1 SAMUEL 9:20 - Allah Wene Fano Wene Hupla Inane

²⁰ Nen, hat hanggo keledai hup henagan longgoikhe mene andi re, arat herata andi nen he hendawi fitun o. Nen, andi nek lek oba nen afuni Israel mene were'ma nen, ebe mondok esin onggo hokho anggagarek mene andi, hat hebe inom, heisena eisok erokwe inom, wokhisamo eise asugun o,” iluk yagatikhe.

1 SAMUEL 9:20 ပူးပေါင်းရင်းမြစ်များ

1 TAWARIKH 29:3

An nen Tuhan Awi andi faget nendawimo nagaiyek anggikhi logolik he, emas, perak inom, an nonggwarek nangge mene ogo figiat.

MAZMUR 62:10

Afuni re, we set misigam lek agagarek andi higit welago, afuni inenu werek mene inom, inenu lek sebelek mene inom he we higit elo'lek enek welago. Nen, inebe enggin walisamo nen he mondok inagut siserek lagou hak, set misigam furogo lagarek andi endep ekhe enggin hak oba nen, it inagut he se fulung falangsek logou hago.

KOLOSE 3:2

Hinebe wa'lagagipsik he hobuk Kristus hinomat hineluk logogun mene Allah nen oan sele'mat figi'lek hinago werek andi nen, hinendawimo re, yi mene ti mene kweangma mene oba ebeti'lek logolik he, pogoroba mene faget enek, oba ebeti logoino o.

1 SAMUEL 10:16

Heinok wogisasikhemo, at Saul en he, ”At Samuel en he, wam longgoikhe mene andi arat herata, iluk yaganisikhe o,” iluk yagatikhe. A'nogo yagatikhe meneat he, aren he, ”At Samuel en an nebe raja logouwagaluk mennobaikhemo wagi o,” iluk eisena agot a'nogoba yagati'lek endawimo kamo isikhe.

1 SAMUEL 12:13

Halok he, yogondak yethani, hiren hinoe raja wenagaisogo fakhegep a'nogo re, ebe yi. Nineisena Tuhan kino yagatepma re, Aren wokhisikhe andi.

1 SAMUEL 12:15

Meneat he, hiren nineisena Tuhan ane hologo hilingiti'lek, we sagalogo hilingiti logogun halok he, hit inom hinoe raja wenagaisogo fegep mene ari inom he, hineisena Tuhan he aselei mene higit logogun o.

1 SAMUEL 4:20

Omalik a'nogo tak-tak ebe arat wa'lasigiluk ugu kwelek, it hemi ekhe at lebethikhi lagaukwa mene nen mel yagatukwa: ”Heak ap takhegen andi nen he, hendawinggen hambukhogo logoin o,” iluk yagatukwa meneat he, aren onggo igi'lek obakhenene kamo isikhe.

1 SAMUEL 8:19

A'nogo yagaisasikhe meneat he, it afuni inunggulenu andi inaben he, ”Samuel ikhe andi weak ikhe,” iluk herakfisasukwasik he, mel yagatukwa: ”Nit ninoe raja ekhe logogin ninamolo anggogosi'mo re, nit he ninoe raja wo'nisagainaro,” iluk isukwa.

1 SAMUEL 8:5

A'nogo wagaukwasik he, mel yagatukwa: ”Hesanggo holin o, nineisena hat hebe arat yaman agen, nen hagainafuri inobabut he, hat hilingitendek hanggere lek. Andi nen he, afuni inunggulenu hunogoat mene inogogwi raja logolik higithogo ferinarek welagaikharek andi hak, nit ogo ninoe raja ekhe logolik fetninarek logouwagen he, ap ekhe heragaisogo menfeinogo, nineisena,” iluk yagatukwa.

1 SAMUEL 9:19

Heinok a'nogo wokhugunem, ”Heinogengge andi, an nebe yi aro. O yogondak hit sumburu an ninom nambik, ohealek hubet siakhogo hit wene mondogat heinok wo'neogoin mene andi onggo yagahisugunemen, hinambotkwe lobagaigen he, o punuba Allah faget hilingisugun oba andoma hit tak lagakhi logoni o. An hinombo'ne lagai wesigin.

1 SAMUEL 9:3

Were'ma, inenggi ekhe sambul he, at Kish anggo keledai fenakwe longgosikhe. A'nogo longgosikhe andi nen he, at Kish nen he, Saul mel yagatikhe: ”Hamingmingengge ekhe hemberek he, wam keledai omanogo herasi lani o,” iluk yagatikhe.