1 SAMUEL 8:14 - Allah Wene Fano Wene Hupla Inane

¹⁴ A'nogo hilingiti logolik, aren he hit hineabu mondogat helikhi logolik, hinanggweang anggur yabu inom, zaitun yabu fanoma andoma inom helaluk he at agoromi pegawai faget wogisikhi logogin o.

1 SAMUEL 8:14 ပူးပေါင်းရင်းမြစ်များ

1RAJA-RAJA 21:19

Lambik he, Nineisena Tuhan nen he, wene yi'nogo yagahete ino: Ebe arat watendik he, eabu sebeligilugat higi. A'nogo hilingiten andi nen he, at Nabot amep mene nen melangethigik ninggeba andem he, harogo hamep mene nenat melangethigik nagain aro, iluk yaga'no,” iluk yagatikhe.

1RAJA-RAJA 21:2

A'nogo were'ma, inenggi ekhe sambul he, at Ahab en Nabot oba mel yagatikhe: ”Hat heabu anggur yabu andi, an nawi o a'ma horokhogo hilingi'mo re, an nen yi mene ti mene awi yasigen he, an wo'ne'nogo. A'nogo wo'netunem he, an nen hat heabu andi obali'mo yabu anggur yabu ekhe fano mondok mene wokhesigin o. Ma re haren, yabu nabit. Uang namolo, anggegen halok he, onggo palugun higithogoat wokhesigin o,” iluk yagatikhe.

1RAJA-RAJA 21:7

A'nogo yagatikhemo, at Izebel en he, ”Afuni Israel mene inoe raja re hat lek nogo? Yogondak hebe menlasimbik he, hamburu nan o. An nen at Nabot eabu anggur yabu andi hat wokhesigin andi nen he, hendawimo hagaiyekhogo fanorogo logoino,” iluk yagatikhe.

YEHEZKIEL 46:18

Enu werek agun andi nen he afuni inanggweang mene endebengge ogo ekhe helagain mondok lek. We at onggwarek anggweang mene nek a'logomi amlogomi wogisikhi logogin. Arigini'mo re ap amu mene nen iluk ekhe An nagainafuri mene inanggweang oba andoma nen. ’Wulibi lan,’ iluk inane nen ninghogo yagasikhi logogun mondok lego,” ikhe.

1 SAMUEL 22:7

aren at agoromi sikhe fisogo mene inogogwi perwira omanogo inoba ikhi logolik he, ”Hit afuni Benyamin mene yoma hinesanggo holini! At Daud ikhi lagep mene a'nogo nen he, hit hineabu inom, anggur yabu inom wokhisagain a? Aren he at agoromi tentara faget hit hinebe abirengge kaindek perwira nek logouwageluk menhinobagagik, igin a?

1 SAMUEL 8:13

Nen, hina'logomi re, amusu amben mondok fano mene hilingiti logouwagaluk yagaisigik, sumburu roti mene inom, yi mene ti mene inom, isatik, weratik, ikhi logouwagaluk yagaisigik, ikhi logoginat.

1 SAMUEL 8:15

Nen, hit hineabukwe ekhe inom, anggur yabukwe inom, yi mene ti mene awi yasugun mene enggen hinenggi wenakhaluk, 10 ba asi lagu halok, hokhokwe 9 hit aga logolik, ekhe misik andi at raja faget fisugunem, aren agoromi tentara inogogwi mene inom, agoromi ekhe inom, wogisikhi logogin aro.