1 SAMUEL 6:11 - Allah Wene Fano Wene Hupla Inane

¹¹ A'nogo fesukwasik, Peti Wene Warogo Allah nen wo'ninafikhe iluk hilingik a'nogo, kereta a'nogoba liakfigik, wusikham alik emas mene hilingik a'nogo inom, inebene tuk-tugengge mene alik hilingik a'nogo inom, peti hilingik mene elema kwalogo liakfigik, isukwa.

1 SAMUEL 6:11 ပူးပေါင်းရင်းမြစ်များ

2 SAMUEL 6:3

Lagaukwasik, Peti a'nogo ap Abinadab awi punuba wuri'mo welagaikhe agun a'nogo nen fisogo were'ma wanhukwasik, kereta lisogo woginarek lagarek mene a'nogo enu hilingik meneba liakfesukwasik, ap Abinadab againafuri Uza inom, Ahio inom, emberegen waluk wagaukwa. A'nogo waluk waga logolik, at Uza ebe Peti andi abel fena horokhogo wagu kwelek,

1 TAWARIKH 13:7

It a'nogo o Baala arat asi lagaukwasik Peti Wene Warek a'nogo o hun Abinadab aiba nen wanhukwasik he, kereta ket mene misik ekheba liakfesukwasik hun Uza inom, Ahyo inomen he, waluk lagaukwa.

ULANGAN 28:27

At Tuhan nen afuni Mesir mene inoba hilingfesikhe higithogo hit hinoba ogore pot enggin mene hilinghinobagagin aro. A'nogo hilinghinobagaumo hinagap oba purak inom, kilip-kilibengge mene inom, agal-agalengge mene inom obat mondok lek mene hinoba asigin.

1 SAMUEL 6:10

A'nogo yagaisasukwama, it afuni omanogo nen it inane hologo, wam sapi pire a'nogo eagwi eilak oan wogisugunem oloba yagatfuluk he, isa nek waluk wagaukwasik, kereta a'nogoba kelogo fesukwa.

1 SAMUEL 6:12

A'nogo isukwama, wam sapi aremnogo o Bet-Semes kwe nen pikhit mondok wagaikhe. A'nogo waga logolik, kwe hokho meneba nen abel fena-fena kwigi'lek pikhit ane ilik wagaikhe. A'nogo wagunem, afuni Filistin mene inogogwi raja inebe 5 nen aremnogo hobuk ombo'ne laga lagaukwasik, o Bet-Semes huli-hulimo andoma lagaukwa.

1 SAMUEL 6:4

A'nogo yagaisasukwama, iren he, ”Niren weak hilingito, iluk onggo palogo wogosugun andi, ebe nena mene wogosugun,” iluk heinok wogisasukwama, it ap tugwi kembu eisewerek mene andi nen he, ”Hit hinogogwi inom mondogat hinebene tugerik lagik, wusikham hokhorogo hinoba wagik, ikhe andi nen he, hit Filistin mene hinogogwi kaindek inebe 5 nen aremnogo higithogoat hinebene tugerik laga mene andi faget emas mene ebe 5 nen alik waganogo, nen, wusikham hinoba waga mene andi faget, emas mene ebe 5 nenat alik waganogo lakfogoin o.