1 SAMUEL 6:3 - Allah Wene Fano Wene Hupla Inane

³ iren ikhi logolik he, ”Peti Wene Warogo Allah nen afuni Israel mene woginafikhe iluk hilingik mene andi, hiren weat lakfogoin mondok lego. We, nit weak hilingito, iluk onggo palogo yi mene ti mene ekhe inom hogo lakfogoin o. A'nogo lakfogoin halok, hit hinebene tuk-tugenggerik laga mene andi lek asuageluk hilinghinabigin o. A'nogo hilinghinafunem, hiren he, afuni Israel mene ineisena Allah nen nit wene ninoba filik wagasik mondok werek andi, ero andi nen higi, iluk hinelu asugun aro,” iluk yagaisasukwa.

1 SAMUEL 6:3 ပူးပေါင်းရင်းမြစ်များ

AYUB 10:2

Neisena Allah, Haren an weagerogo nobagau fuk. At he ero yi faget hat ninom weim palek logolik hilinghafi lagi iluk weinamhogo yaganom.

KELUARAN 23:15

Tugi Abib andi oba re, huli warek werek higithogo hiren Roti Fiterek Lek mene, Linggene Esin mene An nen hilingiti logouwageluk melalhinobagasigi higithogo seni isati logogun andi, ero re tugi andiba hit o Mesir herakfuluk wulibi wagagip andiba re a'nogo hilingiti logogun. Hiren hinenggi sabiren andem oba An napne wanhi logolik roti fiterek meneba weragongge ninggi lagou fuk. Nen hiren An were'ma andogosi waga logolik he, hundik-handik andoma An nobaget fugu meneet waluk waga logoino.

KELUARAN 34:20

A'nogo meneat he, hinanggo keledai holou mene nen eak tasigin mene andi hit hinonggwarek helikhi logolik he, obulu'mo domba eak halok An nobaget nobagagu nogo o. A'nogo meneat he, hit hinonggwarek helogoin hinabit halok he, keledai andi ot komukhogo wasugun o. Nen, hinagainafuri ap manggusa mene inebe lombok inobali'mo ekhe mene kwelafi logolik hinonggwarek hinambotkwe helogoin aro. Nen, sa nen yi mene ti mene An wo'nesigin mene ekhe waluk wesigin lek halok he, An noba wesinogo.

KELUARAN 8:15

Yagaise a'nogo wa'lagaikhemo, at raja eilenggen hasikhe meneat he, endawinggen mondok haro agaikhesik, At Tuhan nen isikhe higithogoat Musa Harun emberek ugunem inane hologo hilingiti'lek herakfisasikhe.

IMAMAT 5:6

Nen, at aweak hilingisigin mene a'nogo leget fouwageluk onggo re aren wam domba ogo, kambing ogo, he mene halok misik ekhe waluk wagunem, it ap imam omanogo nen ap a'nogo aweak lek hilingisogo fouwageluk wam a'nogo warogo Tuhan wogeti logogun.

IMAMAT 6:6

At hilingitu mene faget obali'mo iluk warogo fikhi logolik halok he, domba ogo kambing ogo ai mene oba nen agambut palek lek mene onggo Tuhan Awi Sabu sale'ma werek mene higithogo nek fei waga logogun.

ULANGAN 16:16

Hit afuni Israel mene nen ap mene nek mondogat he tahun misik hinenggi henagan oba obalik At hineisena Tuhan Allah nen wenagaisogo fikheba omanogo At ebe fogerasugun iluk waga logogun. Waga logogun mene andi re, ekhe Linggene Paskah faget a'nogo ebetu sambul, ekhe Linggene Enggen Palek a'nogo ebetu sambul, nen ekhe re Linggene O Sabu a'nogo faget ebetu sambul waga logolik, ap inebe lombogen obaget fugu mene iluk,

1 SAMUEL 5:11

A'nogo isukwasik he, inogogwi kaindek omanogo andogosi wesuagaluk inayonggo fesukwama, wagaukwama re, mel yagaisasukwa: ”Nit ninebe inom, ninagainafuri inom, ninoasinogo iluk, afuni Israel mene ineisena nen Peti Wene Warogo woginafikhe, iluk hilingik mene andi, attak welagaikheba ambotkwe lakfeino o,” iluk yagaisasukwa. A'nogo yagaisasukwa hak he, Allah nen afuni o kota andoma welagaikharek mene omanogo mondogat wene weak mene inoba fesikhemo re, inane mondok hokhorogo sagalik lagaukwa.

1 SAMUEL 5:7

A'nogo fesikhemo inebene a'nogo agunem hasukwasik, mel isukwa: ”Afuni Israel mene ineisena Allah nen nit ninebe inom, ninandugwi kembu Dagon inom, wene enggin mene ninoba fikhe o. Andi nen he, Peti Wene Warogo Aren woginafikhe iluk hilingik mene andi o yoma aninurogo fisogo logogun mondok lego,” iluk isukwa.

1 SAMUEL 5:9

A'nogo fei lagaukwa meneat he, peti a'nogo o andoma fei lagu kwelek inenggi andibaat, nineisena Tuhan nen afuni o kota andoma mene wene inoba fesikhesik, yenggerugwi inom, inaluendek inom, mondogat inebene tuk-tugengge hilinglasuageluk inoba fesikhe, a'nogo fugunem inailo nen inane mondok hokhorogo sagalik lagaukwa.

1 SAMUEL 6:8

A'nogo kwelakfisambik hobuk he, Peti Wene Warogo afuni Israel mene ineisena Tuhan nen woginafikhe iluk hilingik mene andi kereta a'nogoba liak fembik he, era'lu re, nit weak hilingito iluk onggo emas mene hilingik Allah faget fisogoin mene andi, peti ekhe hilingisogo elema kwelagaisogo fuluk, era'lu liakfeino o. A'nogo liak foumo, wam sapi andemen lisogo erabisak waluk loago.

1 SAMUEL 6:9

A'nogo lagu kwelek hineil wanino o. A'nogo hineil wanhunem, peti andi waluk aiba o kota Bet-Semes higit pikhit lagu halok he, wene mondok weak mene andi afuni Israel mene ineisena Allah nenat ninoba lakfei wagama higi, iluk futfogoin o. A'nogo meneat he, kwe amukwe kwanirogo lagu halok he, wene andi Allah nen ninoba lakfei wagi'lek, we, erabisagat ninoba agama, iluk nit futfogoin aro,” iluk yagaisasukwa.