1 SAMUEL 6:17 - Allah Wene Fano Wene Hupla Inane

^17-18 Afuni Filistin mene o kota 5 nen were'ma inogogwi raja inebe 5 nenat ferinarek welagaikharek mene higithogoat, it weak hilingitukwa mene faget onggo palogo Tuhan faget fesukwasik a'nogo lakfei wagaukwa andi. O kota andoma enu re, yi: Asdod inom, Gaza inom, Askelon inom, Gat inom, Ekron inom. O kota andem fenakwe re, leget pa'leget helep mene wurik, nen, fenakwe re, wuri'lek. O kota ebe lombok andoma nen he inebene tugetikhe mene andi faget emas alik waganek misiktek higik, ekhe re inebene tugetikhe mene alik waganek, nen, ekhe re wusikham alik waganek lakfei wagaukwa. Wene andi faget, Allah nen Peti Wene Warogo wo'ninafikhe iluk hilingik a'nogo helep hokho mene andiba liakfesukwa, helep andiba inendawi wenggelogo welagaikharegat andi. Nen helep andi huli yogondak ogore, ap Yosua aiba Bet-Semes mene eabumo andemat werek.

1 SAMUEL 6:17 ပူးပေါင်းရင်းမြစ်များ

2 SAMUEL 1:20

It afuni Gat mene re wene andi inesanggo holinogo o, It afuni Askelon mene kwe endepkwe esanggokwe werek mene andoma Wene andi faget ineluet feinogo, Hemi Filistin mene inesanggo holimbik he, wonoget fakhanogo o. Allah ane inonggot mene nen, inanggiluk kwelagaisogo inagaiyek esinogo o.

2 SAMUEL 21:22

At Daud agoromi inomen ap inebe 4 en inoatukwa mene andem he, it ap inoagese uan mene o Gat inap omanogo inambisangma mene inoatukwa.

2 RAJA-RAJA 1:2

Linggene misik sambul he raja Israel mene Ahazia a'nogo awi Samaria ebe werek oba solombon huli ambolkwe meneba nen e agorek mene taganhogo pule pikhi logolik watikhemo re, at ebe enggin tung isikhe. A'nogo watikhemo re, at ebe fano asigin a, lega, iluk he it afuni Filistin mene inanggembu enu Baal-Zebub o kota Ekron omanogo were'ma heinok wani loageluk ap ekhe lakfisasikhe.

2 TAWARIKH 26:6

At Uzia nen he it ap Filistin inap inom, weim yabi lagaukwasik he, aren o kota Gat, Yabne, Asdod inom, leget pa' leget omamerogo waganek welagaikhe mene omanogo meisak-langkukhogo lakfisasikhe, aren hobuk he o kota-kota andoma mondok ning maniberogo o Asdod horokhogo andoma inom, o it afuni Filistin mene werekwe alekwe andoma inom wutikhe.

IMAMAT 5:7

Oba nen he, ap weak hilingisigin mene a'nogo nen aweak leget fouwageluk anggo domba inom, kambing inom, mondogat lek halok he, aren sue muluk agun agwe wuthogo inom, nen sue abiang hak mene eil kuluk mene waluk we'luk he, misik ekhe re aweak leget fugu mene faget, nen misik ekhere warogo nolhuba andoma nolhu mene faget, waluk waga logogun.

AMOS 1:6

Tuhan nen ikhi logolik he: ”It afuni o Gaza werek mene nen he hundik-handik weak enek hilingitu weregen he, ibi-eberogo nen An nen unggum inoba fagain o. Iren he afuni inunggulenu misik mene ekhe inebe felelenghogo woginarek lagaikhasik he inamingmingengge mene hakhogo afuni Edom mene inoba onggo palaga.

AMOS 6:2

Hit hinebe o Kalne andoma hineilenggen halano o. Laluk pikhit he o kota hokho mene Hamat oba andoma lambik he, o kota Gad afuni Filsitin mene inaiba andoma lano. Hiren anggikhi logolik o kerajaan Yehuda oba inom, Israel oba inomen he o kota-kota andoma nek he fano anggikhi logolik hilingiti lageba? Nen wilayah iren mene re hokho nen nit mene re endep hangge anggikhi lageba?

ULANGAN 28:27

At Tuhan nen afuni Mesir mene inoba hilingfesikhe higithogo hit hinoba ogore pot enggin mene hilinghinobagagin aro. A'nogo hilinghinobagaumo hinagap oba purak inom, kilip-kilibengge mene inom, agal-agalengge mene inom obat mondok lek mene hinoba asigin.

