1 SAMUEL 9:12 - Allah Wene Fano Wene Hupla Inane

^12-13 A'nogo yagaisasukwama, it helime silerik omanogo nen he, ”At he, werek. We yogondak yaat hinelokhoma porem lili'lago. Hit weak-weak logoin halok he ebe mukha logoin. Yogondak afuni inobaget punuba andoma mezba oba wam warogo nolugun nen he we yogondagat waga o, at o kota yogondagat kwikhesik werek enggere hinom ambi asugun. Wam Allah faget warogo nolesugun mene andi oan Allah nen fanot fouwagaluk ayonggo figi'le'ma re, afuni inayonggo fogoin mene andoma inambengge ekhe nogoin lek andi nen, attak o kota kwikhe o. Halok he, yogondak yaat sumburu nageluk tom oba oan lagagi'le'ma ambi asi lani o,” iluk yagaisasukwa.

1 SAMUEL 9:12 ပူးပေါင်းရင်းမြစ်များ

KEJADIAN 31:54

Hombuk palhikhesik aren anggo domba omanogo misik ekhe Allah faget fesikhesik warogo agaila'lak agoromi omanogo inom nogoin iluk inayonggo fesikhemo, inom nasukwa. Nasukwasik it inebe mondogat punu a'nogoba omanogo nogosukwa.

1 TAWARIKH 16:39

Oba nen he at Zadok inom, it imam fena inom he, o Gibeon Tuhan fogeratuba andoma faget hundik-hundik hilingiti logouwageluk fisasukwa.

1 SAMUEL 10:5

A'nogo hilingi'luk he, hat hebe o Gibea tom Allah andom oba ap Filistin mene inawi su mene wuri'mo andoma lagain a'naga. Lambik, kwe o kota kwagarek oba andem lagain hak he, ap Allah ane yagaisagarek mene esa logalek ekhe o tom oba wam Allah faget warogo noletarek oba andoma nen pi waga logolik, wuni lagik-wagik watik, a'mit sup igik, yi pinggong ti pinggong inom, gitar magendek mene inom, iwak sogoloak hangge inenggi nen watarek mene inom, seruling hulenggen hakhogo watarek mene inom, gitar hokho mene inom, anethilik pi wagunem hinom ambi asugun a'naga.

1 SAMUEL 16:2

A'nogo yagatikhemo, at Samuel en he, ”An lambik ninggi'nogo hilingisigin? An nen a'nogo hilingitunem, at Saul esanggo holimbik he, nebe noasigin a?” iluk heinok wokhasikhemo, Tuhan nen he mel isikhe, ”Haren wam sapi eak oan mene waluk lambik he, afuni yi'nogo yagaisano: an wam nineisena Tuhan faget warogo nolesigiluk wagi o, iluk yagaisano.

1 SAMUEL 2:35

It a'nogo wa'lasumo nen enek he, ap hunogoat mene ebe An eisewerek logolik, obabut hombunhogo An noba lomboksek logolik, An nen, yi'nogo hilingi'no, iluk yagatunem nane hologo hilingiti logogin mene ekhe wenagaisogo menfagain o. A'nogo menfembik, aren tagomangge mene inebe An eisewerek logolik, ap kaindek inenupogot An nen wenagaisogo menfisagain mene ineilhanem An faget hilingiti logouwageluk eisewerek fisagain o.

1 SAMUEL 20:6

Andi nen hat heisena nen he, Daud ebe wagi'lek andi nenahalok, iluk heinok wokhikhe halok he, mel yaga'no: At Daud en yaganeti logolik, An neisena, nagaisa, nogogwi nagoromi mondogat ninom tahun ekheba faget, Allah nen fano fetninarek welaga, iluk, at faget wam warogo nolesuogoluk andi nen he, weak-weak o Betlehem laga-lagi iluk an yagane'luk laga, ino.

1 SAMUEL 7:17

A'nogo hilingiti la'luk ambotkwe aiba o Rama waga lagaikhe. Andoma logolik, aren afuni Israel mene yi wene ti wene inoba were'ma pilingisogo legetfikhi logolik, wam Tuhan faget warogo noleti logogun oba obalik Mezba ekhe wutikheat.