1 SAMUEL 4:9 - Allah Wene Fano Wene Hupla Inane

⁹ Andi halok he, nagoromi Filistin mene yi. Hinendawinggen hambukhogo logoni o. Hinebe ap mondok logolik, weim yabino o. A'nogo hilinglasugun lek halok, afuni Ibrani mene attagat hiren hinamingmingengge higit ferinarek welagagip a'nogo hak, yogondak hit iren inamingmingenggge higit fethinarek logogun o. Andi nen he, hit hinendawinggen hambukhogo hinailo'lek logolik, weim yabino o,” iluk yagaisasukwa.

1 SAMUEL 4:9 ပူးပေါင်းရင်းမြစ်များ

2 SAMUEL 10:12

Hendawinggen hambuget hano! Nit he ninambong serogo nit ninunggulenu mene faget inom, o kota nineisena Allah aiba omanogo faget inom yabuogeluk welago hilingi'mo re. We At Tuhan nen enek At endawimo agaiyek anggikhe mene nek hilingisuago,” iluk yagatikhe.

YESAYA 14:2

Afuni Israel mene inawi eroma Tuhan nen wogisasikheba andoma nekhengge wesuageluk he it inunggulenu hokhorogo nen leberinabugun, nen o andoma nen he it inunggulenu andoma mene re it Israel mene inamingmingengge a'luk logouwageluk hilinginabugun. It Israel mene nen he it ap sebelinarek welagaukwa mene omanogo iren ogore sebelinarek logogunat. Nen it inane omameba yagaisikhi lagaukwa mene omanogo it Israel mene nen ogo inane omamerogo yagaisikhi logogunat.

YESAYA 33:1

Nit ninaselei mene andoma re alomat laga logouwak! Niren it inangge ekhe telhi lago lek oba nen ninangge teluogeluk hilingitik, henarogo hilingiti lago lek oba nen iren henarogo hilingitik, agarek. Oba nen he arat telogo helaluk inom henarogo hilingi'luk inom he, it inonggwarek inobaat afuni nen hinatik, henarogo hilinginafik ugu mene hilinglasugun o.

1 KORINTUS 16:13

Hinebe hebelogo logolik he, hinendawinggen Allah oba himbiret fuluk, mendegat logoino o. Hinobabut hinailo lekhogo logolik he, hinomamerogo logoino o.

HAKIM–HAKIM 10:7

Andiba re, Tuhan nen afuni Israel mene inoba a'mage fesikhesik, ap inunggulenu Amon mene inom, Filistin mene inom inawe a'ma logouwageluk herakfisasikhe.

HAKIM–HAKIM 13:1

Afuni Israel mene nen Tuhan ane sagalogo hobuk weak hilingitukwaat. A'nogo hilingitukwama, aren he, ”Afuni Israel mene yi re, it Filistin mene inawe a'ma 40 tahun ferinarek logonik he,” iluk inebe herakfisasikhe.

1 SAMUEL 14:21

A'nogo hilingitu kwelek, it ap Ibrani mene afuni Filistin mene inaiba welagaukwa mene omanogo re it ap tentara Filistin mene inom wagaukwa menere, hobuk inambotkwe Saul inom, Yonatan inom, lambuk i wagaukwa.

1 SAMUEL 4:8

Eberogoat weaget ninabugun o! Halok he, it ineisena dewa fogeratarek mene omame hokho andi nen ninoasinogoluk sa nen telninabigin anggegep? It ineisena fogeratarek mene andi nen endamat ap Mesir mene o leimo afuni le'ma nen wulil tagalogo inoatikhe lek nogo? Eberogoat inoatikhe aro.