HAKIM–HAKIM 1:18

Tuhan nen ap Yehuda mene leberinafu kwelek a'luk he, iren o tomkwe werek mene omanogo sebelik lagaukwa. Oba nen iren mugusogo wulak fisasukwa lek mene re o Gaza, Askelon, Ekron inom, nen o era'lukwe andoma inom he inunggulenu i esanggokwe werek mene andoma re inangge kereta weim yafarek mene re posiemanggen mene fetaluk welagaukwama nogo nen he, andomaba ap Yehuda mene nen it mugusogo wulaginabu elo'lek agaikhe.

HAKIM–HAKIM 14:19

A'nogo yagaisugu kwelek aremnogoat, at Simson Tuhan nen omame wogotikhemo omame agaikhesik he, o Askelon lagaikhe. Lagaikhesik, ap inebe 30 nen inasu fano laberek mene inoatikhe. A'nogo inoatikhesik, inasu omanogo ap inebe 30 nenat wene onggo heratukwa mene omanogo wogisa wagaikhe. A'nogo hilingi'luk he, at Simson a'mage mondok het petsek logolik eisena aiba wagaikhe.

HAKIM–HAKIM 16:1

Linggene misik sambul he Simson o Gaza lagaikhe. Lagaikhesik he, he ekhe yugunat hilingiti lagaikhe mene inom ambi agaukwasik he inom nogo i lagaikhe.

HAKIM–HAKIM 16:21

Andiba re, ap Filistin inaben hasukwasik he Simson enggi hele homak fesukwasik eilenggen fena-fena hemelogo wanhukwa. Wanhukwama re, at ebe nek he o Gaza waluk lagaukwasik hele posiemanggen tembaga mene ebe pire meneba homagaisogo fesukwasik, o afuni hele warogo kwelaginafarek oba omanogo kwelakfesukwa. Kwelakfesukwama omanogo logolik yi mene ti mene enggen sagalhi logouwageluk yagatukwama sagalhu welagaikhe.

1 SAMUEL 5:1

Afuni Filistin mene nen Peti Wene Warogo Allah nen wo'ninafikhe, iluk hilingik a'nogo telogo waluk o Eben-Haezer en he, it inawi kota enu Asdod andoma fei lagaukwa.

1 SAMUEL 5:10

Inane a'nogo sagalik lagaukwasik, Peti a'nogo afuni Filistin mene inawi kota ekhe enu Ekron agarek oba andi waluk lagaukwa. A'nogo waluk lagaukwasik, o kota andoma fei lagunem he, afuni o kota andoma mene nen inane hokhorogo mel isukwa: ”Afuni Israel mene ineisena Tuhan nen Peti wene warogo woginafikhe iluk hilingik mene andi nit ninebe mondogat ninoasuagaluk waluk wagaikha andi nenahalok,” iluk isukwa.

1 SAMUEL 5:8

A'nogo isukwasik, afuni Filistin mene inogogwi kaindek inebe 5 nen omanogo andogosi wesuagaluk inayonggo fesukwa. Inayonggo fesukwama wagaukwama re, mel yagaisasukwa: ”Afuni Israel mene ineisena Allah nen Peti Wene Warogo woginafikhe iluk hilingik mene andi ninggi'nogo hilingisugun anggegep,” iluk heinok wogisasukwama, iren he, ”O Gat andoma lakfeino o,” iluk yagaisasukwa. A'nogo yagaisasukwama, afuni Filistin mene inaiba kota ekhe enu Gat andoma lakfesukwa.

1 SAMUEL 6:4

A'nogo yagaisasukwama, iren he, ”Niren weak hilingito, iluk onggo palogo wogosugun andi, ebe nena mene wogosugun,” iluk heinok wogisasukwama, it ap tugwi kembu eisewerek mene andi nen he, ”Hit hinogogwi inom mondogat hinebene tugerik lagik, wusikham hokhorogo hinoba wagik, ikhe andi nen he, hit Filistin mene hinogogwi kaindek inebe 5 nen aremnogo higithogoat hinebene tugerik laga mene andi faget emas mene ebe 5 nen alik waganogo, nen, wusikham hinoba waga mene andi faget, emas mene ebe 5 nenat alik waganogo lakfogoin o.