1 SAMUEL 9:2 - Allah Wene Fano Wene Hupla Inane

² At Kish andi amlogo re, ap souge fano mondok mene enu Saul welagaikhe. Afuni Israel mene ap mondogat endebat fano hangge meneat he, arenek he, eil alili mondok fano pugunsek welagaikhe. At oakhuse re it Israel mene endep mangge omolo huli werek kwelek arenek he mondok uan mene welagaikhe.

1 SAMUEL 9:2 ပူးပေါင်းရင်းမြစ်များ

KEJADIAN 6:2

A'nogo taginafukwama, it ap Allah againafuri mene nen hemi andi fano mondogen ineilenggen isasukwasik he, it inamolo anggasukwa mene inebe woginafukwa.

1 TAWARIKH 8:33

Raja Saul a'nogo eisena re hun Kis andi, nen omba re enu Ner. At Saul he amlogomi inebe enggaminogo welagaukwa; inenu re: Yonatan, Malkisua, Abinadab, Esybaal, inom andem.

YEREMIA 9:23

A'nogo yagaisigimo Tuhan nen mel ikhe: ”Ap ekhe endawinggen kagalek andi nen fogerakhigik, it ekhe inomame hokho andi nen fogerakhigik, it ekhe inangge yi mene ti mene mondok hokhorogo werek andi nen fogerakhigik, ugun mondok lego.

BILANGAN 13:33

Afuni inunggulenu Enak mene nen tago mene andoma re, inebe hokhondek inoakhuse uandek enek nineilenggen isogo, nailo e. Nit ninebe it ninom walhamo re, nit ninebe pulue hangge anggogo. Nen, iren ogo re, nit faget a'nogoat anggagarek,” iluk ineranen wene lalogo yagaisasukwa.

1 SAMUEL 10:21

A'nogo hilinglagaikhemo, it inunggulenu Benyamin mene a'nogo akhogo hilingik mene higithogo elokhoma asi we'ni, iluk yagaisasikhemo wagaukwama re, it hun Matri eisok erokwe mene tegelogo wenaginafikhe. Andi nen kobokhogo re it hun Matri eisok erokwe mene ap mene nek elokhoma asi wagunem he at Saul hun Kish amlogo a'nogo agaikhe. A'nogo agaikhemo iren Saul ebe heratukwaba nen he at ebe andoma welagaikhe lek.

1 SAMUEL 16:7

A'nogo anggasikhe meneat he, At nineisena Tuhan nen Samuel mel yagatikhe: ”At ari ebe An nen wenati mene re lego, andi nen he hat hendawimo nen ebe fano, oakhuse uan andi nen ebe yiat higi, iluk anggagun o. Afuni re, inagap endakwe nek isagarek meneat he, An he, inendawinggenma isigirego,” iluk yagatikhe.

1 SAMUEL 17:4

A'nogo hilingik kwelek ap misik ekhe aiba kota Gad mene, weim ailo'lek yaferek mene enu Goliat, ap Filistin mene inawi tenda wuri'mo nen ap tentara Israel mene inoasigiluk wulibi wagaikhesik ane asegen wogisikhi lagaikhe. At oagese re, mondok uan 3 meter hangge.

1 SAMUEL 9:3

Were'ma, inenggi ekhe sambul he, at Kish anggo keledai fenakwe longgosikhe. A'nogo longgosikhe andi nen he, at Kish nen he, Saul mel yagatikhe: ”Hamingmingengge ekhe hemberek he, wam keledai omanogo herasi lani o,” iluk yagatikhe.