1 TAWARIKH 1:14 - Allah Wene Fano Wene Hupla Inane

¹⁴ At Kanaan andi re it Yebusi inap inom Amori inap inom, Girgasi inap inom,

1 TAWARIKH 1:14 ပူးပေါင်းရင်းမြစ်များ

KEJADIAN 10:16

Hun Kanaan andi ogore it Yebusi inap, Amori Girgasi inap, Hewi Arkisini inap.

KEJADIAN 15:21

Amori mene inaiba inom, Kanaan mene inaiba inom, Girgasi mene inaiba inom, Yebus mene inaiba inom, mondogat wogisagain o,” iluk wene waretikhe.

KEJADIAN 48:22

An nen he, hat hagaila'lak fuk. At he, harenek o Sikhem kweang mondok mulire'ma afuni Amori inaiba mene karok inom, sikhe inom, oba sebelfigi mene andi hat wokheti o,” iluk yagatikhe.

2 SAMUEL 21:2

(Afuni Gibeon mene andoma re it Israel inap inom seberek mene re lek, athe ap Amori mene inap oba nen he irogo andogorogo inamu welagaukwa inap. Afuni Israel mene nen he it wene abok yagaisikhi logolik, Niren hit he hinoasugun lek we hineluk hinobagagun, iluk yagaisasukwaba nen he it Israel mene inom, Yehuda mene inom inobaget wenggelhi logolik he, it inebe mondogat inoatukwa.) A'nogo hilingfisasukwama nen he at Daud en wolinafikhesik he,

2 SAMUEL 24:16

At pogoroba yonggo mene nen wa'lagu mene waluk wagaikhe mene a'nogo hun Arauna o Yebus agun a'nogo nen gandum enggen lolhuba aremnogo asi lagaikhesik were'ma, At Tuhan eilenggen hasikhe re malaikat pogoroba yonggo nikherek mene a'nogo nen he o Yerusalem a'nogo mondogat wolelenggenhogo feigiluk ugunem hasikhesik, At Tuhan nen, a'nogo inoasi lan, iluk wene katokhogo isikhe mene a'nogo hebekhogo re it afuni inunggulenu a'nogo mene unggum inoba feigiluk isikhe mene a'nogo herakfisasikhe. A'nogo herakfisasikhesik, Aren malaikat oba ikhi logolik he, ”Arat hilingiten! Palfein o!” iluk yagatikhe.

2 RAJA-RAJA 21:11

”Raja Manasye andi re anini mondok weago. Aren hilingiri'logo mene andoma re, it ap Kanaan inaben hilingiti lagaukwa mene re maben hak oba nen he, aren enek he mondok hokhorogo hilingiri'logo o. Nen, aren tugwi kembu wurik lili'lago mene andomaba nen he afuni Yehuda mene weak mondok hilingiri'lagwi.

1 TAWARIKH 1:13

At Hun Kanaan againafuri re, Sidon manggusa mene inom Het inom. It andem he afuni inunggulenu it inenu bene salek welagaukwa mene andoma inomabawi ta'lagaukwa.

1 TAWARIKH 1:15

Hewi inap inom, Arki inap inom, Sini inap inom,

NEHEMIA 9:8

A'nogo salogo fesiginmo, at ebe hat hoba lombokhogo logolik, hane hologo mondok hilingitunem hasigin andi. A'nogo hasigindik, haren at wene eberogoat mene wareti logolik he, o afuni Kanaan mene inaiba inom, Het mene inaiba inom, Amori mene inaiba inom, Feris mene inaiba inom, Yebus mene inaiba inom, Girgasi mene inaiba inom, mondogat andi, haren tagomangge mene inebe mondogat eise asimbik logouwagaluk wokhesigin o, iluk wene waretigin andi. Hat hebe inoba lombokhogo logolik, higithogo nek hilingitendek andi nen he, hat wokhesigin, iluk wene waretigin mene andi, ebe mondogat arat wogotigin andi, neisena.

