1 SAMUEL 7:12 - Allah Wene Fano Wene Hupla Inane

¹² A'nogo hilingitukwasik, at Samuel en helep ekhe o Mizpa honggolek Sen honggolek tulem andoma menegeisogo fesikhe. A'nogo menegeisogo fesikhesik he, mel isikhe: ”Nineisena Tuhan nen yaba elok lebetnisikhe,” isikhesik he, helep a'nogo enu, Lebetnisikhe helep u hak, Eben-Haezer salhikhe.

1 SAMUEL 7:12 ပူးပေါင်းရင်းမြစ်များ

KEJADIAN 22:14

A'nogo noletikhesik, o andoma enu re, mel salhikhe: ”Nineisena Tuhan nen, afuni yi mene ti mene le'ma wogisikherek oba,” iluk enu salhikhe. A'nogo salhikhe andi nen, huli yogondagen ogo re, ”Nineisena andom oba afuni yi mene ti mene le'ma wogisikherek oba,” iluk agaregat.

KEJADIAN 35:14

A'nogo lagaikhemo at Allah nen Yakub wene yagatikheba aremnogo helep misik inendawinggen ebetikhi logouwageluk menfesikhe. Menfesikhesik helep a'nogo Allah faget fesikhesik amboloba re anggur agai inom, zaitun amusu inom kweisalhikhe.

MAZMUR 71:17

Neisena Allah, an nebe sougeba nen engge Harenat yanggulnafi lagen, yogondak huli nen enggere Haren yi mene ti mene hokhorogo walhogo fesiginmo mondok nik polanhogo hilingik mene andi faget hundik-handik tindelhu welagirego.

MAZMUR 71:6

An nebe ta'lagagi huli nen engge re Hat henggi agut obaat fetnarek welagen o, an nebe neluk logolik oba re nendawinggen Hat hoba himbirik logolik he, Hat enek hundik-handik fogethafu welagirego.

KELUARAN 17:15

A'nogo yagatikhemo, at Musa nen yi mene ti mene Allah faget warogo loleti logogun oba mezbah ekhe wutikhesik enu mel salhikhe: ”An namboksu bendera liabek he, Neisena Tuhan hebe aro,” iluk salhikhe.

YESAYA 19:19

Andem sambul he, o Mesir andi eroma andoma re Tuhan obaget mezbah misik ekhe logogin, nen kweang huli-hulimo andoma re, helep mendek mene misik ekhe Tuhan obaget enogo logogin.

KISAH PARA RASUL 26:22

Noasuogeluk isukwa meneat he, Allah nen fetnarek mondok were'ma, an yogondak yoma mendek logolik hit ap kaindek inom, hinagoromi inom, wene an nen yagahisikhi lagi yi. Wene yi re, attagaren, it ap Allah ane yagaisikhi lagaukwa mene nen inom, at Musa nen inom, hobuk yi'nogo hilinglasigin, iluk isukwa meneat yagahisikhi lagi o.

2 KORINTUS 1:10

Nit ninebe mondogat ninoasugun iluk anggasugusi'mo nen, at Allah nenat telninafikhesik he hobuk telninabigin aro. Nit faget hit ninomat samban ikhi lago a'nogoba, hobuk telninafo logogin aro, iluk he ninendawinggen at oba himbiret fuluk welago. Hiren, nit faget samban ugu mondok logogun andiba, at Allah obabut fano nen nit telninafunem he, it afuni ekhe hokhorogoaren ineilenggen nisambik Allah hai wasugun aro.

YOSUA 4:9

I Yordan ima enggen tulem andoma ogo re, at Yosua nen helep ebe 12 nenat ap imam peti Wene Warogo Allah nen wo'ninafikhe iluk hilingik a'nogo wanhukwasik mendek welagaukwaba andomaat som wurogo fesikhe. Helep wurogo fesikhe mene andi huli yogondagen weregat.

1 SAMUEL 14:35

A'nogo senggelhukwama, at Saul en wam, yi mene ti mene nineisena Tuhan faget noleti logogun oba mezbah attak-attak wutikhe andi.

1 SAMUEL 4:1

At Samuel ane it Israel mene mondogat a'nogo yagaisikhi lagaikhe andem sambul he, ap Filistin mene nen afuni Israel mene inom weim yabuogeluk inagoromi tentara mene mondogat esa logalogo wagaukwa. A'nogo wagaukwa andi nen, ap tentara Israel mene inebe weim yafarek oba lagaukwasik, it ap tentara Filistin mene o tenda meneba o Afek andoma wutukwasik werek kwelek, it ap tentara Israel mene o su mene o Eben-Haezer andoma era'lu horokhogo wutukwa.

1 SAMUEL 5:1

Afuni Filistin mene nen Peti Wene Warogo Allah nen wo'ninafikhe, iluk hilingik a'nogo telogo waluk o Eben-Haezer en he, it inawi kota enu Asdod andoma fei lagaukwa.

1 SAMUEL 7:11

A'nogo lagunem, ap Israel mene o Mizpa nen wulifukwasik he, it ap Filistin mene muginarek inoarik-inoarik huli o yatmaat Bet-Kar horokhogo fisa lagaukwa.