1 SAMUEL 8:19 - Allah Wene Fano Wene Hupla Inane

¹⁹ A'nogo yagaisasikhe meneat he, it afuni inunggulenu andi inaben he, ”Samuel ikhe andi weak ikhe,” iluk herakfisasukwasik he, mel yagatukwa: ”Nit ninoe raja ekhe logogin ninamolo anggogosi'mo re, nit he ninoe raja wo'nisagainaro,” iluk isukwa.

1 SAMUEL 8:19 ပူးပေါင်းရင်းမြစ်များ

2 RAJA-RAJA 21:9

At Manasye nen hilingik oba nen, it afuni Yehuda mene ogo Tuhan ane hologo hilingiti lagaukwa lek. Nen attak he it afuni o Kanaan oba andoma were'ma, Tuhan againafuri omanogo o andoma kwi laga logolik Tuhan en mugisogo wulakfisasikhe mene omanogo nen weak hilingiti lagaukwa mene andi re horok maben hak oba nen he, it Yehuda mene nen hilingiti lagaukwa mene nek he weak mondok hokho mene hilingiti lagaukwa.

MAZMUR 81:11

Hit hinebe o Mesir were'ma nen wokhinarek wulibi wagagi mene, hineisena Tuhan Allah nebe re, An aro. Hit hinamburu nele were'ma re, An nenat nunggu mene wokhisikhi lagagi.

MAZMUR 81:12

Oba nen he, it An nagainafuri omanogo nen he An nane holhu aple inabit welagaukwa. It afuni Israel mene nen he An nane hologo hilingitu aple mondok inabit welagaukwa.

YESAYA 66:4

A'nogo hilingiri'lagwi andi nen he An nen ogo nendawimo nen anggaluk enek hilingisigin. Nen it inoba re yi wene ti wene inailo asu hak mene nek hilingfisagain. A'nogo hilinginabigin andi re An nen wolinafunemen he, iren inane onggo igi'lek, nen An nane ugu kwelek he iren holhi'lek, hilingiti logolik, iren An nane sagalogo fikhi logolik weak mene inamolorogo hilingiri'lagwi andi nen he An nen ogo naniniba hilingisigin o,” ikhe.

YEREMIA 44:16

”Nit he haren Tuhan enu igisogo nit yaganisikhi lagen mene andoma ninesanggo holugun lego.

YEREMIA 7:13

An nen hundik-handik hit hinoba ugu welagiba nen, hiren holhu aple hinabit mondok welagep. Hit he weak mene andoma mondogat hilingiti logolik he, An nen wolhinafunem he hinane onggo igi'lek welagep andi.

YEHEZKIEL 33:31

It inebe felelenghogo andogosi we'luk, it An nagainafuri mene hakhogo haren hane yagaisugu mene omanogo holi'lagwi. Oba nen he, haren yi'nogo ti'nogo hilingi'ni iluk miminginafendek mene omanogo re, iren hologo hilingiri'lagwi lek. It inambeba nen he inendawinggen hundik hilingitarek mene agarek oba nen he, it inendawinggenma nen he, inonggwarek ambisangma helogoin mene faget enek ebeti logoligen hilingiri'lagwi.

ULANGAN 17:14

A'nogo yagaisasikhesik ekhe yagaisikhi logolik, ”Hit ambi kweang hineisena Tuhan Allah nen wokhisasikheba andoma sebeli kwimbik logolik, afuni inunggulenu hit logogun oba andoma hinera'lukwe maserogo welagaikharek mene inogogwi raja werek andoma higit, nirogo raja a'nogo ekhe logoilebe iluk hinendawimo anggogoin logou hak.

1 SAMUEL 12:12

A'nogo meneat he, it afuni Amon mene inoe raja Nahas nen hinoasigiluk ugunem hasigipsik he, Allah nit nineisena Tuhan logogin ninabit, iluk herakfisaluk he, mel yaganetigip andi: Nit he ap raja mene nen melalninafu werek aple ninamolo,” iluk yaganetigip.