1 SAMUEL 7:6 - Allah Wene Fano Wene Hupla Inane

⁶ A'nogo yagaisasikhemo, it inebe mondogat o Mizpa andoma andogotukwa. Andogotukwasik, yi mene ti mene nineisena Tuhan wogosu hak, i hinatukwasik he, at eilhanem kweisalogo lakfesukwasik, andi sambul lingge misik inukhogo sumburu ninggi'lek sambanat ugu mondok logolik, mel isukwa: ”Nit nineisena Tuhan ane sagalogo weak hilingito o,” iluk fageti lagaukwa. (O Mizpa andoma nen at Samuel en afuni Israel mene yi wene ti wene minggilik awene inoba welagaikhe mene eroba nen pilingisogo legetfikhi lagaikhe.)

1 SAMUEL 7:6 ပူးပေါင်းရင်းမြစ်များ

KEJADIAN 31:49

A'nogo hilingitukwasik nekhengge at Laban en Yakub yagati logolik, ”Nit ninebe yat-yat werek kwelek at nineisena Tuhan nen enek eil kwelakninarek logouwak,” isukwama, obalik aremnogo enu ekhe Mizpa salhukwa.

2 SAMUEL 14:14

Nit ninebe mondogat he i kweangma kweisalisaluk nekhengge andogosu lek a'nogo hak hilingi'mo re, ninebe mondogat he wa'lasugun enek, nen Allah nen ogore ap mondogat wa'lagu mene hobuk ineluget fou lek hak. Arigini'mo re noe haren ap longgo i lagaikha mene omanogo nekhengge inambotkwe inaiba wesuageluk ebesin.

1RAJA-RAJA 8:47

iren Hat kino yagahetunem, inane hesanggo holhi logoino o, neisena. O it hele warogo woginarek logoin oba andoma logolik, iren he, nit Allah ane sagalogo hilingito andi weagat hilingito, iluk inobabut hebela'luk kino yagahetu halok, inane hesanggo holhi logoino o, Tuhan neisena.

1 TAWARIKH 11:18

A'nogo ugunem holhukwasik he, it ap sikhe fisogo mene inogogwi perwira henagan aremnogo re sorogo it Filistin inap inawi sabu salogo welagaukwa kwe a'nogo nen he i mogo a'nogoba hinasi lagaukwasik waluk Daud wogosi wagaukwa. Wogosi wagaukwama nen he at Daud en ninggi'legengge Tuhan obaget hilingiti lagi iluk he kweisalisasikhe.

2 TAWARIKH 20:3

A'nogo yagasi lagaikhemo re at Yosafat a'nogo endawimo ailo agaikhesik he, Tuhan nen yi'nogo hilingisin yaganesuageluk samban isikhe. Andi nen it afuni mondogat a'nogo sumburu ninggik legengge inambe heang logouwageluk yagaisasikhe.

NEHEMIA 9:27

A'nogo hilingiti lagaukwa andi nen, haren he, inebe it inaselei mene inomame a'ma ferinarek logolik, yi enggin ti enggin inoba fugu mondok logouwagaluk inenggiba fisikhi lagagin. A'nogo fisugunem, yi enggin ti enggin hokhorogo hugu mondok logolik, haren telinabuagaluk inane hokhorogo hayonggo fikhi lagaukwa. A'nogo fugunem hat hebe pogoroba nen hendawirinabluk he, inane hesanggo holfuluk hobugalep telinafi lagagin andi, neisena. Inane a'nogo ugunem hesanggo holfuluk, it inaselei mene nen ferinarek were'ma telinabuageluk inogogwi kaindek inayonggo fuluk inoba lakfisa waga lagagin.

AYUB 16:20

An nagaila'lagen noba weagerogo puliap nobagakhi logolik endo ya'nafunem he, le yakhikhi logolik At Allah nen lebetneoageluk oba yagati lagi.

AYUB 3:24

An namburu na hak he, Eige, iluk heinet watu mondok welagik, i lagu mondok welagarek andi hak, nendawi ane ugu mondok welagik, igirek andi.

AYUB 33:27

Andiba re afuni hokhorogo inelokhoma nen aren ikhi logolik he, ”Mondok weak mene faget an nen fano mene anggikhi lagimo re naweak hokho mene werego. Ariginik kwelek oba nen he At Allah nen he an unggum wo'nete lek,” iluk igin.

AYUB 42:6

Andi nen he, an nane igi mene mondogat nendawimo ebethaluk he, nenggali ari'lago. An nendawimo nen he, Nane weak igimo, iluk anggigirik he, nebe kweang alolongengge oba inom, wul oba inom hurek welagi o, neisena,” iluk yagatikhe.

