1 TAWARIKH 10:4 - Allah Wene Fano Wene Hupla Inane

⁴ A'nogo watukwama at Saul en ap souge mene at asikhe waluk laga lagaikhe mene a'nogoba ikhi logolik he, ”It ap Filistin inap Tuhan inonggot mene andi nen an nane ying nabi nogore, hat henggarok ari lisogo wanimbik an nebe talogo noasin o,” iluk yagatikhe. A'nogo yagatikheba nen he at souge mene a'nogo ailo nen he wati'lek herak fesikhe. Andi ba re at Saul a'nogo enggarok onggwaregen lisogo wanhikhesik he, karok a'nogo enggaroba teisalogo warasikhe.

1 TAWARIKH 10:4 ပူးပေါင်းရင်းမြစ်များ

2 SAMUEL 1:20

It afuni Gat mene re wene andi inesanggo holinogo o, It afuni Askelon mene kwe endepkwe esanggokwe werek mene andoma Wene andi faget ineluet feinogo, Hemi Filistin mene inesanggo holimbik he, wonoget fakhanogo o. Allah ane inonggot mene nen, inanggiluk kwelagaisogo inagaiyek esinogo o.

2 SAMUEL 1:6

A'nogo heinok wokhasikhemo, aren he, ”Fano asuak an hamingmingengge o andi sambul he nebe tom Gilboa ba logolik neilenggen were'ma nen he, at Saul ebe arigeba timirogo were'ma, ap selei mene kereta ba inom, wam kuda oba inom, wagaikhasik fak fouwogeluk horogat wagaikha.

2 SAMUEL 17:23

Nen, at Ahitofel a'nogo endawimo nen he, ”An nen wene igi mene hologo hilingiti'lek herakfisaga andi weak higi,” iluk futfesikhesik he, inebe woginarek lagungge wam keledai ambot oba kelogo fesikhesik, ebe oba lagasikhesik he, at onggwarek aiba lagaikhe. Lagaikhesik, yi mene ti mene aren hilingisu mene mondogat arat katokhogo hilingitikhesik, ebe onggwaregen alonggop hele kelogo warasikhemo, at eisena wa'lagaikhemo salhukwaba andoma salhukwa.

1RAJA-RAJA 16:18

A'nogo hilingitukwama re, at Zimri nen hasikhe re kota a'nogo iren mondogat sebel fakhasukwama hasikhesik he, at ebe awi istana ba omanogo kwi lagaikhesik, at ebe inom, o at ebe werek oba omanogo inomat endu fakfesikhemo ninggi logolik at ebe inomat nasikhe.

1 TAWARIKH 10:3

At Saul welagaikhe kwe a'nogo re weim mondok omame-omame laga logolik he, at Saul ebe a'nogo it aselei mene nen tok watukwama re, tok a'nogo nen at oba enggin agaikhe.

1 TAWARIKH 10:5

Andi nen ap souge mene a'nogo eilenggen kwelakhasikhe re hun Saul a'nogo mondogat wa'lagaikhemo hasikhesik he, at abo a'nogo ogo re, onggwaregen enggarok a'nogo ambisangma teisalogo warasikhemo arat wa'lagaikhe.

KISAH PARA RASUL 1:18

(At Yudas weak hilingitikhe andi faget, onggo wogetukwama re, kweang onggo pali lagaikhe. Pali lagaikhesik andoma lagaikhesik elokhe sagaum warikhi logolik, alabut supukhogo wulifikhesik wa'lagaikhe.

KISAH PARA RASUL 16:27

A'nogo hilinglagaikhemo, at ap hele warek ferinarek welagaikhe mene a'nogo eluk agaikhesik he, o afuni inenggi hele arek fisagarek oba a'nogo kwe mondok hurik were'ma eilenggen hasikhe. Eilenggen hasikhesik he, it inenggi hele warek mene omanogo inebe wulifa iluk, ailo agaikhesik onggwaregen warageluk karok oua'ma mene lisogo wanhikhe.

