1 TAWARIKH 10:12 - Allah Wene Fano Wene Hupla Inane

¹² it ap inailo lek mene nek folhigik he at Saul ebe warek a'nogo inom, at amlogomi warek omanogo inom, woginabi lagaukwasik waluk he o Yabes wagaukwa. Wagaukwasik he iren andoma e hokho mene ekhe wulibik were'ma a'ma andoma salinafukwasik, it inebe fong watu inenggi sabiren sumburu heang fesukwasik welagaukwa.

1 TAWARIKH 10:12 ပူးပေါင်းရင်းမြစ်များ

KEJADIAN 12:6

Abram o Kanaan esanggokwe eilenggen hilik-hilik wagaikhesik he wesa aple hilingiti lagaukwaba o Sikhem en he o More e wesagayo eroma asi wagaikhe. (Nen, andem oba re afuni o Kanaan inap kweang andiba andoma welagaukwa).

KEJADIAN 35:8

Nekhema andem, he Debora, Ribka yenggere'ma amingmongengge logolik halhi lagaikhe mene a'nogo, wa'lagaikhemo o kota a'nogo a'ma fikhit e patie hak mene eroma andoma salhukwa. Salhukwasik e a'nogo enu re, Le Agayo, iluk salhukwa.

KEJADIAN 50:10

It omanogo waga lagaukwasik he, o i Yordan abel mo yegelogo lagai wagarek higit afuni gandum enggen sagalharek oba o Goren-Haatad andoma asi lagaukwasik he, inendawimo weak agaikhesik, le inane hokhorogo agaukwa. A'nogo agaukwama, at Yusuf en fong andoma wasuageluk isikhemo re, fong watu inenggi 7 nen o andoma welagaukwa.

2 SAMUEL 3:35

Linggene inukhogo aben Daud oba sumburu endebengge ekhe nan iluk koni kwikhi lagaukwaba nen he, aren hombuk palhi logolik he, ”An nen o mo ubuk igi'lek werek kwelek sumburu nagain halok he, At Allah nenat an nebe pinggi noasuak!” iluk hombuk palhikhe.

1 TAWARIKH 10:11

A'nogo fesukwama it afuni Yabes inap o Giliad welagaukwa mene omanogo nen holhugunemen he, ”It afuni Filistin inaben he at Saul a'nogo ba a'nogo hilingita ugunem holhukwasik he,”

YOHANES 11:19

it afuni Yahudi mene hokhorogo, he Maria inom, Marta inom, inerei Lazarus ware'ma inendawimo fanorogo iluk, inoba wagaukwasik welagaukwa.

1 SAMUEL 11:1

Hobuk afuni Amon mene inoe enupogot enu Nahas en agoromi tentara mene woginarek afuni o Gilead kota Yabes andoma mene o larogo inoasuogoluk isikhe. A'nogo isikhemo, it ap o Yabesh mene nen Nahas wene yi'nogo yagatukwa: ”Nit hit ninom hundik fano logouwogoluk wene ninom wat-wat uluk he, nit hit hinawe a'ma logolik hinane hologo logogun o,” iluk yagatukwa.

1 SAMUEL 11:9

A'nogo wenagaisogo fisasukwasik, ap o Yabes nen weim yonggo lakfisa wagaukwa mene omanogo wene yi'nogo warogo lakfisasukwa: ”Ohealekwe mo aganhan agu kwelek, telhinabi wesugun aga, iluk yagaisano o,” iluk wene warogo lakfisasukwama lagaukwasik, yagaisasukwama afuni o Yabes mene wene andi inesanggo holhukwasik he, inendawimo inagaiyek hokhorogo agaukwa.

1 SAMUEL 31:12

ap inailo lek mene nek folhigik hup inukhogo o Bet-Sean lagaukwa. Lagaukwasik, at Saul ebe warek inom, againafuri inebe warek inom, o kota andoma leget pa'leget oba nen lologo pelakfisa wagaukwasik, woginarek o Yabes wagaukwasik nolinafukwa.