1 SAMUEL 5:9 - Allah Wene Fano Wene Hupla Inane

⁹ A'nogo fei lagaukwa meneat he, peti a'nogo o andoma fei lagu kwelek inenggi andibaat, nineisena Tuhan nen afuni o kota andoma mene wene inoba fesikhesik, yenggerugwi inom, inaluendek inom, mondogat inebene tuk-tugengge hilinglasuageluk inoba fesikhe, a'nogo fugunem inailo nen inane mondok hokhorogo sagalik lagaukwa.

1 SAMUEL 5:9 ပူးပေါင်းရင်းမြစ်များ

MAZMUR 78:66

Aren he it aselei mene omanogo warogo lak fisigik, nen inenggi mondok-mondok faget it mondogat inomame leget fisigik, isikhe.

AMOS 5:19

O andi sambul wei ikhi logolik hilingisigin he, afuni ekhe mene singa inailo nen agaiserogo heise logoin meneba nen, no beruang inom ambi asu hak hilingitik, nen inambotkwe inaiba we'luk inenggi o hobat oba fakhugunem, kisu aigen palinabu hak hilingitik, igin o.

ULANGAN 2:15

At Tuhan nen it inom hundik-hundik weim kagalek welagaukwasik ambisangma nen it mondogat leget fisasikhe.

1 SAMUEL 12:15

Meneat he, hiren nineisena Tuhan ane hologo hilingiti'lek, we sagalogo hilingiti logogun halok he, hit inom hinoe raja wenagaisogo fegep mene ari inom he, hineisena Tuhan he aselei mene higit logogun o.

1 SAMUEL 5:10

Inane a'nogo sagalik lagaukwasik, Peti a'nogo afuni Filistin mene inawi kota ekhe enu Ekron agarek oba andi waluk lagaukwa. A'nogo waluk lagaukwasik, o kota andoma fei lagunem he, afuni o kota andoma mene nen inane hokhorogo mel isukwa: ”Afuni Israel mene ineisena Tuhan nen Peti wene warogo woginafikhe iluk hilingik mene andi nit ninebe mondogat ninoasuagaluk waluk wagaikha andi nenahalok,” iluk isukwa.

1 SAMUEL 5:11

A'nogo isukwasik he, inogogwi kaindek omanogo andogosi wesuagaluk inayonggo fesukwama, wagaukwama re, mel yagaisasukwa: ”Nit ninebe inom, ninagainafuri inom, ninoasinogo iluk, afuni Israel mene ineisena nen Peti Wene Warogo woginafikhe, iluk hilingik mene andi, attak welagaikheba ambotkwe lakfeino o,” iluk yagaisasukwa. A'nogo yagaisasukwa hak he, Allah nen afuni o kota andoma welagaikharek mene omanogo mondogat wene weak mene inoba fesikhemo re, inane mondok hokhorogo sagalik lagaukwa.

1 SAMUEL 5:6

Hobuk he, at nineisena Tuhan nen he, afuni Filistin mene o kota Asdod welagaukwa mene inom, o esanggokwe yi awi ti awi welagaukwa mene inom, wene inoba fikhi logolik, ou weak mene inebene tuk-tugengge hilinglasuagaluk inoba fesikhe.

1 SAMUEL 6:11

A'nogo fesukwasik, Peti Wene Warogo Allah nen wo'ninafikhe iluk hilingik a'nogo, kereta a'nogoba liakfigik, wusikham alik emas mene hilingik a'nogo inom, inebene tuk-tugengge mene alik hilingik a'nogo inom, peti hilingik mene elema kwalogo liakfigik, isukwa.

1 SAMUEL 7:13

Afuni Filistin mene mabenet fisasukwasik inoatukwa re, a'nogo. A'nogo inoatukwama, at Samuel ebe eluk werek kwelek, Tuhan nen ap Filistin mene re it afuni Israel mene inaiba wesinogo iluk kwe palinarek were'ma, waga lagaukwa mondok lek.