HAKIM–HAKIM 15:18

Hobuk at Simson endawimo i nele hokho agaikhemo, ane hokhorogo Tuhan mel yagatikhe: ”Tuhan neisena. An hamlogo nomame asuageluk yogondak yaat hilingnafenma, afuni inebe mondok hokhorogo mabenet fisigirik inoati meneat he, yogondak an i nele nen wa'lasumo afuni Filisitin mene hat hebe inonggot mene yoma nen, an nebe warek fa'nobagagun he nabiro, neisena,” iluk yagatikhe.

HAKIM–HAKIM 16:21

Andiba re, ap Filistin inaben hasukwasik he Simson enggi hele homak fesukwasik eilenggen fena-fena hemelogo wanhukwa. Wanhukwama re, at ebe nek he o Gaza waluk lagaukwasik hele posiemanggen tembaga mene ebe pire meneba homagaisogo fesukwasik, o afuni hele warogo kwelaginafarek oba omanogo kwelakfesukwa. Kwelakfesukwama omanogo logolik yi mene ti mene enggen sagalhi logouwageluk yagatukwama sagalhu welagaikhe.

HAKIM–HAKIM 9:54

Ariginhikhemo at Abimelekh en weak-weak ap alage mene nen at asikhe waluk laga-lagaikhe mene a'nogo woletikhe. Woletikhesik yagati logolik, ”An he, he mene nen wate ikhi logogun andi re nabiro, henggarok andi lisogo an nebe pinggi noasin” iluk isikhemo re, ap souge mene a'nogo nen at Abimelekh a'nogo talogo watikhemo ebe pinggi wa'lagaikhe.

1 SAMUEL 14:6

Were'ma andikwe louwogeluk laga logolik, at Yonatan nen he, agot alage mene a'nogoba mel yagatikhe: ”Nineisena Tuhan he ap inebe hokhorogo halok ogo, nen endebat halok ogo, elok inomamet fisa hagenego. Enggere Aren omame wo'nisagain anggikhi lagi hilingi'mo re, nit ap Filistin mene Allah ane inonggot mene inawi pos wuri'mo andoma louwogo,” iluk yagatikhe.

1 SAMUEL 17:26

A'nogo isukwama, at Daud en mel isikhe: ”Ap Filistin mene Allah ane onggot mene ari re, ailo lega? Allah eluk mondok welagarek mene againafuri tentara mene inoba ane asegen wogisili'lago ari re, nailo e,” iluk isikhesik, ap tentara mene at era'lu welagaukwa mene ekhe mel yagaisasikhe: ”Afuni Israel mene inenu weagerogo fili'lago mene andi eiloak leget figik, nen ap Filistin mene andi ebe watik, igin agun andi re nena mene wogosugun nogo?” iluk heinok wogisasikhe.

1 SAMUEL 17:36

A'nogo wati lagingge re, ap Filistin mene Allah ane onggot mene andi nen Allah eluk mondok welagarek mene againafuri tentara mene ane asegen wogisili'lago andi nen he, an hamingmingengge nen mene olomene a'nogo watirek hagat elok wasigin anggikhi lagi o.

1 SAMUEL 31:4

A'nogo hilinglagaikhemo, at Saul agot alage mene ekhe at asikhe waluk wagaikhe mene a'nogo oba mel yagatikhe: ”An nebe ap Tuhan inonggot mene andi nen inane asegen wo'niikhi logombigen noasi nogo nen he, hat henggarok lisogo wanimbik he, nebe noasin o,” iluk yagatikhe meneat he, ap alage mene andi, at Saul ebe mondok agaukhogo hilingiti lagaikhe andi nen he, ebe wati'lek herakfisasikhe. A'nogo herakfisasikhemo, at Saul onggwarek enggarok wanhikhesik kweangma telfesikhesik he, ebe taunghogo waragaluk enggat oba weing lagaikhe.