1 TAWARIKH 11:23 - Allah Wene Fano Wene Hupla Inane

²³ Aren he ap Mesir agun obakhe mondok hokho agun misik ekhe watikhe. Hun andi oak huse welagaikhe mene re 2 meter eil ambolkweat welagaikhe. Nen, ap andi re arige kabelek obakhe mondok hokho mene waluk nikhi lagaikhe, oba nen he at Benaya re tomuk senogo aiba lagaikhesik wasi lagaikhe andi. Ap Mesir agun andi arige enggim senek welagaikhe mene a'nogo telogo wanhikhesik he oak waganogo onggwarek ebe pinggi watikhe.

1 TAWARIKH 11:23 ပူးပေါင်းရင်းမြစ်များ

1 TAWARIKH 11:24

Hun Benaya andi re it inenu Esa 30 nen u hak Tridasawira, ikhi lagaukwa mene a'nogoba welagaikhe agun. Aren hilingiti lagaikhe mene re andoma.

1 TAWARIKH 20:5

Weim amu mene ekhe it Filistin inap inom yafi logolik he, Elhanan hun Yair amlogo andi nen he hun Goliat agailak enu Lahmi awi Gat agun andi watikhe. Hun Lahmi arige kabelek andi re mondok wulim hilingi'mo re su itarek mene enu tenun andi obakhe hangge hilingik welagaikhe.

ULANGAN 3:11

(Hun raja Og andire it afuni Refaim mene omanogo wurep kobokhogo re hun andi welagaikhe. At ebe wa'lagaikhemo re ebe kwelafu mene peti re helep mene wurep uanhogo 4 meter en, nen elonggo wogologo re 2 meter ilirengge waleti logogun iluk werek meneba waletukwa. At ebe warek kwelafukwa mene andi re yogondak huli nen o Raba it afuni Amon mene inaiba andoma were'ma ineil hili'lagwi.)

1 SAMUEL 17:4

A'nogo hilingik kwelek ap misik ekhe aiba kota Gad mene, weim ailo'lek yaferek mene enu Goliat, ap Filistin mene inawi tenda wuri'mo nen ap tentara Israel mene inoasigiluk wulibi wagaikhesik ane asegen wogisikhi lagaikhe. At oagese re, mondok uan 3 meter hangge.

1 SAMUEL 17:7

Nen, arige hokho mene kabelogo enggat posiemanggen meneba merenghogo magongge enggin he 7 kilo mene waluk nugu kwelek, ap aselei mene nen Goliat wasinogo iluk at agot tentara mene ekhe nen e sabelek mene waluk attak-attak elokhoma nikhi lagaikhe.