1 SAMUEL 9:1 - Allah Wene Fano Wene Hupla Inane

¹ Ap ekhe inunggulenu Benyamin mene, ebe kain angge yi mene ti mene hokhorogo logolik along-palonghogo welagaikhe mene enu re, Kish. Kish andi eisena re, Abiel. Nen, Abiel eisena re Zeror, Zeror eisena re Bekhorat, Bekhorat eisena re Afiah.

1 SAMUEL 9:1 ပူးပေါင်းရင်းမြစ်များ

2 SAMUEL 19:32

Ap Barzilai andi ebe arat yaman agaikhesik umur 80 tahun agaikhe mene. At ebe enggi werek agun logolik angge yi mene ti mene mondok hokhorogo were'ma, attak at Daud ebe o Mahanaim were'ma re, sumburu nunggu mene at Barzilai nenat wogoti lagaikhe agun.

ESTER 2:5

O kota Susan oba andoma re, ap Yahudi mene misik ekhe enu Mordekhai hun Yair amlogo andi welagaikhe. At andi re unggulenu Benyamin mene, hun Kis inom, Simei inom inambisang mangge mene welagaikhe.

AYUB 1:3

Nen, at amingmingengge inebe mondok hokhorogo welagaukwa. Anggo ogore, domba 7.000, nen unta re, 3.000, nen sapi re, 1.000, nen keledai re 500 nen welagaikhe. A'nogo welagaikhe andi nen, afuni o mo ero fikhit andoma welagaukwa mene inangge endebat hangge meneat he, at Ayub andi nek he, mondok kain eilmo wulalhak welagaikhe.

KISAH PARA RASUL 13:21

Huli andi huli nen he, it afuni omanogo nen he, ninoe kain ekhe menfogoin ninamolo, iluk Allah kino yagatukwama re, aren he, Saul, ap Kis unggulenu Benyamin mene amlogo, menfuluk wogisasikhe. Wogisasikhemo, at ebe mo lagagik, pigik, ugu kwelek 40 tahun kainat welagaikhe.

1 SAMUEL 10:23

A'nogo yagaisasikhemo, it ap ekhe nen weak-weagat Saul hondosi lagaukwasik he, afuni inanggele'ma fei wagaukwa. Fei wagaukwama, at Saul afuni omanogo inanggele'ma menlagaikhe mene re, it ap fenakwe mondogat inoagese re, omolobene agaikhe. Meneat he, at enek he, oagese mondok uan agaikhe.

1 SAMUEL 14:51

At Saul eisena re Kish, nen Apner eisena re Ner, nen it andem ineisena re, Abiel andi.

1 SAMUEL 25:2

At omanogo lagunemen he o kota Maon omanogo re ap misik ekhe enu Nabal hun Kaleb ambisangma mene nen tagongge mene welagaikhe. Hun andi re aren anggo takhuguba faget he kweang o Karmel horokhogo andoma welagaikhe. At ebere enggi werek agun logolik anggo domba re 3.000 nen welagaikhe. Nen anggo kambing he 1.000 nen welagaikhe. At agwe Abigail andi re mondok hebelek logolik he, ebe ogo mondok fano welagaikhe. Oba nen he at agun Nabal andi re obabut mondok haferek logolik mondok weak mene nek hilingiti lagaikhe. Linggene misik sambul he at Nabal a'nogo o Karmel andoma anggo domba esi palhi lagaikhe.