KELUARAN 33:2

An nen he, malaikat ekhe hit wokhinarek mondok loageluk ayonggo fembik hinoba lakfei wesigin o. Wokhinarek lamo, An nen he, afuni inunggulenu Kanaan mene inom, Amori mene inom, Het mene inom, Feris mene inom, Hewi mene inom, Yebus mene inom, mugusogo wulakfisagain o.

KELUARAN 34:11

Hit hilingiti logogun mene faget, yi'nogo hilingiti logoino, ti'nogo hilingiti logoino, iluk yogondak yagahisigi mene andi, hologo higithogo hilingiti logoino o. An nen hit lagunem he, afuni inunggulenu Amori mene inom, Kanaan mene inom, Het mene inom, Feris mene inom, Hewi mene inom, Yebus mene inom, mugusogo wulakfisagain o.

AMOS 2:9

A'nogo meneat he hit An nagainafuri yi, afuni Amori mene inebe e sin hakhogo inoakhuse uandek inap, nen e batie hangge inomame hokho inap omanogo re hit hinobaget An nen inebe mondogat legetfisasigi andi.

ZAKHARIA 9:7

Iren wam amep werek mene inom, na fuk iluk ili werek mene inom ninggi logogun lek. Afuni longgo imbik logogun menere An nagainafuri mene asumo it he Yehuda mene inom seberogo fisamo logogun. It Ekron mene re it Yebus inap o attak hilingik welagaukwa hakhogo re, An nagainafuri mene asugun.

ULANGAN 20:17

At hineisena Tuhan Allah nen melalhinafe hakhogo, hiren afuni Het inap inom, Amori inap inom, Kanaan, Feris, Hewi inap inom, Yebus inap inom, mondok felelenghogo inoa'no.

ULANGAN 7:1

A'nogo yagaisasikhesik, ekhe mel yagaisasikhe: ”Nineisena Tuhan Allah nen o hit hobuk logogun oba andoma wokhinarek lambik, afuni inunggulenu hokho mene pugulogo wulakfisagain. Wulakfisambik logolik inunggulenu 7 nen hit hangge lek. We, it inunggulenu hokhoat, inomame hokho mene, mugusogo wulakfisagain o. It andi re, inunggulenu Het mene inom, Girgasi mene inom, Amori mene inom, Kanaan mene inom, Feris mene inom, Hewi mene inom, Yebus mene inom, mugusogo wulakfisagain o.

YOSUA 24:15

Hiren nineisena Tuhan amunek amingmingengge logogun hinabit halok, o yogondagat, Nit ti mene amingmingengge hilinglasugun, iluk tekhogo ugun o. Hiren he, o attagat ninombalak o Mesopotamia logolik, hunogo mene faget, Nineisena ebe andiat, iluk oba himbirik logolik amingmingengge welagaukwa andi mene amingmingengge logogun ugun a? At he, hit yogondak afuni inunggulenu Amori mene inaiba logolik, iren, Nineisena ebe andiat, iluk oba himbirik logolik amingmingengge welagaikharek andi mene amingmingengge logogun ugun a. Hirenat senggerogo ini o. An enek he, nebe inom, nagainafuri inom, nineisena Tuhan amuat amingmingengge logogun o,” iluk yagaisasikhe.

YOSUA 3:10

Hit logoin sambul he Tuhan nen hit hinaselei mene afuni o Kanaan mene inom, Feris mene inom, Het mene inom, Hewi mene inom, Girgasi mene inom, Amori mene inom, Yebus mene inom, mugusogo wulak fisikhi logogin. Nen Peti Wene Warek Tuhan pogot kweang elalhikhe mene a'nogo nen hit hinelokhoma i Yordan palago wulibi logoin oba andemen, Allah eluk mondok welagarek mene a'nogo hit hinanggele'ma andoma were'ma hineilenggen hogoin o.

HAKIM–HAKIM 1:21

Unggulenu Benyamin mene nen ap unggulenu Yebus mene o kota Yerusalem en mugusogo wulak fisa elo'lekhogo hilinglagaikhe. Andiba re ap Yebus mene re ap Benyamin mene inom seberogo welagaikharek andi.