MAZMUR 106:6

It ninambu ninombalagen hilingiti lagaukwa higithogo nit mondogat weak hilingito, niren he mondok kwanirogo nek hilingitik, Hat hawene melalek sagalogo hilingitik, ogo.

MAZMUR 119:136

Afuni nen Hat hawene melalek andi hologo higithogo hilingiri'lagwi lek andi nen he, an neil amusu i hut hakhogo pialuk pili'lago o.

MAZMUR 42:3

An he Allah heluk welagen mene nendawinggen nunggunem Hoba eberek welagi o. Mera nen an Hat haiba wesimbik Hat hobaget hilingisigin nogo?

MAZMUR 6:6

A'nogo hilingnabigin andi re ap wa'la'luk lagaikharek oba andoma nen he Hat hoba ekhe ebet heogoin lego, nen, ap fili salfisagarek oba andoma nen ogore afuni nen ekhe Hat fogethabugun legaro.

MAZMUR 62:8

At andi re Allah an nagap telogo nobagagik, legeisogo nobagagik, hilingiterek mene a'nogo o, Allah ebe helep tom hakhogo omamerogo fetnarek welagik, an awe a'ma telogo nobagagik ikherek menere At amu nek werego.

YEREMIA 31:19

Niren Hat herakhobagaluk mondogat wilifugu meneba nen Haren komotninafi lagen andiba re, niren hilingito mene andi faget ninendawimo warikhi lago. Haren nit unggum wo'nisegenma re nit ninendawinggen heiselhu nen ninunggul wamborogo welago. Nit ninebe alageba nenat weak hilingiti lagoma re, nit ninenggali nen sebel fakhogosik welago o, nineisena,” ugunem holhi.

YEREMIA 36:9

At Yoyakim raja Yehuda ba menlagaikhesik ferinarek were'ma nen enek he tahun fuabengge tugi sogo meneba werek kwelek, afuni omanogo Tuhan nen endawi hundik hilinginabuageluk he sumburu ninggi'lek welagaukwa. Afuni Yehuda mene inom, afuni o kota-kota amukwe mene wagaukwa mene omanogo inom inebe mondogat he inambe heang fesukwasik welagaukwa.

YEREMIA 9:1

An nunggul yire i mogo ambe hoporogo yenggele'ma hak hilingik logoumo nen, neilenggen he i su'lenggeba sulhogo lagu mondok welagarek hak hilingik logoumo nen he mondok fano agwi! Ariginik logumo nen he ap an nunggulenu mene selei mene nen inoata mene andoma inobaget neil amusu pelafi logolik li le aga logoile mene ago.

RATAPAN 2:11

An le palfigi'lek le agu mondok were'ma nen enek he neil mondogat fite, nendawinggen selekwe potunem nagupsak enek agama welagi. It inunggulenu mene omanogo wolelenggenhogo pelakfisilik lagunem he, yenggerugwi magendek mene inom, omalik fou mene inom he o kota ebekhe kwe omanogo inafekwe mo'luk ineil furuk fugunem nendawinggen mondogat warikhi lagi.

RATAPAN 3:49

An he palfigi'lek le agu mondok were'ma nen,

RATAPAN 5:16

Nit ninamolo hikhi lago mene omanogo re mondogat lek aga, nit weak hilingitoba re mondogat alomat lago.

YEHEZKIEL 20:4

Afuni wa'lagaikharek mene yi re, it inawene ayo wurogo pilinginabinogen he mondogat fikfouksek welagen a? A'nogo welagen halok he yogondagat hilingisin o. Haren it inoba inombawi lagen yi weak ti weak elo'lek mene hokhorogo hilingiti lagukwa mene omanogo faget eberisano.

HOSEA 5:1

Tuhan nen ikhi logolik, ”Hit ap an eisewerek welagep mene yi inom, hit afuni Israel mene mondogat inom, hit afuni ap inenupogoren tagomangge mene yi inom, hinesanggo fanorogo holini o, hiren he it ekhe wene inoba figik, kotik, higithogo u werek kwelegat he, o Mizpa nen paik ke'noguageluk hele figik, o tom Tabor oba nen ikan kwalasuageluk su webet figik, o Sitim kweang uanhogo habuli'mo puageluk fougetik, egepma werek andi hak, it ekhe weak asuageluk hilingiti lagep andi nen he, An nen wene hit mondogat hinoba fagain o.

