o. Meneat he, hinebe lombok hinendawinggen at oba himbiret fogoin mene halok hinenggali hogoin mondok lego,” iluk isikhemo lisu palogo fesukwa.

IBRANI 12:22

It andi hangge meneba wagaukwa meneat nen, hit enek he, tom Sion Allah eluk welagarek mene awi sili o kota Yerusalem pogoroba meneba wagep andi. Andoma re, malaikat esa yi esa ti esa hokhorogo inom,

WAHYU 14:1

A'nogo yethigiri'mo nen, ombo'ne yethigi hak he, at Domba Eak a'nogo tom Sion oba mendek were'ma yethigi. Andi re, at ebe inom, it afuni inebe 144.000 nen, at Domba Eak inom, Eisena inom, emberek inenu it andi inebe lombok inelhaba lisu palek were'ma yerisigi.

HAKIM–HAKIM 19:10

Oba nen ap Lewi mene a'nogo re andoma logou aple abiren he, at ebe inom agwe a'nogo inom amingmingengge a'nogo inom anggo keledai hu'lagungge pire aremnogo inom wilipluk wagaukwa. Wagaukwasik o arat hubasigiluk ugu kwelek aremnogo o Yebus (andi re Yerusalem agare'ma) aremnogo asi wagaukwa. Asi wagaukwasik he amingmingengge a'nogo nen eisenaba ikhi logolik he, ”Hunai, nit he ap Yebus mene inawi kota ba yoma nogo ikhuogo,” iluk yagatikhe.

1 SAMUEL 17:26

A'nogo isukwama, at Daud en mel isikhe: ”Ap Filistin mene Allah ane onggot mene ari re, ailo lega? Allah eluk mondok welagarek mene againafuri tentara mene inoba ane asegen wogisili'lago ari re, nailo e,” iluk isikhesik, ap tentara mene at era'lu welagaukwa mene ekhe mel yagaisasikhe: ”Afuni Israel mene inenu weagerogo fili'lago mene andi eiloak leget figik, nen ap Filistin mene andi ebe watik, igin agun andi re nena mene wogosugun nogo?” iluk heinok wogisasikhe.

1 SAMUEL 17:36

A'nogo wati lagingge re, ap Filistin mene Allah ane onggot mene andi nen Allah eluk mondok welagarek mene againafuri tentara mene ane asegen wogisili'lago andi nen he, an hamingmingengge nen mene olomene a'nogo watirek hagat elok wasigin anggikhi lagi o.