1 SAMUEL 5:3 - Allah Wene Fano Wene Hupla Inane

³ A'nogo fei kwisukwasik, ohealekwe afuni o kota Asdod andoma welagaikharek mene o huberat siakhogo wagaukwasik kwelakhasukwa re, kembu Dagon a'nogo tamakhogo elokhe sogoum lagaikhesik, Peti Wene Warogo Allah nen wo'ninafikhe, iluk hilingik a'nogo elokhoma were'ma hasukwa. A'nogo hasukwasik, kembu a'nogo ambotkwe waganogo obuluk welagaikheba aremnogo menfesukwa.

1 SAMUEL 5:3 ပူးပေါင်းရင်းမြစ်များ

1RAJA-RAJA 18:26

A'nogo yagaisasikhemo, it omanogo sapi misik ekhe wendeberogo fesukwasik he, senggel fogathogo tuget fesukwa. A'nogo hilingfesukwasik, o huberen pikhit lingge tulem a'nogo re ineisena Baal kino yagati logolik, inane hokhorogo mel ikhi lagaukwa: ”Baal nineisena, ninane hesanggo holimbik he, endu wo'nisan o,” iluk kino yagati lagaukwa. A'nogo yagati logolik, wuni lagik-wagik, wam, yi mene ti mene tugwi kembu Baal faget noletuba mezbah a'nogo abel yiling-waling watu mondok welagaukwa. A'nogo yagatu welagaukwa meneat he, at Baal en ane onggo endebat halok ogo ekhe yagaisasikhe mondok lek.

MAZMUR 115:7

It inenggi werek meneat he ya fak ta fak hilingisu re elo'lek. It ineisok werek meneat he kwe lare mondok elo'lek. It inalonggop elema nen he inane u re elo'legat.

MAZMUR 97:7

Afuni mondogaren kembu fogeratarek mene andoma re it inenggali wasigin, yi wene ti wene ero legengge faget a'nogoba inendawinggen tibet fuluk hilingiri'lagwi mene andoma ogore inenggali asugunat, nen tugwi kembu dewa mondogat ogore At Tuhan a'ma nek sebe uluk fogerati logogun.

KELUARAN 12:12

A'nogo nogoin andi sambulat hubanggo An o Mesir yi awi ti awi mondogat neilenggen kogolik waga logolik, inagainafuri manggusa tago ap mene nek inom, it inanggo ai mene attagat tago mene inom mondogat inoasigin. Nen, afuni Mesir mene nen yi mene ti mene oba himbirik logolik fogeratarek mene andi mondogat weaget fisagain. An Nebere Hineisena Tuhan.

YESAYA 19:1

Mesir mene inoba hilingfisagain mene yagaisoageluk isikhe mene re yi. Tuhan o Mesir lageluk ohena weak-weak lagarek meneba weri'logo a'li yethani! O Mesir oba tugwi kembu werek mene omanogore At elokhoma inoak leigetik, nen afuni Mesir mene re inendawinggen eak agik hilingiri'lagwingge andi.

YESAYA 40:20

Ap emas ogo perak ogo hunira elo'lek mene re, e weak-weak filiasu elo'lek mene penogo fagarek. Fuluk he aren ap alik waganogo wuterek mene oba weak-weak talosu elo'lek mene heraginapluk he wusuageluk yagaisagarek.

YESAYA 41:7

It e meneba wutu inelu mene nen he emas meneba wutu inelu mene inendawimo ago wat fisigik, nen martelo ba posiemanggen sagalharek mene nen he, ap eangge fuluk sagalharek mene omanogo fogerinafik, agarek. Iren ikhi logolik, ”Haren hilingiti lagen mene oma re mondok fano o,” iluk agarek. A'nogo hilingisogo fuluk he abolok inogoluk paku ba ninghogo wat fagarek.

YESAYA 46:7

Kembu ilirengge a'nogo paku warogo obali'mo fuluk were'ma ekhema waganogo lagi'lek andoma mondok mendek welagarek. Aben samban at oba ugu halok he, aren onggo yagaisikherek lek, it ekhe inoba enggin were'ma aren leberisigik, at ebe legasu hak hilingi'mo agap telhik, ikherek mondok legat.

YEREMIA 10:8

It inanggembu dewa andoma re e mene hilingi'mo re fano meneba yanggulinabu lek hak, it andoma mondogat he kemburek logoligen hilingik.

ZEFANYA 2:11

Tuhan nen he, it inebe inailonek asuageluk hilingfisagain. Aren he, kembu Dewa o kweangma werek mene andoma mondogat wolelenggenhogo lakfisagain. A'nogo hilingfisamo re yi afuni ti afuni inunggulenu lombogen he, Tuhan obaget inonggwarek inailokwe lombogen hilingiti logogun.

MARKUS 3:11

Ou a'nogo higirinafu kwelek, it munggwarengge inobabut weak mene afuni inendawimo kwisukwasik welagaukwa mene nen Yesus ebe ineilenggen hasukwasik inelokhe sagaum po i lagaukwasik he, inane hokhorogo yagati logolik, mel ikhi lagaukwa: ”Allah amlogo re, hararo,” iluk yagaukwa.

1 SAMUEL 6:1

Peti Wene Warogo Allah nen wo'ninafikhe iluk hilingik mene a'nogo o Filistin andoma tugi 7 nen fisogo welagaukwasigen,

1 SAMUEL 6:5

Andi nen he, hiren hinebene tugerik laga mene andi faget alik hilingitik, nen o hit were'ma yoma wusikham sakhogo kwi wagasik weak-peakhogo hilingiri'lago andi nen he, wusikham alik ekhe hilingitik, ini o. Hiren afuni Israel mene ineisena Allah agaukhogo a'nogo hilingisugun andi nen he, Aren hit hinebe inom, hinandugwi kembu inom, hinawi inom, wene hinoba fikhe mene andi korogo leget fagain anggikhi lago o.