1 SAMUEL 4:11 - Allah Wene Fano Wene Hupla Inane

¹¹ A'nogo inoati logolik, ap Eli againafuri inebe pire, Hofni inom, Pinehas inom, aremnogo inomat inoati logolik, Peti Wene Warogo Allah nen wo'ninafikhe iluk hilingik mene a'nogo it inaselei mene nen telogo helaluk lagaukwa.

1 SAMUEL 4:11 ပူးပေါင်းရင်းမြစ်များ

MAZMUR 78:56

Oba nen he, iren Allah ba inobaharo fikhi logolik he At Mondok Lego welagarek mene a'nogo obabut palugun mene nek hilingiti lagaukwa. At Awene melalek yi'nogo hilingiti logoino, ti'nogo hilingiti logoino iluk yagaisasikhe mene omanogo iren furogo holhi'lek hilingiti lagaukwa.

MAZMUR 78:64

It inogogwi imam omanogo re karok oba mondogat inoatukwama re, it mene inagawi sogwe omanogo nen it inobaget le asu re, elo'lek hilingik welagaikhe.

YESAYA 3:11

Oba nen ap inaniniba nek hilingiri'lagwi mene andoma re, iren afuni amu mene inoba hilingfisili'lagwi andi hakhogore it inoba ogo a'nogo hilingfisagain enggere inaplurogo logouwak.

YEREMIA 7:12

Hit he o Silo kota attak An nen nobaget hilingiti logolik kabogetuba iluk wenagaisogo fesigiba a'nogo lani o. Laluk he it An nagainafuri Israel mene nen inaweak hilingiti lagaukwama An nen o andiba hilingfesigi aple andoma hineilenggen kumuthano.

1 SAMUEL 2:31

Hesanggo fanorogo holino. Hat hagainafuri inom, iren tagomangge mene inom, ap alage mene nek An nen inoasigin oba weregaro. A'nogo inoasumo, it ap mene nek inebe umur uanhogo ineluk logogun mondok lego.

1 SAMUEL 2:32

An nen afuni Israel ekhe mene inoba fanot fisugunem, yi'nogo ti'nogo hilingfisugu mene omanogo heilenggen haluk hendawimo heiselhik, ha'ma weak agik, ikhi logolik logogin o, nen hat honggwarek heisok erokwe mene re inebe mondogat oan souge werek kwelek wa'laga logogun.

1 SAMUEL 2:34

Wene An nen yagaheti andi mondok eberogoat iluk enegat asuageluk ebe hilinglaga logolik, hat hagainafuri inebe pire Hofni Pinehas emberek o misik sambulat wa'lasugun o.

1 SAMUEL 3:12

Andi sambul he, An nen ap Eli againafuri inom yi wene ti wene, hinoba fagain o, iluk yagati mene andi eroma nen pikhit wurep oba huliat mondo'-mondok inoba fagain o.

1 SAMUEL 4:21

A'nogo kamo isikhesik, Peti Wene Warogo Allah nen wo'ninafikhe, iluk hilingik a'nogo telogo waluk lagik, at eisena inom, agun inom, emberek inebe inoatik, aga andi nen, ”Allah fogeratorek mene a'nogo ninanggele'ma nen longgoikhemo o,” iluk u hak, eak enu, ”Ikabod,” salhikhe. A'nogo salhi logolik mel isikhe: ”Peti Wene Warogo Allah nen wo'ninafikhe iluk hilingik a'nogo telogo waluk lagaikha andi nen, Allah fogeratorek mene a'nogo ninanggele'ma nen longgoikhemo o,” iluk isikhe.