1 SAMUEL 9:6 - Allah Wene Fano Wene Hupla Inane

⁶ A'nogo yagatikhemo, at amingmingengge a'nogo nen he, ”Ah, nenangot hambigen, ap o kota yi mene ebe Allah amingmingengge mene re, wene aren ugunem sugi agi'lek tibenek ugunem afuni nen agaugweratarek mene ekhe werego. Halok he, aren wam keledai longgoikhe mene andi, koma werek, iluk yaganisagain enggere, at oba louwogo,” iluk yagatikhe.

1 SAMUEL 9:6 ပူးပေါင်းရင်းမြစ်များ

KEJADIAN 24:42

A'nogo yaganetemo, hombuk a'nogoat palhi. Palhirik waga lagarik, i mogo habuli'mo hinagaisogo nenggarek oba wagarik, samban nendawimo nen ugu welagi: Noe Abraham eisena Tuhan Allah neisena. Haren he, an he herarik wagi a'nogo wo'nom o.

2 SAMUEL 15:27

A'nogo yagatikhesik, wene ekhe Zadok mel yagatikhe: ”Hat hamlogo Ahimaas inom, Abyatar amlogo Yonatan emberek inom, hinomat lobagaigen yagaisilik lambik he, hinendawimo hambukhogoat hinambotkwe o kota kwini o.

1RAJA-RAJA 13:1

A'nogo hilingitikhemo re andem sambul ap nabi ekhe it Yehuda mene inoba andoma welagaikhe. Were'ma re Tuhan nen o Betel andoma loageluk mimingitikhemo lagunemen he Yerobeam a'nogo re, mezbah elokhoma aremnogo yi mene ti mene warogo noligin iluk mendek welagaikhe.

2 RAJA-RAJA 5:8

A'nogo isikhe mene a'nogo re, afuni nen Elisa yagatukwama esanggo holhikhesik he, aren wene yi'nogo iluk raja oba lakfei wagaikhe, ”Nenahalok hendawimo weak agendik welagen? Ap andi nen he, afuni Israel mene were'ma yoma ap Allah ane yagasikherek mene ekhe werek higi, iluk futfouwagaluk he, ap andi an noba lakfei we'no o,” iluk isikhemo yagasi wagaukwa.

2 RAJA-RAJA 6:6

A'nogo yagatikhemo at Elisa nen he, ”Kakwe hak pikhe?” iluk at Elisa nen heinok wokhasikhemo, ap a'nogo nen he, ”Ya higit pikhe o, noe,” iluk yagatikhemo, at Elisa nen he, e enggi ekhe tekhogo wanhikhesik, yaga ebe pisikhe ba aremnogo pelakfesikhe. A'nogo pelakfesikhemo, yaga a'nogo i agum oba nen yegelogo lagai wagaikhe.

MAZMUR 25:12

Tuhan nen he it afuni At Awene melalek futfuluk hilingitarek mene nek, it logoinkwe yagaisikherek.

YESAYA 44:26

An nenat, An namingmingengge mene nen wene ili lagwi mene andoma omamet figik, hilingitu mene iluk werek mene omanogo An nayonggo mene nen inamolo anggagarek mene omanogo hilingitik, ikhi lagagi. An nen ikhi logolik, o Yerusalem hobuk ambotkwe afuni logogun o, nen o Yehuda ba kota-kota andoma re An nen ambotkwe wusigin, meisalhigik laga mene andoma hobuk obalikwe menegeisogo wurik lagain.

MATIUS 24:35

Pogot inom, kweang inom, legasigin meneat he, an nane andi legasigin mondok lego,” iluk yagaisasikhe.

ULANGAN 33:1

A'nogo yagatikhemo, at Musa Allah nen ayonggo fesikhe mene a'nogo ebe oan wa'lagi'lek logolik, afuni inunggulenu Israel mene Allah nen fanorinafi logouwagaluk wene yi'nogo isikhe:

1 TESALONIKA 2:10

Nit hit wene eberogoat iluk wanhigip mene halok ninom logolik afuni nen, ”It weak hilingita,” iluk wene ninoba figi'legat, tegelek logolik higithogo nek hilingiti lagagu a'nogo, hit Allah hinomat hinelumo re, ”Andi eberogoat,” iluk ugun andi.

1 TESALONIKA 5:13

It a'nogo hilingitarek andi nen, hinendawimo nen he, ”Irat ninogogwi inenu werek logouwago,” iluk, anggikhi logolik, inebe hinendawirogo logoino. A'nogo logolik he, hit-hit hinobabut liokhogo hilingiti logoino.

1 TIMOTIUS 6:11

It a'nogo hilingitarek meneat he, hat he, hebe Allah amlogo welagen andi nen, andi mene hilingiti'lek herakfisaluk logoino. A'nogo logolik, Allah endawimo anggikherek mene higithogo hilingitik, awe a'ma kuluk, at faget hilingitik, hendawinggen at oba himbirik welagik, afuni hendawirinafik, hafe morogo welagik, hobabut enago welagik, ikhi logoigeluk, andi meneat esinet fikhi logoino.

1 SAMUEL 2:27

A'nogo ugu kwelek, inenggi ekhe sambul he, ap Allah ane yagaisikhi lagaikhe mene ekhe nineisena Tuhan nen, ”Wene yi'nogo ap Eli yagasi lano o,” iluk wene warogo lakfei wagaikhemo, wagaikhesik mel yagatikhe: ”At Allah nen he, hat homba Harun againafuri inom afuni o Mesir mene inoe raja Firaun amingmingengge hit ferinarek were'ma, An nebe at Harun elokhoma menlagagi andi.

1 SAMUEL 9:8

A'nogo yagatikhemo, at amingmingengge a'nogo nen he, ”Fanoasuak, an mene uang perak misigat ekhe welagama yi. Halok he, at Allah amingmingengge andi nen, Wam keledai andi andoma werek, iluk yaganisoagen he, uang yi wogosuogo,” iluk yagatikhe.