1 SAMUEL 4:17 - Allah Wene Fano Wene Hupla Inane

¹⁷ A'nogo yagatikhemo, ap wene waluk wagaikhe mene a'nogo nen he, mel yagatikhe: ”Ap Israel mene re it Filistin mene nen muginarek wulifi logolik he, nit fikhit mene re ap warek enek kabok ikhemo re, nit mondok maben ago o. Ninebe mondok hokhorogo ninoati logolik, hat hamlogomi inebe pire, Hofni inom, Pinehas inom, aremnogo emberegat inoata o. A'nogo inoati logolik, Peti Wene Warogo Allah nen wo'ninafikhe, iluk hilingik a'nogo selei mene nen helaluk lagaikha aro,” iluk yagatikhe.

1 SAMUEL 4:17 ပူးပေါင်းရင်းမြစ်များ

MAZMUR 78:61

Aren he Peti Wene Warek kwalabek mene a'nogo aben waluk loageluk herak fesikheat. At ebe ombak-bak werek mene faget alik waganogo welagaikhe mene a'nogo it aselei mene nen helaluk loageluk herakfisasikhe.

MAZMUR 78:64

It inogogwi imam omanogo re karok oba mondogat inoatukwama re, it mene inagawi sogwe omanogo nen it inobaget le asu re, elo'lek hilingik welagaikhe.

1 SAMUEL 2:34

Wene An nen yagaheti andi mondok eberogoat iluk enegat asuageluk ebe hilinglaga logolik, hat hagainafuri inebe pire Hofni Pinehas emberek o misik sambulat wa'lasugun o.

1 SAMUEL 3:11

A'nogo yagatikhemo, At nineisena Tuhan nen he, mel yagatikhe: ”An nen afuni Israel mene faget inailo mene ekhe hilingisigin o. A'nogo hilingitunem afuni inesanggo holugun mene inebe lombok inobakheindok palasugun.

1 SAMUEL 3:12

Andi sambul he, An nen ap Eli againafuri inom yi wene ti wene, hinoba fagain o, iluk yagati mene andi eroma nen pikhit wurep oba huliat mondo'-mondok inoba fagain o.

1 SAMUEL 4:16

Were'ma, ap a'nogo nen ikhi logolik, ”An he, weim yafaba nen humusek yogondak yaat wagarigo,” iluk yagatikhemo, at Eli nen he, mel yagatikhe: ”Namlogo wene re ninggi'nogo,” iluk heinok wokhasikhe.

1 SAMUEL 4:18

Ap andi nen he, ”Peti Wene Warogo Allah nen wo'ninafikhe iluk hilingik a'nogo yi'nogo hilingita,” iluk yagatu kwelek aremnogoat, ap Eli ebe leget pa'leget ambe pale'ma era'lu andoma hurek welagaikhengge a'nogo tamakhogo ambot lenggak pisikhe. A'nogo pikhi logolik he, at ebe arat yaman agaikhesik ebe mondok lumbuk helarogo hilingfesikhemo nogo nen he, ot lumbukhogo pinggi wa'lagaikhe. At ebe eluk logolik, afuni Israel mene 40 tahun ferinarek welagaikhe.