1 SAMUEL 9:7 - Allah Wene Fano Wene Hupla Inane

⁷ A'nogo yagatikhemo, at Saul en he, ”Nit Allah amingmingengge andi oba logoin halok he, niren nena mene wogosugun anggegen? Niren kwemangge waluk wago mene aremnogo mondogat lek agama, amungge ogo ekhe werek lek omari,” iluk yagatikhe.

1 SAMUEL 9:7 ပူးပေါင်းရင်းမြစ်များ

1RAJA-RAJA 13:7

A'nogo hilingitukwasik he at raja nen nabi a'nogoba re, ”An naiba sumburu ninom nouwogen eme o. An en hat hoba onggo ekhe wokhesigin,” iluk yagatikhe.

1RAJA-RAJA 14:3

Laga logolik, at obaget roti re 10 nen inom kue endebengge ekhe inom, kin amusu iwak misik oba keralek mene inom woginarek lano. Lambik he, nit ninamlogo Ahia ari re ninggi'nogo hilinglasigin iluk heinok wokhano. Heinok wokhamo nen, aren yi'nogo hilinglasigin iluk onggo yagahesigin,” iluk yagatikhe.

2 RAJA-RAJA 4:42

Linggene ekhe sambul ap misik ekhe o Baal-Salisa nen wagaikhe. Waga logolik aren Elisa faget gandum enggen ket palek mene inom, roti werago 20 nen gandum enggen attak tahun andiba palhukwa mene weragongge inom, woginarek wagaukwa. Wagaukwama re at Elisa nen amingmingengge a'nogoba re roti omanogo it ap nabi omanogo inoba sumburisoageluk yagatikhe.

2 RAJA-RAJA 5:15

A'nogo hilinglagaikhesik, agoromi inom wagaukwa mene mondogat inom inambotkwe Elisa oba wagaikhe. A'nogo wagaikhesik, mel yagatikhe: ”O kweangma yi awi ti awi Allah ebe pire welagarek lek. We, hit afuni Israel mene hineisena Allah fogerati lagep mene andi ami-amu negat welagarek andi an yogondagen arat futfigi o. Andi nen he, an nen onggo wokhesigin andi wanin o,” iluk yagatikhe.

2 RAJA-RAJA 5:5

A'nogo yagatikhemo, at raja nen he, ”Fano, afuni Israel mene inoe raja andiba lano o. An nen surat at oba waluk lanogen ekhe palogo wokhesigin aro,” iluk palogo wogotikhe. A'nogo wogotikhemo, at Naaman a'nogo wesigiluk, uang perak mene re 30.000 nen inom, uang emas mene re 6.000 nen inom, su ebema mene inom eisokwe mene inom, mondok fano mene nek sebethigik 10 nen inom, waluk wagaikhe.

2 RAJA-RAJA 8:8

aren ap ekhe hun Hazael agot pegawai meneba yagati logolik he, ”An noba ou ari re fano asigin a, lega Iluk at nabi andi nen Tuhan oba heinok wokhoak hogo re, at andi a nen onggo wogosigin enggere hinom lani o,” iluk yagatikhe.

2 RAJA-RAJA 8:9

Andi isikhemo re at Hazael en he, wam unta 40 nen wanhikhesik he, wam aremnogo mondogat he o kota Damsyik andomaba nen yi mene ti mene enggen palhi lagaukwangge omanogo liafukwasik waluk Elisa were'ma lagaukwa. Lagaukwasik he at ebe Elisa were'ma asi lagaikhesik at Hazael en ikhi logolik he, ”Hat hamingmingengge raja Benhadad a'nogo nen he, at ebe fano asigin a, lega, iluk heinok wokheoageluk laknobagai wagama wagi o,” iluk yagatikhe.

YEHEZKIEL 13:19

Hiren gandum ombo miren mene hakhogo inom nen roti kurik mene inom helouwogeluk, An nagainafuri inelokhoma nenu mondok weagerogo fikhi lagep. Afuni weak hilingitarek lek mene re hiren inoati logolik, weak hilingitarek mene unggum inoba fou mene omanogo re hiren ineluk fisikhi lagep. A'nogo hilingiti logolik hiren An nagainafuri lalinafi lagepma re iren hit hinoba eberogo anggili'lagwi andi o,” iluk ikhe yagaisano, isikhe.

HAKIM–HAKIM 6:18

Hat hebe an nenangot niikhi logolik, were'ma an nen he hat hobaget sumburu ekhe wani lambik wokhesi wesumo lanogen he arem logoin o,” iluk yagatikhe. A'nogo isikhemo Aren he, ”Fano. An he, hat hambotkwe wagen halok layogen he. ya nenangot hiikhi logolik logogin o,” iluk isikhe.