1 TAWARIKH 1:32 - Allah Wene Fano Wene Hupla Inane

³² Hun Abraham agwe ekhe amingmingengge mene agweap erasikhe mene enu re Ketura welagaikhe. At agweap erasikhe mene andi nen eagwi taginafikhe mene inenu re, Zimran inom, Yoksan inom, Medan inom, Midian inom, Isybak inom, Suah inom andem. At Yoksan andi againafuri re, Syeba inom, Dedan inom andem welagaukwa.

1 TAWARIKH 1:32 ပူးပေါင်းရင်းမြစ်များ

KEJADIAN 37:28

A'nogo isukwasik were'ma, afuni Midian mene kwe andi kwe wagunem, Yusuf ebe pogolema a'nogo nen liakfei wagaukwasik he, onggo uang perak mene ebe 20 nen, hombonu-hombonungge mene re ebe onggo hokho palharek meneba wanhukwa. Onggo a'nogo wanhukwama, it afuni Ismael mene onggo heligik saburigik, agarek mene omanogo nen Yusuf wanhukwasik he, o Mesir helaluk lagaukwa.

1RAJA-RAJA 10:1

Afuni nen he, at Salomo ebe mondok kain enu o yi awi ti awi mondok lili'lago, iluk isukwama, he ratu aiba Syeba mene nen abok holhikhesik, wene onggo u mondok elo'lek mene heinok wokhagaluk oba o Yerusalem wagaikhe.

1 TAWARIKH 1:31

Yetur inom, Nafis inom Kedma inom andoma taginafikhe.

1 TAWARIKH 1:33

At Midian againafuri inenu re: Efa inom, Efer inom, Henokh inom, Abida inom, Eldaa inom, andem welagaukwa.

AYUB 6:19

It ap inangge helaluk o Syeba nen inom Tema nen inom i a'nogo faget inendawimo nen ebet-ebet logouwak agi iluk eberik wagaikharek.

MAZMUR 72:10

It ap raja-raja o Darsis oba werek mene nen inom, nen it i alonggen kwe werek mene nen inom at obaget yi mene ti mene wogosuogeluk waluk waga logogun. Nen raja o Arab mene inom Etiopia mene inomen ogore at obaget waluk we'luk fei waga logogunat.

MAZMUR 72:15

Hat raja re, Heluk mondok logoino o, iluk yagati logouwak. Ma re, at were'ma re emas o Arab mene andoma fisaluk wogosi waga logouwak. At obaget he linggene hundik-handik samban iginafu mondok welagik, fanoabet fisikho welagik, ikhi logouwak.

YESAYA 21:13

Arab oba asigin mene faget yagaisoageluk isikhe mene re yi: Yago, hit Dedan hinap hiren mene ap onggo paluogeluk yatma lagaikharek mene omanogo re o Arab kweang oba engga anggele'ma omanogo inawi sabu salogo nogoli'lagwi. inom nen hit o Tema anggweang oba welagep hinap inom yoma sani! Ap hit mene logalek ekhe onggo paluogeluk yatkwe laga la'luk Arab kweang oba hinawi tenda wuti lagep mene andoma re

YESAYA 60:6

No unta o Median inom Efa inom omanogo mene nen he o haren ferinarek welagen kwe andoma huli'lipsek logogun. O Syeba nen he afuni nen no emas inom, kemenyan inom waluk waga logolik, Tuhan nen hilingiri'lago mene omanogo faget fogerasi wesugun.

YEREMIA 49:8

Yago, hit afuni Dedan welagep mene re sugulogo hinambotkwe heise lani o! Laluk he hinago logoino. An nen he at Esau ambisangma mene unggum wogisagain oba arat horogasi wagama re mondogat alperelogo fisagain.

YEHEZKIEL 25:13

Andi faget he An nen wene wulafi logolik, Edom mene re unggum wogisigik, afuni inom wam inom andoma werek mene mondogat pinggi inoatik igin. O kweang andoma mondogat kota Teman nen pikhit he o kota Dedan huliba andoma An nen afuni inareng tiring terenghogo hilingisogo fagain. Afuni andoma logogun mene re weim oba nen mondogat inoasugun.

YEHEZKIEL 27:20

Afuni o Dendan werek mene nen, hat hangge onggo palhi logolik, kain wam kuda amboloba talfuluk afuni inebe hu'lagaikharek meneba onggo wanhi lagaukwa.

BILANGAN 25:6

A'nogo yagaisasikhemo Musa inom afuni mondogat omanogo inom o Tuhan Awi sabu sale'ma solombonma omanogo nen le aga logolik were'ma nen he, ap Israel mene misik ekhe nen he, he Midian mene ekhe waluk awi sabu sale'ma a'nogo kugunem ineilenggen welagaukwa

BILANGAN 31:2

”Afuni Midian mene andi nen afuni inunggulenu Israel mene inoba hilingita aple a'nogo faget hiren ogo inunggulmo inoasi lani o. Andi mondogat hilingfuluk enek he hat hebe wa'lasigin.” iluk yagatikhe.