1 TAWARIKH 1:17 - Allah Wene Fano Wene Hupla Inane

¹⁷ At Sem againafuri re, Elam inom, Asyur inom, Arpakhsad inom, Lud inom, Aram inom, Us inom, Hul inom, Geter inom, Mesekh inom taginafikhe.

1 TAWARIKH 1:17 ပူးပေါင်းရင်းမြစ်များ

KEJADIAN 10:21

Nen at Sem oe Yafet andire it afuni Ibrani mene inomba welagaikhe.

KEJADIAN 11:10

Ap Sem en ambisangma mene inebere yi. I fu hokho mene a'nogo wagaikhe huli andem oba tahun pire hilingfuluk at Sem ebe umur 100 tahun oba at omalik abengge ekhe enu Arpakhsad tatikhe.

KEJADIAN 14:1

Andem sambul, ap raja ekhe welagaukwa, ekhe re, enu Amrafel aiba Babylonia mene, ekhe re, Ariokh aiba Elasar mene, ekhe re, Kedorlaomer aiba Elam mene, ekhe re, Tideal aiba Goyim mene, ap raja inebe enggaminogo andem welagaukwa.

1 TAWARIKH 1:16

Arwadi inap inom, Semari inap inom, Hamati inap inom, andoma taginafikhe.

1 TAWARIKH 1:18

Hun Arpakhsad andi re, hun Selah eisena, nen Selah re hun Eber eisena.

EZRA 4:2

Andiba re, iren hun Zerubabel inom, it afuni ineisok erokwe lombok omanogo faget kepala welagaukwa mene omanogo inom, inoba ikhi logolik he, ”Nit he hun Esar-Hadon raja Asyur mene a'nogo nen wo'ninarek o yoma wagaikhe huli nen engge, niren hundik-handik Allah oba wam warogo noleti lagoma re, ninagaila'lak hiren hilingiti lagep hakhogo, niren ogo ninom hit ninagaila'lak hineisena Allah andiba wene kabogeti logogun nen he, o Tuhan awi ari nit ninom wusuogen he fano ini o,” iluk yagaisasukwa.

MAZMUR 83:8

it inunggulenu Kebal mene inom, Amon mene inom, Amalek mene inom, inunggulenu Filisitea mene inom, afuni Tirus mene inom,

YESAYA 11:11

Linggene andi sambul he Tuhan en at omameba againafuri alinlan logogun mene o Asyur inom Mesir inom, o Patros kweang oba inom, Sudan inom, Elam inom, Babel inom, Hamat inom, i alonggen kwe yathogo werek mene omanogo mondogat woginarek inambotkwe sugulogo wesugun.

YESAYA 21:2

An nabikanggoba hugunemen he, enggin-fenggin hugu mene inom, henarogo hilingitu mene inom, oba re mondok inailo asu hak mene hilingi'mo higi. Andi nen aren ikhi logolik, hit Elam hinap esa folek welagep mene yoma re pin kwi lani o! Yago, hit Madai mene esa logalek yoma re walingisi lani! It Babel inap enggin-fenggin hilingfisagarek mene a'nogo re yogondak Allah nen arat wurep oba hilingfisageluk werek andi.

YESAYA 22:6

Ap Siria mene re inangge kuda inom kereta inom weim yabuogeluk waluk weri'lagwi, ap Elam mene re sige-sikhe waluk weri'lagwi, ap Kir mene re tok kwe palengge fik-foukhogo hilingiri'lagwi.

YESAYA 66:19

An nen it inanggele'ma andoma enegengge misik ekhe fagain o. Nen, it mene fena we endebengge nek inagap telinabigin. It he An nen yi afuni ti afuni inunggulenu lombok o kweangma yatkwe-yatkwe An nen hilingiti lagi mene holi'lagwi lek mene inom, nen An nebe Lego Mondok logolik Nomame welagirek mene a'nogo ineilenggen hili'lagwi lek mene inom werekwe omanogo lakfisagain o. It logoin kwe andoma re: O Spanyol inom, Libia inom, Lidia inap inasikhe inenggi puk mene werekwe inom, o Tubal inom, Yunani kwe inom, logoin. Lambik iren he An nomame hokho welagi mene a'nogo yi afuni ti afuni inunggulenu lombok inanggelekwe andoma sagarik logoin o.

YEHEZKIEL 27:10

Ap sikhe fisogo inap o Persia mene inom Lidia mene inom Libia mene inom he, tentara haren meneba kwi wagaikha. Iren he inandok kwe palengge inom inunggul topi baja inom omanogo re hat haiba leget pa'leget waganek mene omanogoba kolhigik faga. Iren hat haselei mene omanogo inomame leget fisouwogeluk lebethafik, henu hokhot hobagagik, aga.

YEHEZKIEL 27:23

Kota Haran inom, Kane inom, Eden inom, ap yikwe tikwe onggo paluogeluk hilingirik nikharek inap o Syeba inap inom, kota Asyur inap inom, Kilmad inap inom, inebe mondogaren he hat hoba hunusi waga lagaukwa.

YEHEZKIEL 32:22

Asyur tulem andoma wengik were'ma, agoromi sikhe fisogo inap omanogo nen walingisogo kwelakfuluk logogun. It inebe mondogat he weim oba nen inoata mene omanogo. It inebe salek oba andoma re, afuni wa'la'luk lagaikharek oba fem a'ma ma'lima salek werek. It ineluk logolik oba re afuni nen inailorinafi lagaukwa inaben hilingik.

YEHEZKIEL 32:24

Elam ogore, andoma salek were'ma agoromi sikhe fisogo inap aren mene nen, haningisogo kwelabek logolik werek. It inebe mondogat he inagap inenggalimo mene palek le'ma nen weim oba nen inoatama re, kweangma afuni wa'la'luk lagaikharek oba omanogo paga. It ineluk logolik afuni nen inailorinafi lagaukwa oba nen yogondak it mondogat wa'lagaikhasik, ap weim yafunem en wa'lagaikha mene omanogo inom it hilingiti lagaikha mene faget inenggali hogoin.

DANIEL 8:2

An nabikanggo andiba hugunemen he an nebe o Propinsi Elam oba nen o Susan it ap Persia inaben inawi eroma ibukota andoma welagi. Andoma nen an nebe re i Ulai horokhogo andoma mendek welagi,

HOSEA 14:3

Andi nen he, hinebe hinambotkwe Tuhan oba we'luk he, wam, yi mene ti mene At obaget fisa hak, samban yi'nogo ikhi logoino: ”Tuhan neisena, nit hat hane sagalogo fogosik weak hilingiti lago mene yi sagalogo legetfisanogen iluk, yagaheti lago mene yi ninane hesanggo holin o. Ninane holhen halok, niren wene wathetugu higithogoat fogethafi logogun o.

BILANGAN 23:7

A'nogo wagaikhesik, at Bileam en wene hilinglagaikhe mene inom, hobuk hilinglasigin mene inom, yi'nogo yagatikhe: ”O Aram tom mo wulibi wagarek higit ali'ma were'ma, ap kain Balak afuni Moab mene inoe raja nen an wolniikhi logolik: Afuni Israel mene homan fisanogen eme o, iluk wolnafemo wagi.

LUKAS 3:36

Salmon andi re, Kenan amlogo. Kenan andi re, Arpakhsad amlogo. Arpakhsad andi re, Sem amlogo, Sem andi re, Nuh amlogo. Nuh andi re, Lamekh amlogo.