1 SAMUEL 6:14 - Allah Wene Fano Wene Hupla Inane

^14-15 Inendawimo inagaiyek hokhorogo hasukwama, kereta a'nogo ap Yosua aiba Bet-Semes mene eabumo helep hokho mene ekhe were'ma era'lu andoma kamo isikhemo, it ap Lewi mene nen he Peti Wene warogo nineisena Tuhan nen wo'ninafikhe iluk hilingik mene a'nogo inom, yi mene ti mene emas oba hilingik mene peti ekhe elonggoma kwelabek engge a'nogo inom, pelakfei wagaukwasik he, helep hokho mene andiba fesukwa. A'nogo fesukwama, afuni o Bet-Semes welagaikharek mene nen kereta a'nogo hali wurogo re, wam sapi pire aremnogo warogo, yi mene ti mene ekhe inom Tuhan endawimo fano asuageluk noletukwa.

1 SAMUEL 6:14 ပူးပေါင်းရင်းမြစ်များ

2 SAMUEL 24:18

Linggene a'nogo sambulat, at Gad a'nogo Daud oba wagaikhesik yagati logolik he, ”Neisena hat hebe re at Arauna nen gandum enggen lolherek oba aremnogo lagai lambik he, Tuhan obaget helep amboloba noletuba enu mezbah a'nogo mene ekhe wusi lan o,” iluk yagatikhe.

2 SAMUEL 24:22

Andi isikhemo at Arauna nen ikhi logolik he, ”Neisena hat hendawimo hilingisigin anggegen mene andi higit asuakhogo re wanimbik Tuhan obaget wogom o. Nen wam sapi ebe warogo nolesigin mene re yoma, nen e nolhu mene faget he hun hokho hangge kweang meisalik lili'lago mene andi e enggi hilingik mene andoma inom, e kagalek talek mene andoma inom wanigin o,” iluk yagatikhe.

2 SAMUEL 24:25

A'nogo onggo palhikhesik he at Daud en he Tuhan obaget warogo nolhu mene iluk inom, Allah ninom sebesugun iluk mene inom, warogo nolhikhemo At Tuhan nen Daud samban isikhe mene a'nogo esanggo holhikhesik he, ou amben weagen ap warek enek hilinglaga lagaikhe mene a'nogo re it afuni Israel mene inoba nen palagaikhe.

1RAJA-RAJA 19:21

A'nogo yagatikhemo, at Elisa a'nogo ambotkwe eabumo lagaikhesik, anggo sapi ekhe emberek wuthogo at elokhoma kelogo fuluk laga lagaikhe mene a'nogo woletikhesik, yabu wanhi lagaikhe mene wam oba kelogo welagaikhe mene a'nogo wam hali wurogo isatikhe. A'nogo isatikhesik, wam kurik omanogo agoromi sumburogo wogisasikhemo nasukwa. A'nogo wogisaluk, at Elisa a'nogo Elia ombo'ne wagaikhesik he Elia amingmingengge hilinglagaikhe.

KELUARAN 20:24

An nobaget mezbah kweang tangge meneba misik ekhe wutfuluk he, andoma hinanggo domba inom sapi inom waluk he, warogo nolhu mene inom, hinagap telogo iluk wam anggerang anggo fogoin mene inom, fei wagunogo. Obalik ebe lombok wenagaisogo fagain kwe andoma hiren An nobaget hilingiti logogun oba iluk seleget foumo, andoma an nebe we'luk fanot hinobagakhi logogin.

HAKIM–HAKIM 21:4

A'nogo hilingitukwasik ohealek hubet siakhogo re, afuni Israel mene nen mezbah wutfesukwasik he Tuhan ninom sebesugun iluk At endawimo agaiyek asuageluk mene inom, nen fanotninobagauwageluk mene inom warogo wogetukwa.

HAKIM–HAKIM 6:26

A'nogo hilingfuluk he molulukhogo lakfagain mene andem amboloba re mezbah heisena Tuhan Allah nobaget mondok fanorogo wu'no. Wut fembik he wam sapi ai mene a'nogo ebe abirengge Tuhan nobaget nolnetu mene iluk nolne'no, e timuk liabek mene kembu Dewi Asyera alik waganek mene haren mululukhogo lakfisagain mene andi re, e nolhu mene faget wurogo nolino,” iluk yagatikhe.

1 SAMUEL 11:5

A'nogo le agunem aremnogoat, at Saul eabumo nen anggo sapi waluk wagaikhesik he, mel yagaisasikhe: ”Afuni mondogat le aga lagep oma re, wene ekhe weregen a?” iluk heinok wogisasikhemo, iren he, weim abok ap Yabesh mene nen yonggo wagaikhe mene a'nogo yagatukwa.

1 SAMUEL 20:29

At lageluk he, mel yaganete: An neisena nagaisa, nogogwi nen o Betlehem pesta Allah faget wam warogo nolesuogoluk ikhi logolik, hat weak-weak we'no o, iluk yaganetama lageluk yagaheti o iluk yaganete. Halok, haren fano lan, iluk yaganeten halok an noe nagot inoba lagain aro, iluk yaganetesik laga andi nen he, at ebe seni isago ninom nouwogoluk wagi'lek andi, neisena,” iluk yagatikhe.

1 SAMUEL 6:13

O andi sambul he, afuni Bet-Semes mene gandum enggen tonggoma andoma palhu welagaukwa. Were'ma, Peti Wene Warogo Allah nen wo'ninafikhe iluk hilingik a'nogo waluk wagunem, ineilenggen yethasukwasik he, inendawimo inagaiyek hokhorogo agaukwa.