1 SAMUEL 7:9 - Allah Wene Fano Wene Hupla Inane

⁹ A'nogo yagatukwa andi nen he, at Samuel en wam domba eak oan mene misik ekhe wanhikhesik he, senggelogo Tuhan endawimo agaiyek hoageluk obaget warogo noletikhe. A'nogo arat noletikhesik he, afuni Israel mene telinabuagaluk Allah ayonggo fesikhemo, ane esanggo holhikhe.

1 SAMUEL 7:9 ပူးပေါင်းရင်းမြစ်များ

MAZMUR 50:15

Hit hinoba enggin-fenggin hikhi logolik he An nenu hombuk palhi logoino, Nen An nen hit hinoba fikhalogo hinobagagunem, hiren An fogetnafi logogun.

MAZMUR 99:6

At againafuri imam he Musa inom, Harun inom, nen at Samuel he Tuhan oba samban ikhi lagaikhe mene. It andem en he Tuhan enu hombuk palhunem, Aren ane onggo yagaisikhi lagaikhe.

YEREMIA 15:1

Tuhan nen an noba ikhi logolik, ”Musa inom Samuel inom ya mendek logolik afuni yi faget hendawirinabin iluk kino yaganesumo mene ogore it inunggulenu yi mene ari An nen nendawirinabu lek hago. An he it kwelagisa re mondok nabit nabi'lagonggere, unggulenu ari mene re hela loakhogo yagaisan o!

ULANGAN 9:26

Neisena Tuhan Allah Esin Lego welagen mene neisena. Hat honggwarek hagainafuri andi it afuni o Mesir mene nen inamingmingengge hangge ferinarek were'ma homame hokho a'nogoba telogo woginarek wulibi wagagin mo re, inebe legetfisagun o.

YAKOBUS 5:16

A'nogo hilingisigin andi nen, hit ekhe hinoba ou mene se asubagaigen he, weak hilingitep mene hit-hit fageti logolik samban ikhi logoino o. It afuni Allah endawimo amolo anggikherek mene higithogo hilingitarek mene nen samban eberogoat ninghogo ugun andi, omame hokho were'ma re, Allah nen hilinghinabigin werego.

HAKIM–HAKIM 6:26

A'nogo hilingfuluk he molulukhogo lakfagain mene andem amboloba re mezbah heisena Tuhan Allah nobaget mondok fanorogo wu'no. Wut fembik he wam sapi ai mene a'nogo ebe abirengge Tuhan nobaget nolnetu mene iluk nolne'no, e timuk liabek mene kembu Dewi Asyera alik waganek mene haren mululukhogo lakfisagain mene andi re, e nolhu mene faget wurogo nolino,” iluk yagatikhe.

HAKIM–HAKIM 6:28

A'nogo hilingitikhemo afuni o kota andoma mene hubet ineluk agaukwasik kwelakhasukwa re Baal faget mezbah a'nogo inom kembu he Dewi Asyera ilirengge hilingik mene mendek a'nogo inom mondogat talorogo wengik were'ma re, obali'mo andem no mezbah misik ekhe wuri'mo re sapi ai mene Tuhan endawimo agaiyek hoageluk warogo nolhikhemo welagaikhe.

1 SAMUEL 10:8

An nebe wesimbigen he, wam Allah faget warogo noletik, Allah ninom hobuk lambulninabuagaluk waretik, haren hilingisigin mene yagahetik, igiluk wesiginmo re, hat o Gilgal lambik an ye'narek henggi 7 nen logoino o,” iluk yagatikhe.

1 SAMUEL 12:17

O yogondak hibi mondok meneat he, an nen samban oba nineisena Tuhan yagasigin mene onggo re, Aren unggunggu ane pakhogo lakfei wesimbik, meiso pelabi wesigin. A'nogo pelabi wagunem hineilenggen hambik, hiren he, Nit ninoe raja ekhe menfogoin ninamolo, iluk kino yagato a'nogo re weagat hilingitoma higi, iluk futfogoin o,” iluk yagaisasikhe.

1 SAMUEL 16:2

A'nogo yagatikhemo, at Samuel en he, ”An lambik ninggi'nogo hilingisigin? An nen a'nogo hilingitunem, at Saul esanggo holimbik he, nebe noasigin a?” iluk heinok wokhasikhemo, Tuhan nen he mel isikhe, ”Haren wam sapi eak oan mene waluk lambik he, afuni yi'nogo yagaisano: an wam nineisena Tuhan faget warogo nolesigiluk wagi o, iluk yagaisano.

1 SAMUEL 2:35

It a'nogo wa'lasumo nen enek he, ap hunogoat mene ebe An eisewerek logolik, obabut hombunhogo An noba lomboksek logolik, An nen, yi'nogo hilingi'no, iluk yagatunem nane hologo hilingiti logogin mene ekhe wenagaisogo menfagain o. A'nogo menfembik, aren tagomangge mene inebe An eisewerek logolik, ap kaindek inenupogot An nen wenagaisogo menfisagain mene ineilhanem An faget hilingiti logouwageluk eisewerek fisagain o.

1 SAMUEL 7:17

A'nogo hilingiti la'luk ambotkwe aiba o Rama waga lagaikhe. Andoma logolik, aren afuni Israel mene yi wene ti wene inoba were'ma pilingisogo legetfikhi logolik, wam Tuhan faget warogo noleti logogun oba obalik Mezba ekhe wutikheat.

1 SAMUEL 9:12

A'nogo yagaisasukwama, it helime silerik omanogo nen he, ”At he, werek. We yogondak yaat hinelokhoma porem lili'lago. Hit weak-weak logoin halok he ebe mukha logoin. Yogondak afuni inobaget punuba andoma mezba oba wam warogo nolugun nen he we yogondagat waga o, at o kota yogondagat kwikhesik werek enggere hinom ambi asugun. Wam Allah faget warogo nolesugun mene andi oan Allah nen fanot fouwagaluk ayonggo figi'le'ma re, afuni inayonggo fogoin mene andoma inambengge ekhe nogoin lek andi nen, attak o kota kwikhe o. Halok he, yogondak yaat sumburu nageluk tom oba oan lagagi'le'ma ambi asi lani o,” iluk yagaisasukwa.