YOEL 2:12

A'nogo yagaisasigimo, Tuhan nen ekhe mel isikhe: ”Andiba nen, yogondak he hinendawinggen oba nenat hinambotkwe noba we'ni o. A'nogo wesimbik sumburu ninggi'lek logolik, samban igik, le agik, ikhi logoni o.

IMAMAT 16:29

At Allah nen a'nogo yagatikhesik, ekhe mel yaga'no isikhe: ”O tugi hinenggi wenati logolik, tugi 7 mene tanggal andiba re, An nonggwarek nawi andi nen he, afuni Israel mene inom, afuni endakwe mene it inaiba welagaikharek mene inomen he, sumburu ninggi'lek logolik, inenggingge ekhe wanhi logogun mondok lego. O andi sambul he, afuni Israel mene inebe fano inoba horek logouwageluk, it weak hilingita mene mondogat andi An nen horogo legetfisoageluk a'nogo hilingiti logouwak. Hilingiti logogun mene wene palogo figi andi hologo higithogo hilingitu mondok logouwago.

IMAMAT 26:40

Oba nen he it hinombawi nen inom, nen hiren inom, An nane sagalogo fuluk hilingiti lagep mene andoma hiren inom, nen hiren tagomangge mene nen inom hinaweak fagetu halok,

LUKAS 15:18

Halok, an hobuk yoma nen neisena oba lambik he, mel yagasigin: Neisena! At Allah pogoroba mene andi inom, hat inom, hineil salogo weak mondok hilingitimo o.

HAKIM–HAKIM 10:10

A'nogo hikhi logolik he, iren Tuhan oba inane kweti logolik, yi'nogo isukwa, ”Nineisena Allah, niren tugwi kembu Baal oba apne wanhi logolik, Hat hane holfigi'legengge hilingitoba, niren Hat helokhoma weak hilingito,” iluk yagatukwa.

HAKIM–HAKIM 10:15

Oba nen he it afuni Israel mene nen Tuhan oba ikhi logolik he, ”Tuhan, nit mondogat weak hilingitoma re, Hat hendawimo hilingisigin hamolo anggegen mene andiat hilingisin. We nit he yogondak yi sambul haren lebetninabigin andiaro,” iluk isukwa.

HAKIM–HAKIM 2:4

A'nogo yagaisasikhemo at malaikat Tuhan nen wene andi arat yagaisasikhemo re, it afuni Israel mene inebe mondogat inane hokhorogo le agaukwa.

HAKIM–HAKIM 20:26

Andiba re it Israel inap a'nogo nekhengge o Betel lagaukwasik Tuhan oba le asi lagaukwa. Andoma nen he it inebe sumburu ninggi'lek heang werek kwelek enek he o hubagaikhe. Nen, iren wam Tuhan nen fanot ninobagauwageluk warogo nolhu mene inom, wam Tuhan ninom sebesugun iluk warogo wogetu mene inom wogetukwa.

HAKIM–HAKIM 3:10

Tuhan Areagun Otniel oba louk isikhemo re, at Otniel it Israel inap wene melalinafu mene agaikhe. Aren weim yabi lagaikhe mene re, ap raja Mesopotamia agun andiba nen Tuhan nen at omamet fesikhe.

1 SAMUEL 1:15

A'nogo yagatikhe meneat he, at Hana nen mel yagatikhe, ”Neisena. An anggur amusu ninggi'legat. Nen, lugulugwi paluogeluk nenggarek mene ekhe ninggi'legaro. We, an nendawimo mondok weak logolik, nendawinggen warikhi lagi mene andi mondogat pilingisogo nineisena Tuhan yagati lagi o, neisena.

1 SAMUEL 10:17

A'nogo isukwasik oba nen, at Samuel en afuni Israel mene mondogat o Mizpa andogosi wesuagaluk wolisasikhemo wagaukwama re, yi'nogo yagaisasikhe:

1 SAMUEL 12:10

A'nogo herakfisasikhemo, it weak hilingitukwa mene nineisena Tuhan fakhogo yagatukwasik, Allah ayonggo fikhi logolik mel yagatukwa: ”Nit hat herakfagaluk wulifosik tugwi kembu Baal mene inom, Dewa Asytoret inom, fogerato andi re, weagat hilingito o, nineisena. Weak a'nogo hilingito meneat he, nit ninaselei mene nen ninoasinogo iluk telninabino o, nineisena. Telninafen halok, nit Hat hamu hobaget enek hilingiti logogun o,” iluk yagatukwa andi.

1 SAMUEL 7:15

A'nogo werek kwelek enek, at Samuel ebe eluk logolik aren mondok ferinarek welagaikhe.