1 SAMUEL 6:6 - Allah Wene Fano Wene Hupla Inane

⁶ Afuni Mesir mene inoe raja inom inungguloak helep hangge a'luk hilingiti lagaukwa andi hak nenahalok hilingiti logogun nogo? It a'nogo hilingiti lagaukwama, Allah nen it lal-falhogo hilinginafikhesik, it afuni Israel mene o Mesir herakfuluk wulibi wesuageluk herakfisasikhe a'nogo hinendawimo ebe'ni o.

1 SAMUEL 6:6 ပူးပေါင်းရင်းမြစ်များ

AYUB 9:4

At Allah andi re hebelek mondok logolik along werek agun hilingi'mo re, ap sa hagen, At ane sagalogo fulugen eluk mondok logou hak nogo?

MAZMUR 95:8

inungguloak haro logolik Allah ane ninabit iluk, Allah obaharo asuageluk hundik-handik obabut palhi lagaukwa hak he, yogondak Allah nen wene yagahisugunem laga logolik he: ”Ninabit iluk hinendawinggen omame aguba.”

KELUARAN 10:3

A'nogo yagatikhemo, at Musa Harun emberek raja oba lagaukwasik he, mel yagatukwa: ”It afuni Ibrani mene ineisena Tuhan Allah nen he, mel ikhe: Hat An nawe a'ma soma iluk werek aple habit andi huli ki huli nen logogin nogo? Haren An nagainafuri foge'nabi loageluk lakfisano o.

KELUARAN 14:17

An nen afuni Mesir mene inendawinggen helep hangge hilingisogo fisamo re, mukhinarek mondok wagunem An nomame raja Mesir mene ebe inom, agoromi inom, tentara esa logalek inom, inangge kuda inom, ap kereta waluk wesugun mene inom, inugisikhi logolik ekhe hilinginabigin werego.

KELUARAN 14:23

Wagaukwama, afuni Mesir mene wam kuda inom, kereta inom, oba lagasukwasik, afuni Israel mene muginarek inombo'ne mondok i yenggelek a'nogo enggen tulem ki wagaukwa.

KELUARAN 4:21

Tuhan en he, Musa mel yagatikhe: ”Haren afuni futfugungge elalin mene hilingiti logoinogen iluk An nen nomame wokheti andi mondogat raja Firaun andi eilhanem hilingisi lano o. A'nogo hilingisi lagain meneat he, An nen at endawinggen haro mene hilingfagain andi nen, aren futfuluk afuni Israel mene lani iluk yagaisagain lego.

KELUARAN 7:13

A'nogo hilinglagaikhe meneat he, At Tuhan nen he: ”Hit a'nogo hilingisugun meneat he, at raja endawinggen mondok haro asimbik, hit hinane esanggo holhi'lek herakfisikhi logogin o,” iluk yagaisasikhe higithogoat hilinglagaikhe andi.

KELUARAN 7:14

Hobuk At Tuhan nen he, Musa mel yagatikhe: ”At raja Firaun andi nen endawinggen mondok haro asimbik, afuni Israel mene lani iluk, yagaisi'lago mondok lek andi o.

KELUARAN 8:15

Yagaise a'nogo wa'lagaikhemo, at raja eilenggen hasikhe meneat he, endawinggen mondok haro agaikhesik, At Tuhan nen isikhe higithogoat Musa Harun emberek ugunem inane hologo hilingiti'lek herakfisasikhe.

KELUARAN 8:32

A'nogo hilinglagaikhe meneat he, at raja endawinggen mondok haro agaikhesik afuni Israel mene, lani, iluk yagaisigi'lek kamo isikheat.

KELUARAN 9:16

A'nogo meneat he, yi mene ti mene inugisagarek andi hak, An nomame hoageluk, An nenu o yi awi ti awi loageluk, hinebe mondok hinoati'lek herakhinobagagi andi o.

KELUARAN 9:34

A'nogo hilingitunem, at raja a'nogo eilenggen hasikhesigat he, weak hilingitikheat. Agoromi inomat inendawinggen mondok haroat agaukwasik,

ROMA 2:5

Inane hologo hinobabut hebelhi'lek yi ri! O wurep oba Allah a'mage lagambik he, afuni inebe lombok inobabut hilingitarek higithogoat, weinamat wene inoba figik, kotik, igin andi sambul, hit wene hinoba fouwageluk hinonggwaregen wene hinoba fakhugu mondok welagep yi ri!

IBRANI 3:13

Hit ekhe weak hilingiti logolik hinonggwarek lalogo hinendawinggen omame asinogo iluk Allah aneba, ”O yogondak yaba,” iluk isikhe andi lek agi'lek werek kwelek, hit-hit hundik-handik hinendawinggen ago wat-wat ikhi logoino o.