1 TAWARIKH 10:9 - Allah Wene Fano Wene Hupla Inane

⁹ A'nogo were'ma hasukwasik he iren at Saul asu weim yafi logolik labeti lagaikhe mene a'nogo nonggoligik, nen at unggul tekhogo wanhik hilingitukwasik helaluk lagaukwa. A'nogo waluk lagaukwasik he iren wene o sili mondogat omanogo inunggulenu werek higit-higit inom, it inanggembu dewa ba inom wene fano mene andi wialik lagaukwa.

1 TAWARIKH 10:9 ပူးပေါင်းရင်းမြစ်များ

2 SAMUEL 1:20

It afuni Gat mene re wene andi inesanggo holinogo o, It afuni Askelon mene kwe endepkwe esanggokwe werek mene andoma Wene andi faget ineluet feinogo, Hemi Filistin mene inesanggo holimbik he, wonoget fakhanogo o. Allah ane inonggot mene nen, inanggiluk kwelagaisogo inagaiyek esinogo o.

1 TAWARIKH 10:10

Hun Saul asu weim yafi logolik labeti lagaikhe mene inom, tok kwepalengge aweim tok omanogo inom, a'nogo re kembu aiba iren mene a'nogo ba fesukwa, nen at unggul palek a'nogo re it inanggembu dewa enu Dagon a'nogo awi wuri'mo andoma kologo fesukwa.

1 TAWARIKH 10:4

A'nogo watukwama at Saul en ap souge mene at asikhe waluk laga lagaikhe mene a'nogoba ikhi logolik he, ”It ap Filistin inap Tuhan inonggot mene andi nen an nane ying nabi nogore, hat henggarok ari lisogo wanimbik an nebe talogo noasin o,” iluk yagatikhe. A'nogo yagatikheba nen he at souge mene a'nogo ailo nen he wati'lek herak fesikhe. Andi ba re at Saul a'nogo enggarok onggwaregen lisogo wanhikhesik he, karok a'nogo enggaroba teisalogo warasikhe.

1 TAWARIKH 10:8

Ohealekwe weirogo re it ap Filistin mene nen it Israel mene inebe warek omanogo helogoin iluk wagunemen he, at Saul inom amlogomi inebe henagan aremnogo inom o Gilboa tom oba andoma warek were'ma heraginafukwa.

DANIEL 5:23

Haren he, At Tuhan pogoroba mene eilhanem he, leget fakhikhi lagen andi. A'nogo leget fakhikhi logolik, hailo legengge iwak o Tuhan Awi wuri'mo inenggi abisak wanhukwa mene omanogo wani loagaluk yagaisegenma waluk wagaikhama re, hat hebe inom, hagoromi kaindek inom, hagagwi ebe mene inom, hagagwi hamingmingengge mene woginafigin mene inom, hinom iwak andomaba i keralhigik nenggep andi. A'nogo ninggi logolik, hat hebe heluk inom, yi mene ti mene mondogat inom at Allah enggiba werek kwelegat he, At agaukhogo fogerati'lek, tugwi kembu perak mene inom, emas mene inom, tembaga mene inom, posiemanggen mene inom, e mene inom, helep mene inom, agauwak hilingisogo pugunetarek mene ineilenggen isa re elo'lek meneat, inesanggo holu elo'lek meneat, wene futfou elo'legat mene andoma oba fogerati lagen andi o, noe.

MATIUS 14:11

Alonggop tekhogo warogo, ungguloak palek lemesak oba earogo hele silerik a'nogo wogosi wagaukwama re, aren he, agaisa wogosi lagaikhe.