1 SAMUEL 8:6 - Allah Wene Fano Wene Hupla Inane

⁶ A'nogo yagatukwa meneat he, iren kino isukwa mene andi, at Samuel endawimo weak agaikhemo, samban oba nineisena Tuhan yagatikhe.

1 SAMUEL 8:6 ပူးပေါင်းရင်းမြစ်များ

MAZMUR 109:4

An nen it faget nendawi hundik hilinginafi logolik inobaget samban ugu kwelek oba nen, iren an noba fu'mo hikhibet niili'lagwi.

KELUARAN 32:21

A'nogo hilingitikhesik, Harun mel yagatikhe: ”It afuni yi ninggi'nogo hilingitu nen, haren it weak hokhorog o hilingisuageluk herakfisegen ma,” iluk yagatikhe.

KELUARAN 32:32

Neisena, it weak hilingita mene andi haren sagalogo herakfisambik hendawimo fano ame o. A'nogo hilingiti'lek halok, an nenu afuni ineluk mondok logogun mene inenu buku ba lisu palek welagarek oba palek mene andi terogo lakfisano o,” iluk yagatikhe.

HOSEA 13:10

Hiren he, Nit ninogogwi raja inom, athe ninogogwi kaindek mene inom ekhe wo'nisan o, iluk kino yaganetigip, A'nogo meneat he, yogondak it mondogat inebe koma werek nogo? Iren he hit holhu mene oma elok telhinabugun nogo?

BILANGAN 16:15

A'nogo isukwama re, at Musa a'mage hokho mene lagasikhesik Tuhan oba ane ikhi logolik he, ”Tuhan iren warogo wokhesi weri'lagwi mene andoma re wanu fugo. An nen afuni it mene nen misik iluk ogo ekhe it inanggele'ma nen weaget fisigi mene ekhe werek lek, nen keledai it mene ogo misik ekhe wanhi legat,” isikhe.

BILANGAN 16:22

A'nogo isikheba nen, Musa Harun emberek inelokhe kweangma sagaumeti logolik mel isukwa, ”Allah nineisena, Haren enek ineluk welagaikharek mene andoma eluk logouwageluk wogisikhi lagen. Ap misigen weak hilingituba re Haren afuni mondogat inoba ha'mage fisa hak nogo?” isukwa.

BILANGAN 16:46

Musa nen Harun yagati logolik, ”Hat weak-weak endu hunduk tembaga mene a'nogo wanimbik mezbah oba nen endu enggen waganogo kwalfembik he dupa amboloba fein. Fembik he, it afuni andi inaweak leget fisoageluk inobaget hilingisin. Tuhan a'mage hokho mene lagagik, nen ou oba tak eroratik ikhenggere weak-weakhogo hilingisin,” iluk yagatikhe.

FILIPI 4:6

Yi mene ti mene faget menenei uan horok ebeti'lek, mondogat faget Allah ayonggo fikhi logolik hai warogo kino yagati logoino.

YAKOBUS 1:5

Menere, at Allah obabut fano nen afuni mondogat endawi logolik wenagisigi'lek wogisikherek andi nen he, hit ekhe hinendawimo kagalek lek mene nen kino yagasumo hinendawinggen kagalek mene wogisagain aro.

1 SAMUEL 10:19

An nen hit yi enggin ti enggin a'nogo hikhi logolik mondok weak were'ma telhinafi lagi meneat he, An nen hit hinoe raja yi logouwak, iluk wenagaisogo wokhisoageluk, An hineisena Allah nebe hinabiren heraknobagagep andi. Halok he, hit hinunggulenu lombok logalhigik, hineisok erokwe lombok logalhigik, An hineisena Tuhan neilhanem andogosi we'ni o, iluk yagahisikhe,” iluk yagaisasikhe.

1 SAMUEL 12:12

A'nogo meneat he, it afuni Amon mene inoe raja Nahas nen hinoasigiluk ugunem hasigipsik he, Allah nit nineisena Tuhan logogin ninabit, iluk herakfisaluk he, mel yaganetigip andi: Nit he ap raja mene nen melalninafu werek aple ninamolo,” iluk yaganetigip.

1 SAMUEL 12:17

O yogondak hibi mondok meneat he, an nen samban oba nineisena Tuhan yagasigin mene onggo re, Aren unggunggu ane pakhogo lakfei wesimbik, meiso pelabi wesigin. A'nogo pelabi wagunem hineilenggen hambik, hiren he, Nit ninoe raja ekhe menfogoin ninamolo, iluk kino yagato a'nogo re weagat hilingitoma higi, iluk futfogoin o,” iluk yagaisasikhe.

1 SAMUEL 12:19

A'nogo inailo hokhorogo agaukwasik, Samuel mel yagatukwa: ”Neisena. Nit ninebe wa'lago hanogo iluk, heisena Tuhan Allahba ayonggo feino. Nit attak weak hilingitugu mene were'ma re, hobuk ninoe raja ekhe menfeinogoluk yagaheto mene andi inomat weak hilingitoma aro, iluk arat futfogo o, neisena,” iluk yagatukwa.

1 SAMUEL 12:23

Nen, an nebe re, hit faget samban igi'lek, nineisena Tuhan ane sagalogo herakfisaluk an weak hilingisigin he, nabiro. At he, hiren yi mene ti mene fano higithogo hilingiti logobagaigiluk an nen wene yagahisugu mondok logogin o.

1 SAMUEL 15:11

”At Saul An hera'nobagaluk wulifesik, An nen, yi'nogo hilingi'no, iluk yagati mene nane hologo hilingiti'lek andi nen, afuni Israel mene inoe raja menfigi andi nambigen e, iluk anggigi o,” iluk yagatikhemo, at Samuel endawimo weak agaikhesik he, hundik-handik nineisena Tuhan oba limamit falogo yagatu mondok welagaikhe.

1 SAMUEL 7:5

A'nogo hilingitunem, at Samuel en he, mel yagaisasikhe: ”Hit hinunggulenu Israel mene mondogat o Mizpa andogosi we'no o. A'nogo andogosi wagunem, an nen hit faget nineisena Tuhan ayonggo fagain o,” iluk yagaisasikhe.